تنويه ورد على القصيدة التي نسبت لي ظلما وبهتانا

احبتي زوار وأعضاء منتديات النداوي

بكل الحب والتقدير انشر هذا التنويه ورد على القصيدة التي نسبت لي ضلما وبهتانا .

[rams]http://www.alnadawi.com/realaudio/hadi.amr[/rams]

[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا راسي ان غثك من الحاسد صداع=لا يشغلك الا صداع النعاره
تارد عليك اقوال واقوال وتذاع =وتورّد أوجاعك قصيد وعباره
تحيةٍ من بوظبي بعد الاوجاع=توصل لبو متعب وتوصل لداره
تاصل لذربين اليماني والاطباع=اخوان نوره منتهى كل غاره
قومٍ على مد الوغى تكسر ذراع=وترد في ضلوع المعادي نياره
وتفتح لباب الطيب والجود مصراع=وتصك بيبان الردى والحقاره
اقولها من قلب ماني بمرتاع=من كلمة اللي يلتفت للعياره
يا خادم أطهر بقعتينٍ على القاع=الجود ورّد لك مساه ونهاره
طالت يدك في الجود باع ورى باع=وانساق لك عز الوطن وافتخاره
يا سيدي وان زاد همي بالاضلاع=ما انتظر في الغير رد اعتباره
متربيٍ بالطيب وللطيب مطواع=ماني من اللي يشتكي من هجاره
من لابةٍ تاطى على نياب الاسباع=دايم نباها في المغازي بشاره
ربعي بين منصور صلفين الاكواع=قومٍ على العادات رهن الاشاره
والا السعودي له بصدري توسّاع=احفظ انا قدره واحفظ وقاره
لو حرك الواشي على لساني صراع=أصد انا عنه و احد انتشاره
الناس لو شافت عذق نخلك انصاع=ترمي عليه حجار تبغى ثماره
الحق عند الله موجود ما ضاع=وان ضاع عند الناس ما هو خساره[/poem]

آمل من الادارة الموقرة تثبيت الموضوع

اخوكم هادي المنصوري

بسم الله

اخوي الغاااالي

هادي المنصوري

حياااك الله ونحن علي يقين انك فوق ماكتب ضدك

وصح لسااانك على هذه القصيده

وتقبل تحياااتي
اخووك

ابو سلطان

يعلم الله مايلحقنا فيك شكه وانت من الرجال اللي معرفتهم مكسب

وجامع العلوم الطيبه مرجله وخلق وادب

وانت فوق الشبهات


وافي نفداك


اخوك

ابو ثامر

ربعي بني منصور صلفين الاكواع
قومٍ على العادات رهـن الاشـاره

كفو ياخوي هادي ونعم فيك وفي ربعك

ولادخلنا فيك ادنى شك

وافي لاعدمناك وصح لسانك

قصيده وافيه ومعبره وانت فوق مانسب اليك من ظلم وبهتان

تقديري لشخصك

الشاعر الخلوق هادي المنصوري

قصيدة معبرة وجميلة وموقف توضيحي يحسب لك


وفي رأيي بأن الأبيات المثيرة التي نسبت إليك زورا وبهتانا لا تستحق كل هذه الضجة والاهتمام من بعض الشعراء ورواد المنتديات, واعتقد بأن تداولها والرد عليها من البعض هداهم الله هو ما سبب رواجها على الرغم من أنه لم يرد فيها ما يستحق الرد أصلاً. ثم إن أسلوبها ولغتها الشعرية مختلفة تماماً عن أسلوبك في الكتابة ولكن لانملك الا الدعاء للجميع بالهداية وان نبتهل الى الله سبحانه وتعالى ان يؤلف بين قلوب شعوبنا على الحق والخير فكلنا أخوة لاتفرقنا حدود سياسية ولا إنتماءات إقليمية.

الغالي ابو سلطان



تاكد ان اخوانك كثير وهناك من ذب عنك هذه المهزله


وماهي الا الوجه الاخر لمن قام بها


تبقى فوق كل الشبهات وثقتنا فيك اكبر من يمسها هؤلاء

ابوسلطان مرحبا بك الف في النداوي ووجدك معنا مكسب

كبير جدا والله يحييك بين اخوانك

ولايلحقك شك انت اكبر من سخافات البلوتوث

وغيرك من المشاهير تعرض لتحريف قصائدهم عبر البلوتوث

وتاكد انك من الشعراء المميزين ولايقذف الا الشجر المثمر

لاهنت وصح الله لسانك وماعليك زود ونعم بك وبربعك

هادي المنصوري



رايتك بيضا يالغالي و ما لحقنا شك فيك و القيل و القال بضاعة الضعفاء




.............

اخوي الوافي هادي المنصوري

حياااك الله ونحن علي يقين انك فوق ماكتب ضدك

وصح لسانك على هذه القصيده

وتقبل تحياتي وتقديري

ونعم بك وبربعك بني منصور


والشك ماله على مثلك مدخل يابو سلطان



وصح السانك

قرم وغالي عندنا

اخوك
ابو تركي

ونعم يابن منصووور



ولاجا منك قصور يالغالي صح لسانك ولاهنت


على هذه القصيده التوضيحيه


ومثل هذه الأفعال لاتمس اللي مثلك


تحيتي وتقديري

الاخ الغالي هادي المنصوري بيض الله وجهك على التنويه ونحن اخي الغالي على ثقه تامه ان تلك القصيده لن تخرج من رجل في مقامك يالقررررررررررررررررم


وصدقني ياهادي اني بريتك في غيابك والشاهد الله وقلت ونوهت في اكثر المواقع التي نشرت فيها القصيده ونسبت لك انه من المستحيل ان تخرج هذه العبارات من انسان محترم مثل هادي المنصوووري


شكرا على التنويه ومكانك في قلوبنا



تحياتي

ياهادي لا تخاف ربك موجود والمتصيدين بالماء العكر لا يمكن ان يمثلون احد ابداً



والرقيب الذاتي هو الاهم من الخوف من ردة الفعل عند الآخرين



وكما قال تعالى (( مايلفظ من قول الا لديه رقيب عتيد))



بيض الله وجهك على توضيحك واللي مثلك وشرواك صدقني انه برىْ كبراءة الذئب من دم يوسف




دمت شامخاً وعزيزاً

ونعم ياهادي
والعقّال يدرون انك مانت براعي الابيات الهزلة اللي تداولتها المنتديات
انت كفو ومن رجال كفو
ووتجمل المكان اللي تجي فيه
ومبروك نجاحك بامتياز في تقديمك لبرنامج شاعر المليون
الله يوفقك

صح لسانك ياهادي

والكذب بضاعة الضعفاء

وافي ولافيك قصور