[poem=font="Simplified Arabic,6,undefined,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
خذيت من بقعا ومن صكات بقعا ما كفا=وخذيت من لوعات دنياي الكفايه وأكتفيت
قدلي سنين أبغا الزمن يصفي وعيا ما صفا=وأصبر على جور الزمن ولغير ربي ما شكيت
ربٍ يعرف البينه ولايغره ماخفا=ويعلم بما تضمر ويعلم يا أبن آدم مانويت
فالبارحه يوم أن كلاً بالكرى طرفه غفا=ماذقت حلو النوم مثل المسلمين ولا أهتنيت
ماهوب مسهرني مرض وآروح آدور للشفا=مسهرني اللي كل ما يطري على بالي بكيت
مسهرني هموماً تمشيني معا درب الحفا=وأمشي معه مجبور ولاونها بكيفي مامشيت
وهبت علي المربعانيه ولا حولي دفا=هبت علي بهموم منسى صاعقتها ماحييت
ثم لبستني بشتٍ مفصل على جسمي ظفا=وأنا مانيب آبيه لاكن أبتلتني وأبتليت
عليه ظابط نجمتين وجندي أول وأعرفا=وفي موكبه دوريتين بطقمهاوالله يخارج يابشيت
والحظ لامني بغيته ليه معطيني قفا=أدخل على الله من رداة الحظ والوضع المميت
ومن شين حظي هقوتي دايم توقع في صفا=لوفالبحر لحمر توقع في صفاتٍ لارميت
ياحظ عان النور بحظوظ الخلايق ما طفا=وأشوف نورك مانواه يشع من يومك طفيت
فعاملت ناسٍ بالوفا ماعاملوني بالوفا=ياطيب قلبي ليتني من مبتداها ماوفيت
ناسٍ مع (البابا علي)ظني شراكا وأحلفا=وأنا علي اللوم لني بعت معها وأشتريت
وأبطيت وأنا بنتظار الطرقي اللي مالفا=وطالت علي السالفه مابين لاوني وليت
طرقي على خط السفر بين الحويه والشفا=بغيت آقول أسمه وأعلمبه ولاكن أستحيت
يا أهل المعرفه مر ماينصف ومراً ينصفا=وألقاه مع ناسٍ وأنا أدور عليه ولا لقيت
ونفسي عزيزه لاطرالي شي قالت لي أفا = خل السفايل لهلها يا لكلبي دام أعتليت
وشفت الحدث بالعين والمصدر على الشاشه نفا=ويقول للي شاهده أسكت وكنك مادريت
والفيلسوف اللي تحزٌم بالحزام الناسفا=لو المباحث تمسكه قال الحقيقه كمبليت
أذنبت يالله منك غفرانك ويالله تعفا=عن ما مضى مما أرتكبت من الذنوب وماجنيت
هذا وصلى الله على طه النبي المصطفى=وأعداد من صلى وصام أمن العباد وحج بيت
[/poem]
خذيت من بقعا ومن صكات بقعا ما كفا=وخذيت من لوعات دنياي الكفايه وأكتفيت
قدلي سنين أبغا الزمن يصفي وعيا ما صفا=وأصبر على جور الزمن ولغير ربي ما شكيت
ربٍ يعرف البينه ولايغره ماخفا=ويعلم بما تضمر ويعلم يا أبن آدم مانويت
فالبارحه يوم أن كلاً بالكرى طرفه غفا=ماذقت حلو النوم مثل المسلمين ولا أهتنيت
ماهوب مسهرني مرض وآروح آدور للشفا=مسهرني اللي كل ما يطري على بالي بكيت
مسهرني هموماً تمشيني معا درب الحفا=وأمشي معه مجبور ولاونها بكيفي مامشيت
وهبت علي المربعانيه ولا حولي دفا=هبت علي بهموم منسى صاعقتها ماحييت
ثم لبستني بشتٍ مفصل على جسمي ظفا=وأنا مانيب آبيه لاكن أبتلتني وأبتليت
عليه ظابط نجمتين وجندي أول وأعرفا=وفي موكبه دوريتين بطقمهاوالله يخارج يابشيت
والحظ لامني بغيته ليه معطيني قفا=أدخل على الله من رداة الحظ والوضع المميت
ومن شين حظي هقوتي دايم توقع في صفا=لوفالبحر لحمر توقع في صفاتٍ لارميت
ياحظ عان النور بحظوظ الخلايق ما طفا=وأشوف نورك مانواه يشع من يومك طفيت
فعاملت ناسٍ بالوفا ماعاملوني بالوفا=ياطيب قلبي ليتني من مبتداها ماوفيت
ناسٍ مع (البابا علي)ظني شراكا وأحلفا=وأنا علي اللوم لني بعت معها وأشتريت
وأبطيت وأنا بنتظار الطرقي اللي مالفا=وطالت علي السالفه مابين لاوني وليت
طرقي على خط السفر بين الحويه والشفا=بغيت آقول أسمه وأعلمبه ولاكن أستحيت
يا أهل المعرفه مر ماينصف ومراً ينصفا=وألقاه مع ناسٍ وأنا أدور عليه ولا لقيت
ونفسي عزيزه لاطرالي شي قالت لي أفا = خل السفايل لهلها يا لكلبي دام أعتليت
وشفت الحدث بالعين والمصدر على الشاشه نفا=ويقول للي شاهده أسكت وكنك مادريت
والفيلسوف اللي تحزٌم بالحزام الناسفا=لو المباحث تمسكه قال الحقيقه كمبليت
أذنبت يالله منك غفرانك ويالله تعفا=عن ما مضى مما أرتكبت من الذنوب وماجنيت
هذا وصلى الله على طه النبي المصطفى=وأعداد من صلى وصام أمن العباد وحج بيت
[/poem]
تعليق