أحــــــــــلام الـرعـــــــاة

ارحب ارحب يافالح. صح ألسااااااااانك.





ليتك مخليها على اول عشر بيوت.







ولا مكملها على نفس الموضوع.





بدون قصور فالبيوت التاليه.




وكلها وافيه من شاعر وافي.







تحيااااااااااااااااتي.

البارحه يوم الحزن طوقني من أربع جهات
.................. قمت اتلفت في الجهات الأربعة وأنظر لها

ألين ضقت وقلت يامحجر عيوني هات هات
.................. لعل ذا الدمعات تشرح ضيقتي لعلها

الدمع للرجال ماهو ضعف / اصـرار وثبـات
.................. كم مشكلة لو سالت دموعي قدرت أحـلهـا

لو الحزن طبه / دموع العين واكظام الشفات
.................. ماكنت كاظم غيضي / وعندي دموع اهلهـا

البارحه ساع أذن المذن / بحيا على الصلاة
.................. كن المنادي خصني / قم للصلاة .. وصلها

قمت / وتوضيت / ولعنت ابليس / وافكار الطغات
.................. وسجدت .. للي يعقد حبال الزمن .. ويفلهـا

قلت: أشهد أنك لا إله إلا انت / محمـود الصفـات
.................. ومحمداً رسول / للأمة وهو مرســلهــــا

أمرتنا لك / بالصلاة والصوم وإتاء الزكــــــات
.................. وحج بيتك ما أستطـاع العبـد في السبل لها

أركانك الخمسة / مثبتها على قلبي / وصات
.................. أنت اللذي تهدي عبادك .. وانتـ(هـ) اللي تدلها

ليت البلا بالموت ؟/ لكن البلا بعد الممات
.................. هذي مصيبة يابن آدم / لازم ٍ تفطن لهــا

ولا أنا / عبد ٍ ضعيف / تغرني ... زين البنات
.................. الجادل اللي كل ما ( ألحقها ) عجزت أوصلها

يا أمنية / تصنيفها (عندي) من أغلى الأمنيات
.................. ياحلم يسوى عندي أحلام الآوادم كلهـا

فرقاك سهّر عيني / وخلى على وجهي سمات
.................. حياتي من بعدك ؟؟ بديت اعافها / وأملّهــا

أنسى / وأنا بنسى على قول المثل ( ما فات مات )
.................. خلك معي واللي عقد روّس الحبال يحلـهـا

ولا الهوى / بضمه لطيش السنين .... الماضيات
.................. (كبوة جواد ) وزلة أقدام ٍ ...بغيت أزلهـــا

أرقب (أمل) أعيش به .. لجل الليال .. المقــبلات
.................. اما حضيت بكثرها / ولا حضيت ... بقلهــا

لو أن ياقلبي ... (طموحاتك) على خذهـا .. وهات
.................. ماصفق الجمهور لابيات القصيد وشلها

(المشكلة ) بين الصبر / والطيش .. وأحلام الرعاة
.................. اللي تعن خيولها .... وحدب السيوف تسلها

ماني من اللي يغُلب بعقلة / على العرّف العيـ/ـات
.................. نفسي عزيزة / مايبين إلا لربي / ... ذلها

من بعد ما شفت الظليمه و(أبشع اشياء الحيـــاة)
.................. ( حلفت ) ما أبكي (الشجرة) اللي مايظلل ظلها


فالح الشلوي

هنا للشعر حياه

وروعه

وابداع

اخي فالح

بيض الله وجهك

وصح الله لسانك

نص جميل وشاعر متمكن

تقبل تحياتي

اخوك

ابونايف

صح لسانك ملايين ولايسدن يااخويه فالح

ظبيالجنوب

محسن بن فطيس

صح بدنك وماعليك زود

شرفتني بحظورك

فالح

صح السانك
قصيده وانا اقراها حسيت اني دخلت باعماقها لاحس باني انا المتكلم بكلماتها كانك دخلت فكري وكتبت هذه القصيدة


مبدع ياشلوي مبدع

ودقيت على اوتار القلب بهذا النص

تحياتي يافالح

صدى الرحيل

صح بدنك وشكرا ً لحضورك