ـــــــــ حـــزام الامــــان ــــــــــــ

[poem=font="Simplified Arabic,6,,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/15.gif" border="none,4," type=2 line=0 align=center use=ex num="0,black"]
ياإله الملك ياللي مالنا غيرك إله = وياعظيم الشان ياللي معتلي من كل شان

ارتجي عفوك ياربٍ مايخيّب من رجاه = واستجير بقدرتك من كل مكروه وهوان

عشت فالدنيا وغرتني ملذّات الحياه = يوم جات وكل يومٍ تنتشر لي في مكان

اختلف فكري وصرت اسير مع كل اتجاه = ماعلى بالي غير امشي فالرفاع وفالطمان

ضاع وقتي في حياةٍ مالقيت الها طراه = ولمت نفسي قبل الوم الغير يالله المتسعان

ما حسبت حساب وقتي من صباحه لا مساه = ومادريت ان العمر محدود والدنيا امتحان

اسمعوها من لساني واكتبوها لي وصاه = كلمةٍ من خاطري ماهي بتبغى ترجمان

ياآبن ادم مالك الاّ تطرق ابواب النجاه = قبل يوم يقال تكريم الجنازه بالدفان

وعظم الله اجر اخوي واحسن المولى عزاه = كلمتين وبعدها فلانٍ توفى من زمان

انتهى وقته وكل اللي ذكر حبّه نساه = وصار مايجمع على الدنيا مع فلان وفلان

ياخساره مال وعيالٍ وزوجاتٍ وجاه = كلبوها راحت بلحظه ولا فيها ضمان

ماله الا اللي عمله ولازمٍ يلقى جزاه = ياعذابٍ في جهنم او نعيمٍ في جنان

في نهارٍ فيه كل الناس حفاةٍ عراه = وساعةٍ قد يكرم الانسان فيها او يهان

مطيب اللي صالحاته دايم تمشي وراه = وراح وقته جالسٍ بين الاقامه والاذان

وعزتي للي قضى عمره وهو يطرد عناه = ماكسب غير المعاصي لا مقام ولا كيان

فالله الله ياآبن ادم الله الله فالصلاه = والله الله حج بيت الله وصم شهر رمضان

والله الله كان عندك مال لا تنسى الزكاه = والله الله والدينك ثم كما تدين تدان

لا تغرك لذّة الدنيا وتسويف العصاه = ولايهمك ملك حاكم وضحكة برلمان

دامك بخيرٍ فلا تغبط ملوك ولا قضاه = احمد الله واشكره دامك تعيش امن وامان

قلتها وانا بعد ودي بلفتة انتباه = للرجال اللي لهم فالطيب تقدير وشان

الرجل لايستمع لاهل النميمه والوشاه = يتحزم بالمراجل ويتخيّر فالسمان

لايقول فلان قال وكلمته فيها اشتباه = يطمر الزله ليا من شافها طمر الحصان

عقب اللي زلةٍ من صاحبه تبحث خفاه = مادرى ان بعض الاخوه عشرها يرجع ثمان

ومطيب اللي مع مرور الوقت مايلحق مداه = من طويلين الشبور ومن وسيعين البطان

والرجل لا صار قوله من لسانه مايحماه = فيهجر فيها شوي ويربط حزام الامان

والرجل قدام تنظر فيه ناظر بخوياه = وانت تعرف عنه ماتبغي وتاخذ لك بيان

الكفو يعرف بفعله والردي جعله فداه = والفعل يظهر بشوف العين ماهو باللسان

والمواقف تظهر الطيب وترفع مستواه = والمعارك ينعرف فيها الشجاع من الجبان[/poem]

صح لسانك
وتقبل التحيه الجزله

اررررررحب يافهد


صح لسانك مليون ولا يكفون



قصيده وافيه وجزله من راس جزل


سلمت ولاهنت



تحياتي

عقب اللي زلةٍ من صاحبـه تبحـث خفـاه
مادرى ان بعض الاخوه عشرها يرجع ثمان

ومطيب اللي مع مرور الوقت مايلحق مـداه
من طويلين الشبور ومن وسيعيـن البطـان


فهد

صخ لسانك وصح قلبك

قصيده وافيه ومن راس وافي

لا عدمناك ولا عدمنا حضورك


تقبل تحيتي

مشهوووور....

صح لسانك يافهد المكودر


على هالقصيده الرائعه

الشاعر فهد المكودر



صح لسانك ملاييييييييييييييييييييييين




قصيدة جزلة من شاعر جزل



لك تقديري واحترامي

الغالي فهد
صح الله لسانك
ولاهنت
وسلم فكرك وبنانك
والله يجزاك خير على ماسطرت في هذه القصيدة الجزلة الطيبة
دمت برعاية الله وحفظة

صح لسااانك ملاييين

قصيدة طيبه

ووافية وكافية

دمت بوود

الشاعر

فهد دكتور الشعر

حيك وحي نبضك


صح فكرك النقي



جميل دايما طرحك

فهد

صح لسانك وصح قلبك

قصيده وافيه ومن راس وافي

لا عدمناك ولا عدمنا حضورك



الله يحفظك

[frame="6 50"][frame="13 50"]

فهد

قصيده تتوغل في عمق الابداع

وتأخذنا الى ابعد حدود الجزاله كلمات وتعابير


ومفردات جداً متناسقه

سلمت اناملك الثائره التي نثرت لنا هذه الابيات التي

تستحق التصفيق الحار والوقوف احتراماً وتبجيلا

تقبل فائق تقديري

كن بخير

اخوك

ملك الشموع[/frame][/frame]

أخوي فهد المكودر

صح لسانك وأعتلا شانك

رايعه ووافيه من راس وافي

لك فائق احترامي وتقديري

فهد المكودر


صح لسانك وبيض الله وجهك


كفو ولا تكتب الا قصيد كفو

سعود القت


مرحبا بك يالوافي


وصح الله بدنك

فهد


لله درك



هنا للشعر رساله ساميه



وابداع وامتاع



قلت وطلت



تحياتى