وليت ياسوق فيك الناس منحاسه = فغناء بلاد العرب فقرك تهليبه

بسم لله ابدا وفكري حضر احساسه
................ في مدح راع الوفى والطيب والهيبــه


يافرخ حراً جذبه العود من راسه
.................... فرخ اشقر الريش ماتبرى مضاريبــه


راعــي يمينن على العدوان دواسه
...................... ياويل خــرباً ينوشنه مخاليبـه


ابو فـهد للوفاء والــحق نبراسـه
....................... من غير عبدالعزيز الطيب يحريبـه


الاعمامه لجــوخ الطيب لباسه
...................... ومن غيرهم ذي يدي للـي يجينيبه


يلوح بـرق الحياء وارسلت عساسه
...................... جاني وبشر وقال الطيب والطيبـه


ابو فهد كل طيباً ماخذاً كاسه
..................... والمدح فــي سـيدي محلا هناديـبه


لباسة الدرع واهل السيف والطاسه
...................... حماية الدار لاجاء فالوطن ريبــه


علم و***** وساس الطيب هوساسه
.................... فعله على مستوى العالم نماريبـه


ياكــــم فقيراً زمانه حاسه وداسه
...................... ماياجد اللي من الدكان يشريبه


ومن فعل حاتم زمانه فرج اعماسه
...................... علم ثبت كل حياً صار يدريبـه


معجم فعول الكرم في ذاته ادراسه
...................... مراجع لجامعات الطيب توصيبـه


احكم اعداده فهد واوصابه اجناسه
....................... حتى طلع مرجعاً تنهل مشاريبه


فعله على فعل حاتم زاد مقياسه
..................... لو ماحصل كيف ابه ناساً تهذريبه


تعب القلم واشتكى للحبر قرطاسه
....................... عبدالعزيز اسم تتعبني مراقيبه


حتى بحوث الفضى في قاعدة ناسه
....................... مـاعذبتني ولاجاء ربع تعذيبه


فوق الورق ماحظيت بلحظة انعاسه
........................... بيدين كتابتاً بالحبر توميبه


مرتحت لحظه بجيب ولاعلى ماسه
......................... كلٍ براس القلم يبدي تعاجيبه


فانجب سلالة ملوك الارض والساسه
......................... بانين داراً خلاها عاوين ذيبـه


من كان يامن بها ساعه بمجلاسه
........................ يخاف مـن ضبعها والسبع يعديبـه


الجوع فيها وفيها البين واتعاسـه
........................ اصغر ضناها تشوفه ظاهراً شيبـه


شبك بها الخوف كنه شبك دباسه
........................ تمسي بها امن وتصبح بكبر امصيبـه


ثم انطلق طيرها ماهس هساسه
........................... راج بسماهاء ضحى والليل يسريبـه


طير ابن فيصل بعد ماتم قرناسه
........................ في طيره الفيصـلي ماخاب تدريـبه


ثم عانق الـجو والاوقات حساسه
....................... مهمةً كايدة لاوالله صعيبــه


واهوى على ديرتاً بالشر محتاسه
........................ الحقد بعروق اهلها الدم يجريبــه


واسترجع حقوق مظلوماً كثر ياسه
......................... في وقتاً اقشر على العدوان تدعيبــه


يابعــــد هقواته ويابعد مرماسه
......................... بالروح داس الخطر مرسل مناديبــه


داس الافاعي وداس ذياب وبساسه
........................... واما الفهد والاسد يازين تاديبــه


في غابته والقطيع ولاله رياسه
........................... يشرب وياكل وغبنه مالين جيبـه


وسلاله الحر تلقى فيهم اجناسه
........................ وجنسه سميه طــويل الباع ظنيبه


اقيس وقتاً يشيب عين من قاسه
........................ يابن فهد وضعنا ماهوب ياطيبه


السوق ظالم ومظلم يرعب ادماسه
...................... صرنا تحت رحمة الهامور وصـحيبه


المال يفداك وانا نعلن افلاســـه
.................... في سوق الاسهم كل الثعلب عراقيبـه


الفقر دقت مزاميره مع اجراسه
..................... واستقبله سوقنا بحلا ء تراحيبـه


وليت ياسوق فيك الناس منحاسه
....................... فاغنى بلاد العرب فقرك تهـليبه


وفيك الغنى يحتضر في لفظة انفاسه
........................ ولابه سبب ريسك لناس يفتيبه


باللون الاحمر سنه تسكيرة اقواسه
................... واللون الاخضر غياب وطول الغيبه


ومحللينه حكي وعلوم هلاسه
................... ماني بواحد تلملم علم وتجيبه


انا ملايين نبـــغى العلم من راسه
.................. متــى يعاود حساباته وترتيبه


)(..الشاعر/ فهيد السميري..)(

صح الله السانك يا فهيد

والله يعوض على من خسر بالخير

تقبل تحياتي

اخوك

جابر بن شنان

فهيد السميري



صح السانك مدد بلا عدد


جزله من جزل



لك فائق تقديري واحترامي

فهيد

صح السانك ولاهنت

قصيده رائعه ومعبره

والله يعوض على من خسر

لك تحياتي

صح لسانك يابو عبدالله



والكفو شرواك يستاهل المدح والثناء



أبدعت وشهادتي فيك مجروحة



تحياتي لك

جابر بن شنان


صح بدنك وشرفني مرورك تحياتي

الغالي فهيد
صح الله لسانك
ولاهنت
وسلم فكرك وبنانك
والله يعوض على من خسر بالخير
دمت برعاية الله وحفظة

زاحم النومسي

صح بدنك ولاهنت تقبل اجمل تحياتي وتقديري

فهيد

لاهنت وصح لسانك

مدح عبدالعزيز ماهوب جديد ... يستاهل الناموش
وباقي موضوع القصيده كلنا نقوله بالفم المليان والله يفرجها

لا هنت ولا هان هذا الحضور الغالي

مشهوووور....

فهيد السميري



صح السانك مدد بلا عدد


جزله من جزل



لك فائق تقديري واحترامي

حسن الوطري

صح بدنك ولاهنت اخوي حسن الغالي تحياتي وتقديري

صح لساانك يافهيد

وافيه مافيها كلام

موفق

سجاع بن عمر

مرحبا يابو عمر مليون ولايكفون

و صح بدنك وسلم راسك ولاهنت

تحياتي

شايع العيافي

صح بدنك ولاهنت لك مني جزيل الشكر اخوي شايع ولاعدمانك

تحياتي وتقديري

فهيد

لاهنت وصح لسانك

مدح عبدالعزيز ماهوب جديد ... يستاهل الناموش
وباقي موضوع القصيده كلنا نقوله بالفم المليان والله يفرجها

لا هنت ولا هان هذا الحضور الغالي

مشهوووور....


ـــــــــــــــــــــــــــــــــــــ
التوقيع


سبحان الله وبحمده عدد خلقه ورضى نفسه وزنة عرشه ومداد كلماته



لاهنت اخوي مشهور وبيض الله وجهك ولاعدمتك

طالت ايامك

تحياتي