الإبـــــــــــــــل 0 وبــيــّــــاع الــحــلـيــب

السلام عليكم ورحمة الله وبركاته

أيها الأخوة قبل حوالي أسبوع تقابلت مع الأخ / متعب بن زيد أبو ثنين في أسطبل الخيل العائد له في الجنادرية وقد جلسنا في مجلسه وأثناء تناولنا القهوة عنده تجاذبنا أطراف الحديث حتى وصل الحديث إلى من يبيعون الحليب فقال لي ماقلت فيهم شئ فقلت له لا لم أقل شئ فقال تكفى نبي أبيات فيهم فقلت له أبشر وقد نظمت هذه القصيدة 0؟


[poem=font="Simplified Arabic,5,undefined,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
ماب المطايا فيد عبّادة المال=اللي مع شيمها تبيع الحليبي

ولاباعه إلا هافي الصلب والخال=في سلمهم مافيه شي ٍ يعيبي

ناموسهم في جمعة القرش وريال=ولا لهم في الطيب حض ونصيبي

أبك اللبن رمز الكرم لأهل الأفعال=مكرمين الضيف عز القريبي

نطّاحة الواجب على كل الأحوال=في اليسر ولا في الزمان العصيبي

أدناهم اللي لجاير الحمل شيّال=في مرتع الناموس دايم ربيبي

البل لهم عشق ٍ على مر الأجيال=حامينها من حوف غزو ٍ حريبي

دم النحر من دونها في اللقا سال=من حبّها ماهاب حد ٍ عطيبي

لها بدار الخوف مرتع ومدهال=شمس السعد من جوّها ماتغيبي

في ظل شجعان ٍ شغاميم وأبطال=الكل منهم فيه رأي ٍ يصيبي

من حبّها يقنونها دق وجلال=والطعم لاشح الحيا له يجيبي

يرخص لها المخبا ويتعب لها الحال=عنده توازن في غلاها القريبي

لاشافها يلعب على كل موّال=ويطير نومه لافقد له ذهيبي

ولاشافته قامت ترازم وتجتال=لوهي تكلم سمع كلمة حبيبي

فيالله بنو ٍ من مناشيه همّال=تسعين ليل ووبل غيثه صبيبي

عليك يادار ٍ بها كل وبّال=وعليك يادار النخل والشريبي

ونشوف نبت القاع بألوان وأشكال=تشبع به دقاق المطايا وشيبي

وختامها صلوا على الرسل والآل=إعداد مايقنب على الضلع ذيبي[/poem]

شجاع الاكلبي

بيض الله وجهك يا ابيض الوجه وصح لسانك على هالقصيدة الشريفه في معناها ومغزاها

والله مايبيع حليب عطايا الله الا من يبيع مذهبه لعنبو اصله الردي ولا هيب من شيم العرب بيع حليب البل

ولاكن هاذا الوقت يابو عمر لاتستغرب فيه شي كفانا الله وياكم والمسلمين شر عوقبه

تحياتي وتقديري

اخوك

فهيد السميري السبيعي