يوم العرب تكتب قصايد فالشبح والفيكسار&انا نويت اكتب قصيده فالكرلا والصني

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يوم العرب تكتب قصايد فالشبح والفيكسار= انا نويت اكتب قصيده فالكرلا والصني
ليه امدح اللي سعرها فوق المواتر طار طار= لين اصبحت فالسوق مايقلط عليها الا الغني
والا خذاها ديَن راعي الديَن من فوق الفقار= حتى ينوّخ تحت حمل الدين لو انه ثني
يوم ارفعوا الاسعار ولّع سعرها فالسوق نار= تقدر بقيمة وحدةٍ منها تجيب اربع بني
والا الكرلا والصني ياحيهن ذيك الصغار= اللي تعَبِّر لازمي لاكان ضهري منحني
وان جيت عند الجيزخانه مايجي عندي قيار= عشره ريال ترفع الامبير حتى ينثني
وان جيت للموقف يكفّيها لو انه جحر فار= الزّها في اقرب مكانٍ ضيقٍ ماهمني
وان جيت فالزحمه وثار العج من تحت الغبار= قامت تمخّلَص بي مع الزحمه وريّحت بدني
وان جيت باسعّر قطعها عند حقين الغيار= عينتها كنها تقول اظهر فلوسك واخذني
والا الكبار كبار مايقدر عليها الا الكبار= اللي مخابيهم تنفّخ كل يوم وتسمني
مواترٍ ضخمه وتبغي واحدٍ جيبه عمار= ماهوب ينشب لابقا فالصرف قرشٍ معدني
بعض العرب خلف المظاهر كلبو حاله دمار= دايم وهو والديَن لاغلّق رصيده يشّحني
واللي عطاه الله من الخير وخذاها باقتدار= اقول لارفّه على نفسه من النعمه هني
واللي يقول انك تعَذربها ولاعندك خيار= اقول ياربي عطه منها ويارب اعطني
انا خلصت من القصايد فالشبح والفيكسار= واليوم سويت القصيدة فالكرلا والصني[/poem]

[خالد السهلي]

لله درك شاعر كبير ومتميز

واشهد انك صدقت وبدعت معنى جديد


صح لسانك ملايين

سعيد


صح لسانك وقلبك يابو مقبل


وكل عام وانت بخير


لاهنت ولاهان هذا الحضور الغالي

مشهوووور....

أرحب يابو مقبل تراحيب البدو بالحيا



صح الله لسانك وعظم شأنك الله يرفع مقدارك اللي رفعت من معنويات صانعي الكورلا والصني ههههههه



تحياتي لك

ابو مقبل
مساك الله بالخير
انا اشهد انها قصيدة اوصلت الى المعني المقصود بسلاسة وبراعة
صحيح اللي يقولون المعنى في بطن الشاعر ماكذبو
صح لسانك وتقبل اعجابي

[align=center]سعيد الاكلبي

صـح لسانك

جميـله جـدا هـذه البادره لأصـحاب الكـرلا والصني

الله يبيض وجهـك[/align]

والا الكرلا والصني ياحيهن ذيـك الصغـار
اللي تعَبِّر لازمي لاكـان ضهـري منحنـي
وان جيت عند الجيزخانه مايجي عندي قيـار
عشره ريال ترفـع الامبيـر حتـى ينثنـي
وان جيت للموقف يكفّيها لو انه جحر فـار
الزّها في اقـرب مكـانٍ ضيـقٍ ماهمنـي



خير المعاني ماقضى نوب الفتى



اررررررررررررررررحب يابومقبل




وصح لسانك ملاييييييييييييييييييين




قصيدة رائعه وتحث على القناعه والرضى بالواقع



لك تقديري

ابو مقبل


له درك ياشيخ

يعلم الله اني اطرب لقصيدك ومتابع لجديدك


تحياتي

خالد السهلي
ارحب ارحب
والله يحييك يالكفو
لاعدمناك

يازقنك
صح لسانك
وكل عام وانت بخير

الاخ الشاعر شايع العيافي
ارحب ارحب
وجمل الله حالك ياطويل العمر
مرور ينومس يا مال العافية
لاعدمتك يالقرم

الغالي


سعيد



هلا والله وغلا


تعلم ما أكن لك من تقدير وأعلم أنك فوق الشهاده


لكن للـــه درك يانقي الشعر الشعبي بخير مادمت أنت وأمثالك


الله يرعاك

سعيد الاكلبي

صـح لسانك الله يبيض وجهـك

على ابداعك

تحياتي

كفيت ووفيت يابو مقبل وصح ألسانك.... أما بالنسبه للقصائد فالفيكسار// فقد خلصت منها يابومقبل طال عمرك؟

ياراكب اللي لامشا كنه على زل وحرير=آخر موديل الفيكسار اللي حفظ تسعيرته

وعسااااااااااااااااك ذخر

شجاع
اررررحب
لاخلا ولاعدم