أغني من طرب والمعرفه ماهي بالمشعاب

[poem=font="Simplified Arabic,6,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سلام الله سلام(ن) في قلاع العز يفتح باب=سلام(ن) فيه من طعم العسل تصفا مشاريبه
اغني من طرب والمعرفه ماهي بالمشعاب=ليا مني بدعت القاف قال الناس يا طيبه
ليا مني نويت ابدع قصيد اخذت بالأسباب=كثير من المعاني تعطي الطالب مطاليبه
ولن شفت المناره عامره صليت فالمحراب=سوالف من عوارف مابها شكه ولا ريبه
هذا والقافيه مثل الأصيله تطلب الركاب=يجر اعنانها ولا يزندها عراقيبه
وانا ماني مودي مهرة الخيال للقصاب=اصيله والأصيله كسبة الناموس لعتيبه
ولا يا ربعي اللي مالنا عن دربهم مجناب=اهل مجد(ن) تليد وجملة العربان تدريبه
اهل قاله واهل طاله واهل همه تدك اهضاب=واهل عز(ن) كبير وعند خلق الله نماريبه
اهل عزم(ن) كما السيف الشطير يطير الأرقاب=واهل حزم(ن) كما جمر الغضى تصلي لواهيبه
قدمنا يا بني عمي على القاله نحث اركاب=يقولون الذيابه في ظلام الليل تسريبه
ما دام اني على راس الجبل جوف الحصن ما ارتاب=لعلك يا الزمان اللي بغيت تجيبه اتجيبه
يقولون العتيبي لا مشى درب الخطر ما هاب=ولو انه بعد ينوي على الأقصى يصليبه
ليا قال العتيبي قالته تكسيك خمس اثياب=ولن غنا العتيبي كب قافك لا تغنيبه
ولا يا ناشد التاريخ لك فوق الكتاب اكتاب=كثير القول يا عرّاف ماله بي ومالي به
على ابن حميد نثني بالسلام مكثر الترحاب=ليا مني طريته وقف الكاتب مكاتيبه
وانا لو كان اعدد في فعول الطيب راسي شاب=الا نعم الرجال اللي لها طول الدهر هيبه
ولا نعمين يا شيوخ القبايل يا هل المرقاب=هم الحصن المنيف اللي نهار الكون نذري به
بعد جيتو وجينا للمزاين ضنكم ما خاب=ولو به شي فوق اطويق يا عتابه نعدي به
عتابه يا خوال المصطفى يا كرّم الأنساب=صنعتو شي للتاريخ بالغصبا يهذري به
هنيّا الوقت مما شاف جاله عندنا معزاب=وهنا التاريخ مثل الضيف في حكمة معازيبه[/poem]

وانـا مانـي مـودي مهـرة الخيـال للقـصـاب
اصيلـه والأصيلـه كسبـة النامـوس لعتيـبـه
ولا يا ربعي اللـي مالنـا عـن دربهـم مجنـاب
اهـل مجـد(ن) تليـد وجملـة العربـان تدريبـه
اهل قاله واهل طاله واهـل همـه تـدك اهضـاب
واهل عـز(ن) كبيـر وعنـد خلـق الله نماريبـه



صااالح


كفو

ومد يزودنا كلنا ويزود كل طيب

مدح الطيبين واجب وعزالله انكم تستاهلون المدح


صح لسانك وصح قلبك

وافيه ومن راس وافي


لاهنت ولاهان هذا الحضور


مشهوووور....

صح الله السانك يا صالح ونعم بالغانمين


سجل إعجابي ومتابعتي

صااالح


كفو

ومد يزودنا كلنا ويزود كل طيب

مدح الطيبين واجب وعزالله انكم تستاهلون المدح


صح لسانك وصح قلبك

وافيه ومن راس وافي

ما عليكم زود


ولا على جميع القبايل زود



مليون


صحت ابدانكم

ولا هانت روسكم

وشكرا

لمروركم

احترامي