عليه ظابط نجمتين وجندي أول وعرفا

[poem=font="Simplified Arabic,6,undefined,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
خذيت من بقعا ومن صكات بقعا ما كفا=وخذيت من لوعات دنياي الكفايه وأكتفيت
قدلي سنين أبغا الزمن يصفي وعيا ما صفا=وأصبر على جور الزمن ولغير ربي ما شكيت
ربٍ يعرف البينه ولايغره ماخفا=ويعلم بما تضمر ويعلم يا أبن آدم مانويت
فالبارحه يوم أن كلاً بالكرى طرفه غفا=ماذقت حلو النوم مثل المسلمين ولا أهتنيت
ماهوب مسهرني مرض وآروح آدور للشفا=مسهرني اللي كل ما يطري على بالي بكيت
مسهرني هموماً تمشيني معا درب الحفا=وأمشي معه مجبور ولاونها بكيفي مامشيت
وهبت علي المربعانيه ولا حولي دفا=هبت علي بهموم منسى صاعقتها ماحييت
ثم لبستني بشتٍ مفصل على جسمي ظفا=وأنا مانيب آبيه لاكن أبتلتني وأبتليت
عليه ظابط نجمتين وجندي أول وأعرفا=وفي موكبه دوريتين بطقمهاوالله يخارج يابشيت
والحظ لامني بغيته ليه معطيني قفا=أدخل على الله من رداة الحظ والوضع المميت
ومن شين حظي هقوتي دايم توقع في صفا=لوفالبحر لحمر توقع في صفاتٍ لارميت
ياحظ عان النور بحظوظ الخلايق ما طفا=وأشوف نورك مانواه يشع من يومك طفيت
فعاملت ناسٍ بالوفا ماعاملوني بالوفا=ياطيب قلبي ليتني من مبتداها ماوفيت
ناسٍ مع (البابا علي)ظني شراكا وأحلفا=وأنا علي اللوم لني بعت معها وأشتريت
وأبطيت وأنا بنتظار الطرقي اللي مالفا=وطالت علي السالفه مابين لاوني وليت
طرقي على خط السفر بين الحويه والشفا=بغيت آقول أسمه وأعلمبه ولاكن أستحيت
يا أهل المعرفه مر ماينصف ومراً ينصفا=وألقاه مع ناسٍ وأنا أدور عليه ولا لقيت
ونفسي عزيزه لاطرالي شي قالت لي أفا = خل السفايل لهلها يا لكلبي دام أعتليت
وشفت الحدث بالعين والمصدر على الشاشه نفا=ويقول للي شاهده أسكت وكنك مادريت
والفيلسوف اللي تحزٌم بالحزام الناسفا=لو المباحث تمسكه قال الحقيقه كمبليت
أذنبت يالله منك غفرانك ويالله تعفا=عن ما مضى مما أرتكبت من الذنوب وماجنيت
هذا وصلى الله على طه النبي المصطفى=وأعداد من صلى وصام أمن العباد وحج بيت



[/poem]

ارحب ياناشي



حيا الله الجزاله وهلها

هنا نص شعري غير عادي

هكذا الشعر ياناشي


مبروك للشعر تواجدك

سجل اعجابي ومتابعتي على طول


صح لسانك وفالك الابداع كعادتك

عليه ظابـط نجمتيـن وجنـدي أول وأعرفـا
وفي موكبه دوريتين بطقمهاوالله يخارج يابشيت


صح لسانك اخوي ناشي


والقصيده جميله جدا

لكن في زياده في عجزالبيت الموضح اعلاه

اخل في القصيده --ارجو اصلاحه حتى يكتمل جمالها

صح السانك ياناشي

مبدع دائما نصك في غاية الروعة ومتهى الجزالة

لاهنت يابوعبدالله

وكلام اخوي سعد في محله

تحياتي للجميع

شكراً للجميع على المرور وعلى ألأحاطه................. وصحيح الزياده..ولاكن أستعجالي بالكتابه صدر منه الخطا

والـــبـــيــــــــت الصحيح.....هــــــــــــــــــــــو


عليه ظابط نجمتين وجندا أول وعرفا=وفي موكبه دوريتين ويا مخارج يابشيت

الغالي ناشي الجنيبي

صح الله لسانك
ولاهنت
وسلم فكرك وبنانك
لك تحياتي

صح لسانك ياناشي
والله يحييك في النداوي يا ايها الطير النداوي
قصيدة صافحناها سابقا واعجبتنا ايما اعجاب
والان هانحن نراها في النداوي وهي اهل لذلك
سلمت يمناك ولاعدمناك

شكراً للجميع على المرور كلاً على حده والشكر موصول لأبن اليتيم... ولأستاذي .. سعيد أبن مقبل
,,,,,,,,,,,,,,,,,,,,,,, شـــــــكـــــــرا,,,,,,,,,,,,,,,,,,,,,,,,,,,,,,,,,,ً