Tweet
اعزائي نجوم منتدى النداااوي اهدي لكم هذه القصيده اتمنى ان تنال اعجابكم
الشاعر| عبدالله بن مرضي الودعاني
لكم الود والورد من محبكم
ابوطلال
برنامج الخيـل فـي التلفـاز ذكرنـا***الغالـي اللـي يطـري دايمـاً خيلـه
وهاض الخفوق وفتحنا النت وأرسلنـا***رسالة(ن) ما توفي قدر من هـي لـه
مثايل تشـرح احسـاس(ن) إبداخلنـا***للي بكل إحترام أرسـل لـي إيميلـه
من خـوف لاننفتـن بـه لـو يكلمنـا***وهو مادرى إن ذبحنا جا في مراسيله
ما ودنـا إنـا لمـا أخفينـاه فصلنـا***لاكن هاض الخفوق وجـاب تفصيلـه
وقلنا علـى الله فـي نشـره توكلنـا***وبعد إذن جمهوري أوجه كلامـي لـه
للغالي اللـي عـرف يرسـم تعاملنـا***بأسلوب فن جميل أخطر مـن الحيلـه
يازيـن ياللـي لـك أعلنـا تنازلـنـا***وضحيت لجلك ومن غيـرك إنضحيلـه
هـل تعلـم إنـا عشقنـاك وتمشكلنـا***وأسلوبـك العـذب صادتنـا محابيلـه
وإنا مـن الحـب قـد تبنـا وهونـا***وقلوبنا عادهـا خضـر(ن) وتوميلـه
وخليتنا ننقـض اللـي للعـرب قلنـا***إنا كبرنا على الحـب وعلـى جيلـه
وهل تعلم أنك أول إنسان(ن) يغربلنـا***ولا قبلك أحد(ن) تبنا الفكر حبـي لـه
وإنك أول إنسان فـي عهـده تعلمنـا***طعم الوداد الحصحيح وطعـم تمثيلـه
وإنـك أول إنسـان عذبنـا ودلعـنـا***وإنـك أول إنسـان تسحرنـا تعاليلـه
وإنك أول إنسان لو يخطـي تجاهلنـا***ماصار منـه وجـزاه إنزيـد تدليلـه
واللـي يحليـك لا أخطينـا تحملـنـا***ورضاك ما تسطيـع النفـس تأجيلـه
ولا قبلك أحـد(ن) بخلقـه لا تأملنـا***غصب على العين تعجب به وتغضيلـه
ومن قبلك ابكا النواظـر يـوم ودعنـا***وصرنا نعشق الدروب اللـي أتوديلـه
ما ضني أنسـاك لـو حتـى تقاطعنـا***ولاعقبك أحد بهـذا الشكـل بصفيلـه
واليوم مـن دون رغبتنـا لـك أعلنـا***السالفـه مـن بدايتهـا إلـى الليلـه
من شـأن نطلـع بعـذر ولا تحملنـا***حمل(ن) من الشوق ما نقدر على شيله
وإنـا علينـا الوفـى والله يجملـنـا***يامن جميلـك سبـق ذكـره وتجليلـه
أهـم شـي إنـك ماتقطـع تواصلنـا***وبستان الأحباب ما نفقـد محاصيلـه
وإن كان قولـة حليلـك مـا تزعلنـا***والله إنك أجمل صغير أقـول ياحليلـه
الشاعر| عبدالله بن مرضي الودعاني
لكم الود والورد من محبكم
ابوطلال
تعليق