بنت القروم اللي تماري بأهلها

السلام عليكم ورحمة الله وبركاته وبعد


هذه قصيدة : ألقيتها ليلة البارحة الثلاثاء 5/2/1429هـ في زواج رجل الأعمال الشيخ / دخيل الله بن هلاّل الحارثي بقياء


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
إلدار بلحارث سلام ٍ وأهلها=وسلام ياللي حاضر ٍ بمحفلها

سلام تسليم ٍ به الطيب فوّاح=سلام ياعقالها وياجهلها

دار القروم اللي لهم هيبة ٍ نار=يدله بها الجالي وتامن هملها

يومن بقعا بين هجد ٍ وتصبيح=حامينها من القوم ماحد ٍ نزلها

ألاد حارث فيهم الطيب فطرة=تكبر بقلب صغيرهم ماقتلها

من بعدها مبروك مبروك مبروك=مبروك ياشيخ المراجل وأملها

يالشيخ بن هلاّل ياصاحب الشان=ياعون ربعه ياسندها وجملها

مبروك لك بنت الرجال المشاكيل=بنت القروم اللي تماري بأهله

يفخر بك العاني اليا عد عانيه=ياحصان كايدة الأمور وبطلها

قرم ٍ ولد قرم ٍ ومجناك طيّب=مجناك روس ٍ مايدور بدلها

المرجلة تطمح من الغير وتجيك=وتلبس لك من الزين غالي حللها

يفداك رجل ٍ مايعرف الجميلة=اللي يحسب ريالها مع هللها

ويفداك رجل ٍ مايعرف المواجيب=ويفداك من غرّات جاره ختلها

قلته وأنا من لابة ٍ شانهم شان=سيوف هند ٍ تطرب اللي نقلها

كليب أبوي وعمي الزير سالم=فعولهم صعبة ولاحد ٍ فعلها

من غير قاصر في جميع القبايل=كل ٍ صعد بالفعل قمّة جبلها

ختامها صلوا على خير مبعوث=شفيع الأمّة يوم يعرض عملها[/poem]

ابوعمر .
مساك الله بالخير .
قصيده معبره من شاعر متمكن ومعروف .
يستاهل المدح راعيه.
لك تقديري.

السلام عليكم ...


الف مبروك


(( وعقبالك يا عمر )) <<< ورطه



بارك الله في العروسين ووفقهم الله


وبارك الله فيك على هذا الشموخ



دمت مودا


فهد

ابو عمر

ارحب والله يمسيك بالخير

صح لسانك وكفو بالمادح والممدوح

لك تحياتي وتقديري

دمت اخوك

فهيد السبيعي

ابو عمر

كفيت ووفييت وعوايدك


وقصيده تبين حجم الممدوح والمادح

لله درك وصح السانك

اخوك

ابو عمر

بيض الله وجهك

صح السانك ولاهنت

قصيده معبره وراعي الطيب يستحق المدح

لك تحياتي

كفوووووو يابو عمر


شامخ يابو عمر وعلمك غانم


الله يبارك لهم



تقبل مروري يالقررررررررررررم

ابو عمر

بيض الله وجهك

وصح السانك ولاهنت

قصيده معبره
وراعي الطيب يستحق المدح

وتحياتي لك يالقرم

صح لسانك اخوي



الشاعرالقديرشجاع بن عمر




ونص جزل يشبه صاحبه

المرجلة تطمح من الغير وتجيك
وتلبس لك من الزين غالي حللها
يفداك رجل ٍ مايعـرف الجميلـة
اللي يحسب ريالهـا مـع هللها
ويفداك رجل ٍ مايعرف المواجيب
ويفداك من غرّات جاره ختلهـا
قلته وأنا من لابة ٍ شانهم شـان
سيوف هند ٍ تطرب اللي نقلهـا
كليب أبوي وعمي الزير سالـم
فعولهم صعبـة ولاحـد ٍ فعلهـا
من غير قاصر في جميع القبايل
كل ٍ صعد بالفعـل قمّـة جبلهـا
ختامها صلوا على خير مبعـوث
شفيع الأمّة يوم يعرض عملهـا


ابو عمر

شامخة بشموخك الرائع

في كل موقف تبقى لك ذكرى جميله وبصمة واضحه وناضجه

نص يستاهله من قيل فيه

وفيت وكفيت

وانت وربع وسبعة انعام

دائما مايكون لقصيدتك بنه مثل بنة الهيل في الدله

وهكذا هو صوت البدوي النقي يأتي مسترسلاً بأجمل الالحان والكلمات


تبقى الاجمل

لك الف تحيه وتقدير

اخوك

ابونايف