ياكثر بيبان المناقيد كثراه

[poem=font="Simplified Arabic,6,#5E66FF,bold,italic" bkcolor="" bkimage="images/toolbox/backgrounds/7.gif" border="none,4,#400000" type=2 line=0 align=center use=ex num="0,#400000"]

ياكثر بيبان المناقيد كثراه=أنحاش لي من باب وآطيح في باب
آصد عن باب الردى وآتحاشاه=وآروح عنه بعيد وأخذ بالأسباب
من خوفةً تكثر علي الملالاه=وآصير هرجه للقرايب وألأجناب
والكفو دايم ودنا نكسب أرضاه=وأصير أنا وياه صدقان وأصحاب
حتى ليا منا بغيناه نلقاه=في يوم ضيقٍ تنقفل فيه ألأبواب
وأليا حدتنا غبر ألأيام ننصاه=مثل الذرا اللي يزبنه كل منصاب
يجلا هموم اللي زمانه تبلاه=اللي من صروف الدهر عارضه شاب
سعد الرفيق وتشرح البال طرياه=أنا أشهد أن اللي تنصاه ماخاب
اللي بعيد يقول لا واحلالاه=أني أنا وياه خلان وأحباب
كل العرب عندي مايسوون ماطاه=وأقولها من صدق مانيب كذاب
ولا أنبسط يكود في ساعة ألقاه=وأصير متضايق وطفشان لاغاب
لولاه قبل العام واليوم لولاه=أن كان تلقاني مصابً بالأعصاب
فيالله تبطيبه ويالله تحماه=وتبوج له يارب من شر ألأخطاب
وأختامها مني تحيات مهداه= تفوح بأنسام الخزامى وألأطياب[/poem]

الاخ الشاعر ناشي


صح الله لسانك


قصيدة جزله من شاعر جزل ومتمكن


سلمت ولاهنت

تحياتي

والكفو دايم ودنا نكسب أرضاه=وأصير أنا وياه صدقان وأصحاب
حتى ليا منا بغيناه نلقاه=في يوم ضيقٍ تنقفل فيه ألأبواب

ناشي

صح لسانك
وصح قلبك

قصيده فوق الأشاده
لا عدمناك ولا عدمنا حضورك

تقبل تحيتي

مشهوووور...

أرحب ياناشي


حي والله ذالعين والروابع



صح الله لسانك وربي ماهانك



تحياتي لك

ناشي الجنيبي

صح الساااااااااانك مدد بلاااا عدد

شاعر وقصيده وافيه من راسك الوافي

لاهنت وتقبل مروري

تحياتي لك

اخوك