إهداء لجميع النداويه/مع صادق المحبه

الأخت سحايب

كلامك كزخات المطر العذب من سحايب الربيع 0شكرا

صــح الســــانك يالرياحي طيبه ومن طيّب ماتحتاج زكاه

اخوي القدير/ فيصل الرياحي

هنا اختصار لتجربة شاعر حكيم ومعلم

نقلتها لنا بحرفنة الشاعر الفذ المتمكن.

منك........نستفيد يابو بدر

دمت..متوهجا بالابداع.

لك التحيه.

الله الله الله الله الله

صح لسانك يابن منصور.....
والله لا يهينك ..
والصراحه قصيده تستاهل من يكتبها ثاني مره


سبحان محص الناس جيل بعد جيل

000000000000000000000000 وأرزاق خلقه بين خلقه قسمها



وأرسل لهم فالكتب قرآن وإنجيل


000000000000000000000000 وسيطر على كل الأمور وحكمها


ياللي تخيل الناس قلي وش إتخيل


0000000000000000000000 00الناس مولاها يراقب ذممها


مانته معدلهم على الكيف تعديل


000000000000000000000000000خل العظام كسارها في لحمها



ورفيقك اللي مايراعيك بالحيل


000000000000000000000000000جرب حقيقة رفقته من عدمها



حده على بعض القصا والغرابيل


0000000000000000000000000000 يبين لك منها قفاها وفمها


إن كانها رفقة مجامل وتمثيل


0000000000000000000000000 جرت بعيرٍ جاء الرشاش ودهمها



إعرف ترى مالك وراها محاصيل



00000000000000000000000000 وأبرك لك إنك طالعٍ من غسمها


ولاتستمع في تاجر القال والقيل



000000000000000000000000 ناسٍ تبيع بـ (سوق قالوا)ذممها



حساد والحساد دايم مغاليل


00000000000000000000000000عين الحسد ماوفق الله سهمها



الحاسد النمام مقهور وخبيل



0000000000000000000000000عقرب وضم تلدغ وتزبن وضمها



وراقب ولي الكون بالصبح والليل


00000000000000000000000000اللي حصد روس الطغاه وصرمها



ترى الغرور أكبر مرض للرجاجيل



0000000000000000000000000ليا حل بالنفس الشجيعه هزمها



لك موعظه في سورة العصر والفيل


00000000000000000000000أصدق من الأبيات واللي نظمها



وإجلس مع ثقاة الرجال الحلاحيل



000000000000000000000000جلسة حلاحيل الرجال إغتنمها



تلقى مجالسهم مزوح وتعاليل



000000000000000000000000000وسوالفٍ ماهيب يسمج طعمها



تاخذ بها حكمه وعرف ودواليل



00000000000000000000000ويبعد شقا روحك ويبرد نسمها



إرفع مقامك كنك الجدي وسهيل



00000000000000000000000وناسٍ تبادلك إحترام إحترمها



المرجله تقسيم بين الرجاجيل



00000000000000000000000000ماهي مطيه من شراها وسمها



هاذي مثايل شعر مثل القناديل


000000000000000000000000تجلا ظلام القلب للي فهمها



من هيض هاجوسٍ تدفق كما السيل


000000000000000000000000 تجي له الأبيات لو ماعزمها


لاهنت يالعّيه..........

فـالمـنـتـدى شـفـت الـسـحـايـب هـمـالـيـل

&&&&&& مـن شـاعـرِ در الـمعـانـي خـطـمـهـا




المبدع فيصل الرياحي

صح الله السانك على القصيده الفذه ومن يريد الحكمه يأتي لفيصل
الرياحي استاذنا دمت لنا

اختصر شاعرنا الموعظه في هذا البيت



لـك مـوعـظـه فـي سـورة الـعـصـر والـفـيـل

******** اصـدق مـن الابـيـات واللي نـظـمـهـا


تعجز الكلمات ان توفيك حقك يالرياحي


تحياتي لك اخوك

عزيزي سعد المري 0

شكرا من القلب بارك الله فيك

الأخ مطر الروقي

شكري وتحياتي قليلة في حقك يالأصيل 0

كثر الله أمثالك الأوفياء وأنا المستفيد من شرواك

الأخ الحبيب/ العاشق المحروم

الله يطول عمرك يالغالي 0 لقد منحتني وسام الحكمة والأبداع وأنا

أقل من ذلك بكثير 0

ولكنه ذوقك وحسك المرهف ومعدنك الأصيل 0 شكرا ألف وتسلم يالغالي

الأخ الكريم/ وقاد العتيبي

سعدت كثيرا بكلامك الرائع النابع من روعة شخصيتك الخلاقه ومقامك

الرفيع 0 تحية طيبه وباقة ورد طائفي 0 وتسلم يالحبيب

((((((((((((((شكراً على الأ هداء الجميل ياايا بدر))))))))))))))))))

صح السانك ياابو بدر دائماً وانت رايع ومحلٍ في سماء الأ بداع بيض الله

وجهك وتقبل اجمل التحايا من اخوك المود لك بالخير

حسن علي المسعودي

الخ الكريم /حسن علي المسعودي

أولاً0 لاشكر على واجب 0 انتم غالين عندي

ثانياً0 إسمحولي إذا جلبت التمر على أهل هجر ، فأنتم شعراء كبار ويعلم الله إنني أستفيد من قصائدكم وكل مواضيعكم 0 دمتم سالمين

أبـــــــو بــــــــدر..


صــح لسانك طال عمرك..


لا شك أننا نحن المستفيدون من تجربة الرياحي في أبواب الحياة الواسعة خصوصاً وأنك تلامس القلوب من خلال شاشة وخط هاتفي ..


فنقر أننا سوف نحتاج إلى مثل أشعارك في حين نحس بإنعكاس مباشر في ظروف الخلق وظروف الزمان..


لاهنت .. لاهنت


تقبل أطيب تحياتي

الاخ العزيز.الشاعر .فيصل الرياحي

صح لسانك وقصيده رائعه تعتبر من اروع ماقيل في الحكم .

من شاعر الحكمه .فيصل الرياحي

تقبل تحياتي .واعجابي

الاخ/فيصل الرياحي
رائعة جديدة يا ابا بدر وليست مستغربة على مثلك
وصدقني ان المنتدى في حاجة مثلك والذي اتمنى منك
يا ابا بدر ان تخبرني عن شاعرك المفضل من الاولين والاخرين
والسلام عليكم

أخوي / فيصل الرياحي

لاهنت يالقرم ... وصح لسانك

أبيات للتاريخ ... سلمت يمناك يامبدع .

أخوك / عبدالله بن زنان؛؛