Tweet
السلام عليكم ورحمة الله وبركاته
احبتي الكرام
وبدون مقدمات اسمحولي ان اقدم لكم بعض تأوهات النفس في
ذكرى 2 ـ 8 ـ 1990
علها تحوز اعجابكم
ــــــــــــــــــــــــــــــــــــــــــــــــــــــــــــ
بسم الله الرحمن رب فارض صوم وقيام
""""""""""""""" لا والله الا تو نادى القافيه شيطـــــانها
يعني كذا والا كذا والا كذا مابه منام
""""""""""""""" هيا تولم للبيوت اللي تشوق الحــــانها
مال القصيده غير شاعرها ليا شد الحزام
""""""""""""""" واسس حجر مبنى قواعدها على سيســــانها
ماهي طلاسم مدعين الشعر من شرق وشام
""""""""""""""" تبدا بشرار النار والنار انقدح صـوانها
اثنين اغسطس لانسيته قلت للدنيا سلام
""""""""""""""" والغيت حبي للديار وقلت ياسكــــــانها
ماعاد به غيره ولا نخوه ولا كلمة ملام
""""""""""""""" والهجن نحسبها بوقت الضيق مع هجـــانها
يوم من الايام ضاع الصوت في وسط الزحام
""""""""""""""" والجار والجيره لواها طاح في ميــدانها
يضحك طرب وجه الغدر في صفحة الطرس الحرام
""""""""""""""" ذكرى بتوقيع النفوس المغرمه بجنـــانها
جو يتبعون الوهم معميهم هواهم والهيام
""""""""""""""" يرجون عذرا دونها حجيرها واخوانــــــها
يقودهم لقبورهم قايدهم بقيد النعام
""""""""""""""" يبغى يجدد حزن قوم ماتغيب احـــــزانها
لوهو يجي لامايجي للثعلب الزهري سنام
""""""""""""""" حكمة ولي العرش حكمه ماتضيع اركـــانها
يابو جهل كلك جهل لوهو زعل عمر وهشام
""""""""""""""" الخارطه ورسومها لاتستهين بشـــــــانها
اللعب بالتاريخ والجغرافيا دونه تنام
""""""""""""""" اخر مسافات المسافه ماسكين اعنــــانها
لو تنجب الغفله على غفله لها مية غلام
""""""""""""""" نسل البلا يااهل البلا وسط المهاد اكفانها
كثر التمني جاه نور الصبح جلاي الظلام
""""""""""""""" لين الهقاوي مات من جرح اللسان لسـانها
واللي ضحك بالاوله ضحكه بدا ماهو تمام
""""""""""""""" مادام باخر رحلته صبحا تهل اعيــــانها
ترجم غلط والجهل لايمكن يسوي له نظام
""""""""""""""" وليا نساها ام الهزايم مانسى عنــوانها
هذا وهي لوهي نهايه ياقليلين الختام
""""""""""""""" كل البلاد محصنه بحصونها وحصـــــــانها
وسلامتكم
تعليق