قادة مسيرتنا جديدة في الجزيرة اليوم

أخواني وخواتي أسرة هذا المنتدى الشامخ أقدم لكم هذه القصيدة في القيادة الحكيمة بمناسبة مرور عامين على تولي خادم الحرمين الشريفين الملك عبدالله بن عبدالعزيز مقاليد الحكم في المملكة العربية السعودي وسيدي صاحب السمو الملكي ألأمير سلطان بن عبدالعزيز ولي لعهده الأمين حفظهما الله وحفظ مملكتنا الغالية بالأمن والامان والذي تم نشرها في جريدة الجزيرة صفحة مدارات شعبية يوم الخميس الموافق27/6/1428هـ

وإليكم رابط القصيدة

http://www.al-jazirah.com/208340/tr1d.htm

وإليكم القصيدة

[poem=font="Simplified Arabic,5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
بسم الله ابدى وأبتدي نظم الأمثال = وعليه سبحانه يكون اتكالي

الواحد المعبود علام الأحوال = أساله التوفيق بأول وتالي

من بعدها والفكر عمال بطال = يبحث عن الجزلة بروس الطوالي

من شان يرضي راعي الذوق فالحال =ويقال صح لسان راع المقالي

خصوص لمن جات في مدح الابطال = أهل المواقف محتمين التوالي

آل السعود مطوعة كل عيال = خيالة العوجاء زحول الرجالي

اللي لهم يشهد تواريخ وأفعال = وأمجادهم في كل محفل تقالي

من وقت أبو تركي وعصر أشهب الإل = اللي بفضل الله شرب الزلالي

ثم سلم أعياله مفاتيح وأقفال = وحكم شموخه فوق روس الجبالي

ومشوا على نهجه بتحقيق الآمال = وصار السعودي منزله راس عالي

وفي ظل من له ناقف اكبار واجلال = قايد مسيرتنا كريم السبالي

عبدالله اللي للصعيبات حلال = اللي على شعبه كنان ظلالي

عون الضعيف أبو الأرامل والأطفال = وعوق الخصيم اللي مشاء بالضلالي

عوق الخصيم اللي تطيول ولاطال = حلحيل حل مشربكات الحبالي

مواقفه ما تنحصي طيب الفال = وفي نصرة الإسلام دايم يصالي

عدل يعدل لجل الإسلام ما مال = رجل السلام اللي نبذ لاحتلالي

وعضيده اللي يحكم الشور لاقال = سلطان ابو خالد زبون المعالي

درع الوطن يا جعل تفداه الانذال = يمناه مزن من حقوق الخيالي

ياقف مع المحتاج مداته إجزال = الله يجيره من صدوف الليالي

لهم الولاء والفعل يشهد للأقوال = أمجاد عز المملكة بالرجالي

ولاء وطاعة نرخص الحال والمال = ودون الوطن يرخص ثمن كل غالي[/poem]

صح لسانك


وبيض الله وجهك

واجب وقمت به لانه مايفوتك الواجب وهاذي مشاركه منك في ذكرى البيعة المباركه.

تقبل تحياتي

اخوي مهدي صح لسانك والقادة والوطن غالين وافي وجزل ولا هنت تحياتي وتقديري

أخوي حسين العبدي

صح بدنك وبيض الله وجهك

شرفني مرورك ورايك

لك فائق احترامي وتقديري

الغالي مهدي
صح الله لسانك
ولاهنت
وسلم فكرك وبنانك
والله يطولي في عمر صقر العروبة
يستاهل أبو متعب
دمت برعاية الله وحفظة

صح لسانك يا مهدي

الجزل دايم جزل

قصيدة وطنية من الطراز الأول ...وبالأكيد ( الكلسترول) مركّز عالي جداً


لاهنت يا غالي

تحياتي

مهدي


صح لسانك وصح قلبك

قصيده وافيه وفي راس وافي

وفي والد الجميع خادم الحرمين الشريفين

لا عدمناك ولا عدمنا حضورك

مشهوووور...

الاخ مهدي بن مسفر
صح لسانك يالجزل


مبدع والقصيده شامخه

وابومتعب يستاهل

لاعدمناك

أخوي فهيد السميري

صح بدنك واعتلا شانك

شرفني مرورك ورايك

لك فائق احترامي وتقديري

مهدي


ابيض وجه يالقرم


شاعر وقصيد ينومس ماشاء الله


الله لايخلي منك يانقي

مهدي الحبابي


صح السانك


قصيده جزله من شاعر جزل


لك فائق تقديري واحترامي

صح لسانك يامهدي



وبيض الله وجهك ولاغريبه عليك





تقبل فائق تحياتي

مهدي


صح لسااااااااااااانك



كفو يامهدي الله يبيض وجهك



ويستاهل ابو متعب الله يطول عمره




احتراااااااااااامي وتقديري

شاعرنا الرائع

مهدي بن مسفر الحبابي

صح لسانك يالجزل

ابياتك رائعه والوطن وولاة الامر يستاهلون القصيد والمدح


لاهنت




لك تحياتي

مهدي عشت

وصح لسانك لاعدمناك

مبدع في جميع حالاتك


تقبل تقديري

كن بخير

اخوك

ملك الشموع