ياقلب يالي صار كنه فلسطين = مدري متى بالله يزول احتلاله

قصيدة من القديم وسبق ان شاركت بها في امسيات تحت التغطية الاعلامية من بعض القنوات
واضعها عربون مشاركة وتواجد في هذا المنتدى العملاق
ارجو ان شاء الله ان تنال على اعجابكم وان تكون بحجم اعضاء ومشرفين هذا الصرح الشعري الشامخ
ولكم مني كل تقدير

يامحملين العفـش بالله علـى ويـن=ماتاخذون الـي طـوى الهـم حالـة
انتـم بنـي عمـي كـرام مياميـن = ماهـي عـلاقـة مــال ولازمـالـه
نبغى نسج السـاق صـوب البلاديـن = صوب الحصان وماشمخ مـن جبالـة
جنوبك العـارض وهـاك الضلاعين=فـي واديٍ طلحـة يضلـل اضلالـة
حبي لها مـن يـوم حنـا بزاريـن=في عيني احسن من جنيف وصلالـة
ذي دار جـدي قبـل سـن القوانيـن= ذي دارنا غصـبٍ علـى كـل عالـة
ان كان حال الظرف عنها الـى حيـن= يابوسعـود انقـل لربعـي رسـالـة
ووصل سلامي مرجحيـن الموازيـن= ربعي رجال الطيـب واهـل الجمالـة
واعزتـي للـي بلـيـا عضيـديـن=غريـب دار وقطعـت بـه احبـالـه
واسباب شيٍ يشغل النفس من حيـن=خفايفـة عـنـد المـريـح اثقـالـة
بدعت انا من زبـدة القـاف سبعيـن=سبعيـن قـاف عـارف وش مجالـه
وان زدتها ياهـل المواقيـف بيتيـن= قلـت اسمحولـي يارجـال الشكالـه
ويالله تقديني علـى الخيـر والزيـن= لاصـار فيـه امـراً يريـد الاطالـه
سبحان مـن بمـره جميـع الثقليـن= الـي خلـق خلقـة وغيـر حوالـه
واليوم عمري صار فـوق الثلاثيـن= ولاعاد نـدري كـم بقـا مـن ليالـه
ياخبل رجلٍ وصـل فالسـن سبعيـن= ماجـاز عـن ميلـه وخـلا ضلالـة
خل هـل السنـة وجمـع المصليـن= ماطـاع ربـه والرجيـم استمـالـه
الشهر راح ويلحق الشهـر شهريـن= وشهـر بـدا لابـد نرقـب اهـلالـة
ايامنـا راحـت ولا نــا ابـداريـن=كلنـا علـى الدنيـا لـزوم زوالــه
مـن غرتـه دنيـاه هـذاك مسكيـن= يصحى ولكن ساعـة المـوت شالـه
ويالله بفضلك يـوم نشـر الموازيـن=كتابـي ابيمنـاي مـاهـي شمـالـة
وياعيـن كفـي ماتهليـن ياعـيـن=دمعك نضب من جمـة الـراس مالـه
ولا ودي ابدي خافـي القلـب تكفيـن= شـي سببـه الـوقـت ولاخبـالـه
وانتي تعرفيـن السبايـب وتدريـن= من وقتي الي طقنـي اليـوم جالـه
مـن دورة الايـام ذقـت الامـريـن= والوقـت بيـن خايبـة مـن رجالـه
بعض العرب لاتحسبنه علـى الديـن= لا جت مواقـف القسـى شـان فالـه
وانا عرفـت ان المواقـف براهيـن= وجربت من يطـري الوفـا بالعمالـة
شفت الرجال اصناف ماهيب صنفيـن= كـل علـى ساسـه تبيـن افعـالـه
والطيب قسم بيـن حضـر وبداويـن= العنقـري قـد قالهـا فـي مثـالـة
وهايـبٍ مـن مالـك الملـك والديـن=الواحـد المعـبـود جــلا جـلالـة
ولاهيـب سلعـة تنجلـب فالدكاكيـن=يجيبهـا التاجـر بـمـدت اريـالـة
والعـد لـه يـوم المواريـد وردين= احـد شـرب لاحيـق واحـد زلالـة
ويا ناشد عـن حالتـي والمضاميـن=تبغى الجواب وتحسـب القلـب دالـة
عـزاه ياقـلـب همـومـه مـلايـن= يخفـي همومـه داخـلـة عزتـالـه
اسهر وكل الخلـق بالنـوم ممسيـن= يوم ان راعـي الكيـف نثـر ادلالـه
كله سبايب وقتنـا الـي غـدا شيـن= وقـت تخالـط عايـجـه بنعـدالـه
مانيـب مقهـور ولانيـب مسكـيـن=ياوقتنا الـي صـار ترغـي اجمالـه
الوقـت لايصفـي ولانـا بصافـيـن= ولاحد عـن المكـروه ماخـذ وكالـة
ماهمنـي عـي تعـيـن مطاعـيـن= يفـرح عليـه لاهـرج فـي مقالـه
انامن اهل الكـار والطيـب والديـن=امعـرب مابـيـن عـمـه وخـالـه
واحنا هل المـدات فالعسـر والليـن= الرجـل فينـا مايـشـح ابحـلالـه
ذا طبعنـا ماهـوب جيـل وجيليـن=من وقت عامر وورثـة فـي عيالـه
شـي تثبتـه الكتـب والـدواويـن= في صفحـة التاريـخ لاجـا مجالـة
وكان السبب يومي هويت اريش العين=عين الهنـوف الـي ذبحنـي دلالـه
زينه زما زود علـى الزيـن بالزيـن=حتى بها الوصـاف يضـرب امثالـه
ليتـي عرفتـه يـوم حنـا بزاريـن=الي كسـب فالزيـن تاجـة وشالـة
اتلا العهد به ليلـة اربـع وعشريـن=من شهر ستة وصـل منهـا رسالـة
ومن عقبها معاد نـدري علـى ويـن=هو فـي جنـوب الـدار ولا شمالـة
كانه زعل نصبر عسى قلبـك يليـن=وان كان ظـرف الله يعجـل زوالـه
وياخـوف قلبـي لايطيـع العذوليـن=اخاف غـض العـود شـح بوصالـة
اقولهـا يامنيـة الـروح والعـيـن=لانامـو العربـان يجلـس لحـالـه
ماهوب انا الي يقضي الديـن بالديـن=ولانيب اطالـب واحـدٍ فـي حلالـه
مير البلا من يحسب الحـر لـه قيـن=المـال غـره وانخـدع فـي جمالـه
والله من هـم لحـا الحـال عاميـن=حمل شلعـة القلـب ثـم ارتكـا لـه
ياقلب يالـي صـار كنـه فلسطيـن=مـدري متـى بالله يـزول احتلالـه
واخبر ضعيف النفس شذب المقفيـن=ولـد العجـوز الـي ربـا فالحثالـه
كانه بعير الـي خلـق لـه سناميـن= قلـة تـرا عنـد العرينـي اعقالـة
عندي بحور الشعر من فوق تسعيـن=وحطيت مـن بحـر ملكتـه اسبالـة
شاعـر مثبـت حجتـي بالبراهيـن=وفي وجه من يجحد كرمتـو اتفالـه
قريـت وردي دون كـل الشياطـيـن= ولاتزحزحـنـي وجـيـه النـذالـة
اثبت نفسـي فـي جميـع المياديـن= ولا الـردى واجـب علـي اعتزالـة
طمحـت للعليـا ولا ابـي المطاميـن=اشـوق للعليـا واعــدي اجبـالـة
ولانيب احب الـزود مثـل المسميـن=مـن دون نامـوس وسيـعٍ خيـالـة
يقولهـا الـي مرجـح للمـوازيـن=ماهوب ينقـص شـط دجلـة ابيالـه
بعض العرب لوحط له بـس بيتيـن=تقـول كنـة صـار صاحـب جلالـة
وسـط المجلـة سجلولـه عناويـن=في صورتـه شفتـه مميـل اعقالـة
حطـوه مابيـن البشايـر وياسميـن= وفي الصفحة الاخرى مليحـة وهالـة
منتا بشاعـر لـو تسـوق الملايـن= الخبـل خبـل ولا يفـيـده اخبـالـه
وش فايـدة شعـر بليـا مضامـيـن=مايعـلـن الشاعربقـافـة نظـالـة
جزل المعاني حفظت اسنين واسنيـن=مثل الجبل طـول الزمـن مـا ازالـه
وبعض المعاني لمعوهـا الضعيفيـن= بنيـت علـى جـرفٍ سريـع هيالـه
وختام هـذي عـد حمـل البساتيـن=وعداد حبـات الحصـى فـي رمالـه
صلو علـى الهـادي امـام النبييـن=علـى محمـد سيـد الخلـق والــة

الشاعر
عبدالعزيز ال حمد السبيعي

عبدالعزيز ارررررررررررررررررررحب تراحيب المطر

علي الحرام اناه شااااااااااااااااااااااامخه بشموخ فكرك يالقررررررررررم


شرفني انني اول معانقي هذه الجززززززززززززززززززززززززززله



معلقة شعر كتبها شاااااااااااااعر جززززززززززززززززل



ارق التحايا

مرحبا ترحيب المطر يا ابن العم

شاعر علم ونص جزل

صح لسانك وسلمت يمينك

تحياااااتي وغلاااااااي

اخوك

ارررررررررررررررحب يابوسعود تراحيب المطر




وصح لسانك ملايييييييييييييييين




شاعر جزل ويسعدنا تواجدك في النداوي



لك تقديري

عبدالعزيز ارررررررررررررررررررحب تراحيب المطر

علي الحرام اناه شااااااااااااااااااااااامخه بشموخ فكرك يالقررررررررررم


شرفني انني اول معانقي هذه الجززززززززززززززززززززززززززله



معلقة شعر كتبها شاااااااااااااعر جززززززززززززززززل



ارق التحايا

الاخ الكريم الشاعر فيصل الوعيلي
اسعد الله ايامك ولاهنت والحقيقة ان مرورك وتعقيبك شرفني واسعدني
وانا الي شاكر لك هذا المرور وهذه الشهادة والتي اضعها وسام اعلقه على برواز هذه القصيدة
لك مني كل تقدير واحترام وبيض الله وجهك يالقرم

حللت سهلا ياعبدالعزيز في منتدى الشموخ


ولافض فوووك على الجزززله التى تنم ان الذي وراءها شاعر متأألق يستحق ان نتاابعه دوما ونتطلع لجديده ,,,

وتقبل مرورى


اخووك

عبدالعزبز ال حمد
والله والنعم بك وبربعك وكفوووووووووووو والله قلن قوووول يبيض الووجه
وماااتنلام والله صح فكرك والله يعلي شااااااانك

مرحبا ترحيب المطر يا ابن العم

شاعر علم ونص جزل

صح لسانك وسلمت يمينك

تحياااااتي وغلاااااااي

اخوك

الاخ الكريم وابن العم خالد السبيعي يسعدني ويشرفني مرورك
والله يبيض وجهك ولايهينك وصح بدنك وانت سالم ياغالي
وانا سعيد ان اجد اسمك هنا
لك مني كل شكر وتقدير

عبد العزيز


صح لسانك وصح قلبك


قصيده وافيه ومن راس وافي


لاهنت ولاهان خهذا الحضور


تقبل تحيتي

مشهوووور...

مرحبا بك

ومرحبا بالشعر الجزل

ويا حي ذا العين من القصيد اللي حتى لو طال ما تمله من الجزاله



،


ياخبل رجلٍ وصـل فالسـن سبعيـن= ماجـاز عـن ميلـه وخـلا ضلالـة
خل هـل السنـة وجمـع المصليـن= ماطـاع ربـه والرجيـم استمـالـه



صدقت


،



بعض العرب لوحط له بـس بيتيـن=تقـول كنـة صـار صاحـب جلالـة
وسـط المجلـة سجلولـه عناويـن=في صورتـه شفتـه مميـل اعقالـة
حطـوه مابيـن البشايـر وياسميـن= وفي الصفحة الاخرى مليحـة وهالـة
منتا بشاعـر لـو تسـوق الملايـن= الخبـل خبـل ولا يفـيـده اخبـالـه
وش فايـدة شعـر بليـا مضامـيـن=مايعـلـن الشاعربقـافـة نظـالـة
جزل المعاني حفظت اسنين واسنيـن=مثل الجبل طـول الزمـن مـا ازالـه
وبعض المعاني لمعوهـا الضعيفيـن= بنيـت علـى جـرفٍ سريـع هيالـه
وختام هـذي عـد حمـل البساتيـن=وعداد حبـات الحصـى فـي رمالـه
صلو علـى الهـادي امـام النبييـن=علـى محمـد سيـد الخلـق والــة




صح الله لسانك


وعز الله صدقت في كل ما قلت

ارررررررررررررررحب يابوسعود تراحيب المطر




وصح لسانك ملايييييييييييييييين




شاعر جزل ويسعدنا تواجدك في النداوي



لك تقديري

الشاعر القدير هادي بن عسكر سلمت من كل شر ولاهنت يالقرم
وشرفني مرورك وتعقيبك واسعدني ماقلت الله يبيض وجهك
لك مني كل تقدير واحترام

اسهر وكل الخلـق بالنـوم ممسيـن= يوم ان راعـي الكيـف نثـر ادلالـه
كله سبايب وقتنـا الـي غـدا شيـن= وقـت تخالـط عايـجـه بنعـدالـه

عبدالعزيز

صح لسانك وصح قلبك

قصيده وافيه ومن راس وافي

لاهنت ولاهان هذا الحضور

مشهوووور.....

الشاعر
عبدالعزيز ال حمد السبيعي
صح لسانك وصح قلبك

قصيده وافيه ومن راس وافي

لاهنت ولاهان هذا الحضور

تحياتي

وش فايـدة شعـر بليـا مضامـيـن=مايعـلـن الشاعربقـافـة نظـالـة


صدقت ياعبدالعلزيز


صح لسانك.

صح الله لسانك ياعبدالعزيز وبيض الله وجهك