Tweet
احبتي السجين هادي مطيف ال سليمان يقبع خلف قضبان السجن منذ ما يقارب الخمسة عشر عام اثر زلة لسان من مراهق لا يعي ما يقول والان هو ندمان ويعض اصابع الندم لان ربيع عمره تقريبا راح بالسجن وحكم القصاص والعفو وفي هذا الشهر الفضيل ادعوا الله ان يفرج كربته وان تصل هذه القصيدى الى حكامنا الله يطول عمارهم وتشفع له علهم يعفون عنه الله يخليهم لنا وللامة الاسلامة
ادعوا معي للا خ هادي ( سجين نجران)
ادعوا معي للا خ هادي ( سجين نجران)
[poem=font="Simplified Arabic,6,firebrick,bold,normal" bkcolor="transparent" bkimage="" border="inset,7,limegreen" type=2 line=0 align=center use=ex num="0,black"]
الشعر إن جاني عسى الله يحييه=وان راح الله لا يردّه فلا ابغيه
واليوم اشوفه جاثم(ن) بين إيدي=ويقول يا(يحيى) طلبتك تقل إيه
قلت:ايه آمر أطلب وجاك مطلبك =واوعدك أسمع مطلبك ثم البيه
وقّف وسلهم في عيوني ودمّع=ثم صحت: نعنابيك لا تبكي/ اشفيه ؟
قال:الغبن ياخوي شفته وماقساه=شفته بعين اللي غزى الشيب عينيه
قضّى سنينه بالسجن والتأوّآه=والبدله الحمرا وتقييد رجليه
واللقمه اللي ناشبه وسط حلقه=ودموعه اللي تنسكب فوق خديه
وكلمة(قصاص) ويمكن العفو يشملك=وكلمة(مؤبد) واصصص لاتنطق بليه !
صحيح أخطأ والخطأ غير مقصود=ومن الخطأ والله ماني مبرّيه
واليوم يا(يحيى) لفيتك على شان=تذكر خويّك بالشعر ما تخلّيه
وتنخى طوال العمر أخوان نوره=والا الرّدي ياخوك لا عاد تنخيه
تنخى طوال العمر ذربين الايمان=حكامنا اللي عهدهم دوم نوفيه
ثم قل لهم: تكفون تكفون تكفون=كم ذا وهادي غارق(ن) في بلاويه
وكم ذا وهادي داخل السجن ينزف=مفتوح جرحه مالقى من يداويه
تكفون ياسقم المعادي تلبّون=مطلب أبيه الشايب اللي مربّيه
ومطلب أخيه وعمّي (أبّين) هادي=والشرفه اللي أبطت سنين تدعيه
تنخى ابو متعب مليك العروبه=قله ترى الموضوع مابين ايديه
حنّا الرعيه وانت للشعب راعي=أطلق سراحه يابيض الوجه/أعفيه
وانخى ابو خالد كريم الخصايل=الغالي اللي كلّبونا نحييه
قله :ترى هادي يقبّل يدينك=فك القيود اللي تقصّر خطاويه
وانخى طويل العمر (نايف) وقله=ياميرنا تكفى طلبناك بوجيه
(أ)شيوخ يام ومعهم (أ)شيوخ همدان=ان هادي يعيّد مع اخيه وابيه
وانخى طويل العمر(مشعل) أبونا=أميرنا اللي نجتمع في أراضيه
قله:ترى نجران تطلبك هادي=تكفى يابو نواف أسعد عوانيه
واليوم يا(يحيى) توكّل على الله=أكتب قصيدك واحذر انّك تخبيه
أرسل بيوتك وانتظر لين ياتيك=علم(ن) أكيد من (المعازيب) توحيه[/poem]
[/align]
تعليق