القهوه والشحم والطيب وحليب الخلفات 0 مرحبا ومسهلا

صح لسانك

ماشاء الله نفس طويل ووصف جميل من البيت الاول الى الاخير...تقبل مروري..

<<<<<<<<<< الرجال جابه حليب الخلفات
مايذبحه الا بطنه هههههههه بس الحق يقال

والله انها كلها عقد لؤلؤ عرفت كيف تنضمه وصح لسااااااااااااااااانك الى رضاك


وكل الود و3 تريلات ورد

مع تحيات اخوك

وسجله متابع

يشرفني مرورك ومتابعتك يامحمد

لاهنت ومشكور

سأصفق لك مليا

لان الابداع منك واليك

لافض فوك

ارق التحايا لك

فهد بن شعلان


اقول


لاعجمت


وصح الله لسانك يالقرم

اررررررررررررررحب يابوفيصل



وصح لسانك ملايييييييييييييييييين



كفووووووو ومليووووووووون كفوووووو بك وبربعك أكلب ولايهون الحاضر



سجل اعجابي ومتابعتي



وتقبل تقديري

الله يبقيك يابو مبارك وماعليك زود ومرورك وتشريفك مكسب للقصيده وراعيها
جعل عمرك طويل ياهادي
تقبل فائق الشكر والاحترام

صح لسانك وانا اخوك

قصيدة شامخة بشموخك

شكرا ً لك من الأعماق

وتقبل فائق تقديري

أخوك / قديم الشوق

قديم الشوق


هلا وغلا

شرفني مرورك

لك جزيل الشكر وفائق الاحترام

وفقك الله

فهد بن شعلان

والله لو اقول مااقول مااوفي القصيده حقهاا

لكن مااقول الا صح لسااااانك واعتبرني من متابعيك

ارحب يافالح


مرورك ومتابعتك تزيدني شرف


لاهنت تقبل فائق الاحترام

الشاعر/ فهد

صح لسانك وبيض الله وجهك

رايعه ووافيه من وافي

لك احترامي وتقديري

مرحبا يابن حويل


الرائع مرورك يالشهم لاهنت

مشكور وتقبل تقديري وفقك الله

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
انا نويت ارتب الشعر ترتيب=وا وصفه توصيف وصفة مداوي
.........................
وكان الكلام يصيب ويخيب ويصيب=يالله عساها ماتخيب الهقاوي
........................
فل الحجاج وجنب الهم تجنيب=ولا تصير لرزق نفسك قصاوي
..........................
دنياك مادامت لقارون وشعيب=الموت بين الناس سارح وضاوي
........................
سج القدم والرزق من عالم الغيب=الياخرب جو البلد بالحكاوي
........................
مالك ومال مشذبين العراقيب=اللي لهم بين الملاوي ملاوي
........................
لاشفت دخان الردا فالمشاهيب=جنب وخلك عن سنعهم نحاوي
..........................
الياحدروا فشعيب سند لك اشعيب=واترك علوم مرهمين الدعاوي
........................
ون جات من بين اللحا والاشانيب=ادرا شماتة كل نابح وعاوي
........................
الله يبارك فالصدور المراحيب=والله يبارك فاللسان الغناوي
.........................
ون ضاقت صدور العرب شغل الجيب=ونحر مداهيل البدوا والشواوي
.......................
لابارك الله فالصدور المحاضيب= ولابارك الله فاللسان اللغاوي
.......................
ودوّر خويٍ ماضي له تجاريب=حطه على يمناك لاصرت ناوي
.......................
امعرب الجدين مايلحقه عيب=متكانفينه صادقين العزاوي
.........................
منين ماعنز براسه على طيب=وقلبه على قطع الفيافي جراوي
......................
ونصه بيوت مكثرين التراحيب=عزاز النفوس مبذرين القهاوي
...................
اهل البيوت العامرات المحاديب=اللي لهم قلبك شفوق وشفاوي
....................
تلقى معازيبك ونعم المعازيب=اهل السلوم مزبنين الجلاوي
...................
من اكلب اللي منهم الزير وكليب=من ذمهم جاهل وعاقب وغاوي
..................
متربعين بعاليات المراقيب=لوغمضت عين الرقود الخلاوي
.................
ماحولهم والله شكوك وعذاريب=الله يجنبهم صدوف البلاوي
................
من غير قاصر في جميع الاجانيب=كلٍ لفعل الطيب كاسب وحاوي
.....................
لاجيتهم في جلسة العصر يالذيب=راحت همومك يالضمير الشقاوي
.................
سلم عليهم ياعطيب المضاريب=وقلط على فعل اليمين الرهاوي
..................
على الشحم والبن والهيل والطيب=كمودي (ن) وزنه ثقيل وغلاوي
.......................
وذيدانهم ترعى السهول المعاشيب=مرباعها بيشه وذيك الحراوي
..................
البل عطايا الله جزال المقاضيب=منايحٍ من عند جزل العطاوي
................
البل اليامن غلقن المزاهيب=لحتجتها مثل الصديق الفداوي
...................
يازينها لامن ضوت شمخ النيب=تطوي فيافي لرض مثل المطاوي
..................
نحورها كنها وساع الدواليب=ورقابها علطٍ طوالٍ عراوي
..............
وذانها شرفٍ حدادٍ مذاريب=رثم الخشوم مجملات السحاوي
....................
وشدوقها متخرعاتٍ مهاديب=تشبه زعل ورعٍ ضيوق وحياوي
.......................
وجنوبها عراضٍ طوالٍ مغاريب=مناوي تصعب على اهل المناوي
......................
وظهورها تحسب عليها رواكيب=انا اشهد انها من خيار الرعاوي
....................
وبعد العشاء كل ابلجٍ قام ويجيب=حليب خلفاتٍ لبنها يداوي
..................
وجا للمزوح وللقصايد تعاجيب=وسوالفٍ مابين ناقد وراوي
..................
ماهي سواليف الخدوش الدباديب=والاّ سواليف الغشيم الفراوي
.....................
والنجر صوته يصدع اشوي ويغيب=على سنا نارٍ حطبها غضاوي
..................
يحوفها من عذب النجر تعذيب=متربعٍ بوزانها القرم هاوي
................
يفداه خبلٍ مايعرف المواجيب=اللي حياته والممات امتساوي
................
يشفق على الشوارع الصفر والسيب=والطار والمزمار واليمبعاوي
.................
ونا هواي البر عسر المطاليب=مع الزحول مبعدين الخطاوي
..................
البر طبٍ للجروح المعاطيب=حتى لو امسي فيه ضامي وطاوي
..................
هاذي مناة النفس فطره وترغيب=اخير من جو البلاد السناوي
.................
اصحابها ماهم بمثل الاصاحيب=تغيرت فيها الشيم والنخاوي
.................
ناسٍ صداقتهم مصالح وترهيب=ماعاش فيها الاّ زبون الرشاوي
................
ومن الحسد ماعاد فيها مشاريب=جفت عقب كانت عيون ومراوي
..................
بغضي لها مافيه شكٍ ولا ريب=روتينها ماهوب يرحم وياوي
....................
اخير مافيها صلاة المحاريب=ولجة مواذين الاذان السماوي
....................
خلوني اسلى قبل يغلبني الشيب=لو عشت باقي كل عمري رجاوي[/poem]




فهد بن شعلان

ابو فيــــصل




صح لسسسسسسسسسانك ملاييييييييين


ونعم فيك وفي ربعك وكفو والله


وقصيدة ترفع الراس لاعدمتك

الاخ الشاعر فهد بن شعلان

صح السانك وعلاشانك قلت وبدعت

استمتعت بقراءة هذه الشامخه .. اهنيك ياخي فهد على هذه الموهبه الفذه والشعر الاصيل الذي نطرب له ونفخر

بوجود شاعره بيننا... تقبل فائق التقدير والاحترام

اخوك سعيد بن حويل

ارحب بابن حويل

الله يحييك

يشرفني ويسعدني مرورك وتعليقك يالقرم

لاخلا ولا عدم

تقبل فائق الاحترام والتقدير وفقك الله

ابوفيصل

كفو بك وبقبيلتك قلت وطلت

وصح لسانك ابدعت وامتعت

تقبل مروي ومتابعتي الدائمه

اخوك

ارحب يابو ماجد


ماعليك زود يالقرم


مرورك وتعليقك مكسب يابو ماجد

لاهنت وجمل الله حالك



اخوك