يالعين وين أنتي عن النوم يالعين

[align=center]يالعين وين أنتي عن النـوم يالعيـن
هالليـل نومـك مبعـدات(ن) ظعونـه
والله لـو أنـك علـى النـوم تبكيـن
النوم حـال الضيـق دونـك ودونـه
مير اصبري لا عـاد للقلـب تشكيـن
ويزيـد قلبـي مـن عذابـك طعونـه
وتكفيـن لا تزيديـن مافـي تكفيـن
مابي خفي مابـا البشـر يبخصونـه
والسد لا منـه طلـع بيـن الاثنيـن
قامـوا مقاريـد البشـر ينشـرونـه
والصبر مفتاح الفـرج ذكـر بالديـن
وكم واحدن شاف الفرج فـي عيونـه
والله فرج ليوب عقب مـرض شيـن
وعقب ماذاق مـن الحيـاه المهونـه
عقب ماكل جسمه من الـدود ثلثيـن
جاه الفـرج مـن واحـدن يرتجونـه
كـل البشـر أهـل غنـاه ومساكيـن
لـه يرفعـون كفوفكهـم يطلبـونـه
لواحد الفـرد الصمـد فـارج الديـن
عالـم بغيـب الخلـق لـو يكتمونـه
يالله يافـارج مـن العـسـر للـيـن
يامن تسـوق الريـح بامـره مزونـه
لرض(ن) دهر يبس شجرها من سنين
ومن الدهر هشـم وماتـت غصونـه
يامرجعلـه عقـب ماصـار قسميـن
عـوده ولا فـآ الهبـايـب ركـونـه
ياكتب(ن) عشرة عمر بين شخصيـن
ذكـر وأنـثـى بسـنـة يتبعـونـه
ومـن آدم وحـوا خلقـت الملاييـن
وفرقت بيـن الخلـق شكلـه ولونـه
اسود وابيض بـس بالخلـق لونيـن
والشكل أحسب أرض (ن) بها يسكنونه
هذا من أمريكـا وهـذا مـن الصيـن
وكـل(ن) بشكلـه ولغـه يعرفـونـه
وكـل لـه مذهـب وديـن وقوانيـن
ومشى بطريق أهلـن قبـل يعبرونـه
يامعاملـن بنـي سرائيـل بالـزيـن
وموفر(ن)مايطـلـبـون ويـبـونـه
خلقه ونفـذ ماطلبـوا وهـم طاغيـن
وكـرم نبيـن بالطلـب يرسلـونـه
عنهم عفى في كـل ماهـم ماسويـن
وهـم كتـابـه كـانـوا يحرفـونـه
ويوم أنهم خانون وصـاروا شياطيـن
وخوفه وعفـوه واصلـوا يجهلونـه
من تحتهم ارضه جعلهـا بـرا كيـن
وخل الامـن فـي بيوتهـم يفقودنـه
وخلقه سوى عنـده بكـل الموازيـن
كانـوا عـرب والا عجـم بالنمونـه
ماكـرم الا خلـق لجلـه مصلـيـن
لـه يسجـدون وبالخفـا يسألـونـه
اللي لهم فـي ماكتـب رزق راضيـن
وماجا منه لـو هـو شقـى يقبلونـه
اللي علـى كتابـه ومافيـه ماشيـن
ومارسـل رسولـه فيـه ماينكرونـه
ذولى الرجال اللـي بالفعـال وافيـن
واللـي وسـام المرجلـه يلبسـونـه
اللـي بحـب الله والـعـز ناشـيـن
والـلـي رزقــه الله مايحسـدونـه
هم الـذي عاشـوا بربـح الحياتيـن
وعنـد المصيبـه ربهـم يشكرونـه
واللي باعيب الناس ماهـو مضاهيـن
والله سترمـن شوفهـم يستـرونـه
وعاشوا عزيزيين وماتـوا عزيزيـن
واللي مشى درب الخطـا ينصحونـه
يـاالله ياكافـل حـيـاة المعاقـيـن
يـارازق(ن) طيـره وسبعـه بكونـه
يارب ياللي ماتبا يكـون فـي حيـن
ياناصـر بالديـن مـن ينصـرونـه
يامجريـن دم البشـر بالشرائيـيـن
عفـوك قبـل لـي القبـر يحفرونـه
يـارب لا منـي تركـت المحبـيـن
ابـا الستـر والخيـر لـي يذكرونـه
وعفوك من ذنوب(ن) عليّـه ملاييـن
بيوم(ن) به العالـم جبـر يحضرونـه
يوم(ن) حضوره مايحصل فيه بعديـن
يـوم(ن) تغيـر فيـه أمـن حنونـه
يوم أختبار اللـي بهالعمـر لا هيـن
اللـي ورى مـال الشقـى يطردونـه
وبالعمـر ماسـروا بعيـد وقريبيـن
وماحصلـوا بوجيهـهـم يلهمـونـه
ولا همهم نـاس مـن البعـد عانيـن
وقريبـهـم والـجـار مايقـدرونـه
ناس(ن) سعـاره بالحيـاه ومجانيـن
أقـرب قريـب ليـا حصـل ياكلونـه
وقت السعه بالهـرج ماهـو بسطيـن
أقـوال والا الفـعـل مايضمنـونـه
ولا شفتهـم تقـول وش هالسلاطيـن
الطيـب لـو أنـه بحـر يشربـونـه
ووقت الشدايد ماحـدن فيهـم أيبيـن
والـبـاب للمحـتـاج مايفتحـونـه
والطيب لـو انـه لنـاس(ن) غنييـن
ان كـان ثلثيـن العـرب يتركـونـه
ماطـاب بالمـوال كامـل والبابطيـن
اللـي بلـد باموالـهـم يعمـرونـه
الطيب ملك اللي على الطيب ضاريـن
لو الفقـر عضـت أيديهـم أسنونـه
اللي لهـم بالطيـب ذكـر وعناويـن
لو هو سبب فـي فقرهـم يشترونـه
اللي كرمهـم مـع بعيديـن وادنيـن
وخـف القـدم للمرجلـه يتعبـونـه
ولا يذبحـون لضيفهـم دون ثنتيـن
لـو أنهـا ديـن وعقـب يدفعـونـه
واللي لهم ذكر(ن) يسـر الحجاجيـن
ويحشمـون الضـيـف ويكرمـونـه
وكل(ن)يراقب كلمتـه قبـل لا تبيـن
الهـرج قبـل بدايـتـه يفحصـونـه
من شان ماياتـون بالهـرج مخطيـن
ومن جا خطـاه بـلا سبـب يدّبونـه
وليا عطوا يعطـون روس البعاريـن
شطر(ن) قبل مقيـول زلـت حتونـه
قوم(ن)بفعل الطيـب دايـم ماسميـن
طبع(ن)ولـد معهـم ولا يتركـونـه
سبحان من لـه يسجـدون المصليـن
خـلاق كـون النـاس مايعلمـونـه
وجيال تخلـق فيـه وجيـال فانيـن
وكـل حفـظ للجـيـل مايفعلـونـه
تحفظ قصص وشاعر وسط الدواويـن
وحين بقى عـن مامضـى ينشدونـه
وتبقى علوم الطيـب والطيـب يبيـن
والا الـردي منسـي قبـل يدفنونـه
وعزي لحال اللي عن الطيـب مقفيـن
ينـزلـون الــراس مايرفـعـونـه
واللـي فعولـه ماعليهـا براهـيـن
هـرج الكـذوب النـاس مايهرجونـه



[/align]

الطيب ملك اللي على الطيب ضاريـن
لو الفقـر عظـت أيديهـم أسنونـه


خليف




صح لسانك

و تقبل الله منك



كل الود،،،

الوهيداني

صح لسانك على القصيدة الجزله

عبدالله

صح لسانك وصح قلبك

قصيده وافيه ومن راس وافي

اشتملت هذه القصيده علىالكثير الكثير جعلها الله في ميزان حسناتك

لاهنت ولا هان هذا الحضور

تقبل تحيتي

مشهوووور...

الطيب ملك اللي على الطيب ضاريـن
لو الفقـر عظـت أيديهـم أسنونـه


خليف




صح لسانك

و تقبل الله منك



كل الود،،،

صح بدنك

ومشكور على مرورك


لك احترامي

الطيب ملك اللي على الطيب ضاريـن
لو الفقـر عظـت أيديهـم أسنونـه


خليف




صح لسانك

و تقبل الله منك



كل الود،،،

صح بدنك

ومشكور على مرورك

وشرفني حضورك هنا

لك احترامي