الــــمـــعـــنى الـــعــمــــيــــق

[poem=font="Arial,7,black,bold,normal" bkcolor="transparent" bkimage="" border="double,10,black" type=2 line=0 align=center use=ex num="0,black"]
القصيد إن ماقصد معنى عميق= انصح إنّه شاعره مايكتبه

أرفض إني هايم بوادي سحيق= وأعشق من الصّعب صعْبه وأصْعبه

كان غيري لارمى دلْو,بعتيق= وعجّزته وجات بيده متربه

أعتليت بسرج سباقٍ رشيق= وقمْت بالميدان معناي أهْذبه

الحصان الحرْف والهجْس العليق= ابعده بالروح صوّت لأقربه

القوافي بكْر والشّاعر عشيق= وكل مايغفل طيوفه تندبه

قالو,أهل العرْف في معنى الصّديق= مثل حال الغول والعنقا,,إحْسبه

قلت انا هيهات والمعنى طليق= بشرّد الصيدات غارس مخْلبه

كأنصباب السيل من جرْف المضيق= من غيومٍ الفكر ديمٍ مسْهبه

في خيوط الشمس مشراقي يليق= ماخذٍ من لون حُمرة مغْربه

إعترض مبداي مرْهي باللحيق= وإعتلى الطّاروق عالي مرْقبه

قامت الغرنوق للفتنه تويق= ومارده للعين رمْشٍ يجْذبه

مابه إنسٍ يمتلك قلبٍ غليق= وكل فيضه من مطرها معشبه

روّحت رسْلٍ فريقٍ مع فريق= مرزماتٍ من صميم الموْهبه

المراجل موج عاشقْها غريق= بين موت وبين عالي المرْتبه

اللسان حصان والمنطق رحيق= كم هذورٍ له لسانٍ ينْكبه

ابن آدم بين جنّات وحريق= لأجل ذنبه ربّنا اللي أنّبه

من أكل تفّاحة الغصن الوريق= وإن بغينا,الصّدْق حوّا,مُذنبه

الأصايل وكْرها بشامخ شهيق= مثلما بالنّاس عالي منْسبه

أرحب من الأرض للمعنى سميق= والكفوف الناديات المرطبه

ذاك كفْوٍ,والندى بكفّه لصيق= مردْردْ الجدّين ساسه عرّبه

لانخيته جاك للفزعه شقيق= والهموم اليانخيته ترْهبه

له يمينٍ بالصّخا,سيلٍ دفيق= وله كرومٍ بالوهايب معْنبه

لاغدى لغربان شمّاتك نعيق= صوّبه بالطيب الأنقى صوّبه


لايشدّك معدنٍ ضوحه بريق= بعض واهج يخْذلك بالتّجْربه

إلاّ الأحْمق لاتحطّه لك رفيق= كاسر الجرّات بالك تصْحبه

العقول خروج مليان وشليق= وكل عقْلٍ حسب قيمة مزْهبه

البشر مخلوق حسّاس ورقيق= والليالي كالحيايا,,المسلبه

لاتسرّع كان تجْهل بالطّريق= أحْذر من الدّرْب لحْظة تدْربه

وعذْ,بربك شرْ,وقّّّابٍ غسيق= بمحكم الآيات خوفك طبّبه

من صحا, بينام والنّايم يفيق= وخيررأيٍ بين الأرْيا, أصْوبه

ميزة الإتْقان تفكيرٍ دقيق= واعذب الشعر,اصدقه مهو اكذبه

اما اجيب الدر,وعقود العقيق= وكل من يسمع قصيدي يعجبه

والا احرّم اكتبه حلفٍ وثيق= كان ماضغت الزلال من اعذبه

ان كتبته والعرب يبّاس ريق= كود اخلّي الشّيخ يحذف معْصبه

ممتزج ماضيه في حاضر أنيق= مفرداتٍ كل جيلٍ تطْربه

القصيد غموض والمعنى عميق= يكتبه حسْ المشاعر يكْتبه
[/poem]

سلمت ياعنزي على هالمعلقه
وافيه من وافي

حسين الهوران


دورة بيت ر القصيدة ولم اجد بين البيوت كل بيت من القصيدة عين ولا يخير بالعيون

بيض الله وجهك وصح لسانك

جزله ومن شاعراً جزل لاهنت

وتقبل تحياتي

المبدع حسين الهوران







صح لسانك مليارات











وسلمت












قصيدة رائعة











تحياتي









المجماج

الغالي حسين
صح الله لسانك
ولاهنت
وسلم فكرك وبنانك
دمت برعاية الله وحفظة

حسين الهوران



بيض الله وجهك وصح لسانك

جزله ومن شاعراً جزل لاهنت


الله يحفظك

حسين


صح لسانك وصح قلبك

قصيده وافيه ومن راس وافي


لاعدمناك ولا عدمنا حضورك


مشهوووور....

عبدالعزيز الغنام


سلمت ودمت


تقبل تحياتي

حسين

صح السانك ولاهنت

بيض الله وجهك

قصيده وافيه من راس وافي

لك تحياتي

فهد السميري

تسلم وتدوم

شكرالك

تقبل تحياتي

ناصر المجماج


تسلم وتدوم

تقبل تحياتي

حسين

صح لسانك

وافيه من وافي

لاهنت











تحياتي

مناور بن هاجد


شكرا لك ولتواجدك الرائع


لك تقديري واحترامي

عبدالله بن شايع الزهيري


سلمت ودمت


تقبل تحياتي

مشهور الخيال


اسعدني تصفحك

وتشرفت بمرورك الرائع

شكرا لك

وشكرا لذوقك الراقي

والله لايحرمنا منك

ومن تواجدك

لك احترامي وتقديري