اترك حروف الناس واخلق لك احروف ....... ( اذا تسمح )

الأخ الغالي

عبدالله الملحم


أحببت أن تكون أنت خاتمة ردودي لهذا المساء

حتى أخرج من هنا والعطر يصاحب أنفاسي


استمر ياعبدالله فأنت نهر من العذوبه أحرص دوما ً على اقتراف قرائته


الى الأمام


ولك كل التحيه والتقدير


تحياتي

فيصل الرياحي

صباح الذوق طال عمرك ..

ومايزين القصيد الا بردة افعالكم ( الزينه والمره ) .

الف شكر ويعطيك العافيه ولاهنت .

أخوك :

الغازي ..

الف شكر .

تحياتي .

المدهر

صح بدنك أربع مرات مثل ماقلت صح لسانك أربع مرات .

الف شكر للقراءه أولا .. وللرد ثنيا .

تقبل صدقي وجنوني .

[جساس]

اثرت بي كثيرا ياالملحم هذه هي الروعه بحد ذاتها

جابر السلمي ..

ردك يدل على ذوقك يامُخجل :

اخي الغالي الشاعر / عبدالله الملحم

ولــلمدح ماني والله انسـان ملهــــوف

................................. الصّاع صاعي .. وما أبي ردّة الصّـــاع



عبدالله ،،، اجرأ تلاميذالكون ..واصدق مجانينه!

تستحق المدح دائما ياعبدالله ،وبكل قصائدك بارع ،ولاذع ! وفارع القامة والقيمة..عبدالله الملحم ................مبدع


ــــــــــــــــــ.

يعلم الله انك انت البارع اللاذع الفارع القامه والقيمه ياجابر .

الف شكر تحياتي .

سعد القريشي ..

لو للزمن عن نيّة الغدر شيمه
.................. مافرّق احبابٍ ولا بعد اوطان

تحياتي .

النايفه ..

تصفقين لي ؟

اجل انا وش اسوي قدام قصيدك يامبدعه .

وتأكدي ان حضورك للقصيده كان اجمل من حضور راعيها .

تحياتي .

بنت الرياض

ياليتني مانيب شاعر وبس .. وهذا الصحيح بدون مجامله ( لعدم الوقوع في المحضور )

شكرا لهذا الرقي في الرد .

تحياتي طال عمرك .

سارة العامرية

صح بدنك مليونين .. والقوي الله ياساره

الف شكر لهذا الحضور الجميل .. والرد الاجمل .

تحياتي .

لو ما أعرفــك .. لكن لكـفـّك اكــفــوف

................................. حاضر .. حسافه ليت ماضاع .. ماضاع

من وجد عمري تحت جدران من خوف

................................. لــكـن صحـيت ولي رعـيــّه .. وانا راع

اترك حروف الناس واخلق لك احروف

................................. حرفٍ يلاحق حرف في سوء وابــــداع

سوءٍ على اللي منخدع.. عايفه عوف

................................. وابداع للي تزعــجــه زحـمـة القــــاع

والسيف لا لا تشهره لو هي اسيوف

................................. تشهر في دربك من غريــرٍ ومنصــــاع

خلف الفقر يمشي يماري بلى شوف

................................. للي بيجي قـدام من جـوع واشـبــاع

مايدري والله مهرته ( روز ) أو ( نوف )

................................. اللي يعَرفــه .. نفخة الصدر .. فـــزّاع

والله ونـعـــم فيمن تكــّلــف بمعــروف

................................. يقــتـل حبـيـبـه ثـمّ يـبـكـيـه مـرتـاع !

أذكى بشر أغباهم اللي لبس صوف

................................. في عــز قيـظــه قـال هالـبــرد لــذّاع

ماهـو مريـضٍ لكن العـقـل مـتـلـــوف

................................. يالله دخـيـلك هالــوبا ابـعـده .. شـاع

يسـعـد صباحـه هالغـبي خـلّه يطوف

................................. وآقــف مكـانـك .. ناظـره كيف لا مــاع

كـنـه انا لا شـفـت قـدّامـي اطيـــوف

................................. كل ما أصد القلب عيّا ولا طـــــــاع

ياسـيـد سـيـدي .. يابـعـد كل متـروف

................................. جـيـت لعـزيـزٍٍ يشتري .. ماسبق بــاع

ادخل وناظر كم وكم وســط ذالجـوف

................................. يمـكن تلاقـي صـورتـك بين الاضـــلاع

ولا تـظـن انـي أبد مــثــل مـجـروف

................................. خلف المجـامل والمصـالح والاطمــاع

( من ملحم اعـبـيـّات لمطـيـر مــردوف )

................................. وشلون ابوصف شمس وقدّامك اشعاع

مانيب انا اللي يتّكي له على اكـتوف

................................. لـكـنّ كـتـفـي للـمـطــالـيـق مــربــاع

وحنّـا العرب فينا الفخر طبـع موصوف

................................. لـكـن وربـي صـابـنـي مـنـّه اصــــداع

القرم قرم .. وغيره الـيـوم مـكـشـوف

................................. كـانـه رذيــلٍ .. أو تـرقــّع بـمـرقــــــاع

راحت عليه اللي غدا بس مـشـغـوف

................................. في لبسة اثياب اتلـفـت والا باطـبــاع

فيها تتطبع .. وللأسـف صــار مألـــوف

................................. لـكـن لـجـاهــل أو أصــم أو لـخـــدّاع

هذا الزمــان اللي تزيــد ابه الـحـلـوف

................................. وهذا الـزمـان اللي به الـكـل ملـتــاع

مثــلي صــــرخ يكـفــي مــن الآه والأوف

................................. مدري غجر .. مدري من اعيونٍ وساع

ماترحـم اللي خـلـتـه شـيـخ مكـتـوف

................................. ماغـيـر يبـحـر بالفــكــر بس بــشـراع

إشراع فاهـم .. من زمـن كـان مكروف

................................. واليوم يكــرف لكــن ابكـيــفـه وبساع

ولــلمدح ماني والله انسـان ملهــــوف

................................. الصّاع صاعي .. وما أبي ردّة الصّـــاع

إلحق زمانك واسبقه ..واخلق احروف

................................. وآقف مكانك .. نــاظــره كيف لامـــاع !



هنا عبدالله الملحم..........لايكتب شعر بل يكتب فكر عبدالله بهذا النص تجاوز الكثير من الشعراء الذين بدوا معه عشر سنوات هذا الشاعر يميز اسلوب الفكر وقوة التصوير لديه نظره ثاقبه تدل على بعد بلاغي ناتج عن اطلاعه الثقافي الواسع الذي يتضح للقارئ الذي يتابع قصائد الملحم بوعي...سيكون لهذا الشاب شان عظيم لانه مختلف بالطبع هو فقط ومعه اثنين يمشون على نفس الخط لهم حضور مدهش ...عبدالله الملحم لي عليه بعض الملاحظات في السابق ولكن كنت على ثقه انه سوف يتجاوزها بسرعه لانه يتمتع بذكاء شديد وبالفعل اختصر كل الفترات الزمنيه وتجاوز مانسبته90% واظهر مقدره عجيبه على قراءة افكار وابعاد قصائد الاخري وهذا يدل على شاعريته المذهله.



تحياتي له

اخوكم الصغير/عبدالله فلاح الهاجري

ريم_قطر

ماعليك زود طال عمرك .. وصح بدنك مليونين .

الف شكر .. وتقبلي تحياتي .

الباريسي

من دون مجامله .. ولو لم تضع سوى اسمك في هذا الرد لاكتفيت بذلك يامبدع .

تقبل صدقي وجنوني .

جساس

شكرا .

الواثق

يابو فلاح يابو فلاح ... والله اني مادري كيف برد عليك .. بس تدري وش يعجبني فيك خارج نطاق هالقصيده وخارج نطاق ردك .. انك متفهم وعقلاني وتعترف وقت الاعتراف ... وهنا المنطقيه تكمل بحد ذاتها .

مليون شكرا طال عمرك وهذا والله من ذوقك .. ولو اني اشوف الكلام اللي تقوله كثير لكن الله يقدرني وانشالله اني بكون في حسن الظن .

تقبل صدقـــــي .