مجاراتي مع الوالد حفظه الله >>>> صوتييه

بسم الله الرحمن الرحيم


السلام عليكم ورحمة الله وبركاته

هذي القصيده قالها الوالد الشاعر/ حمود بن محمد بن لحمرالهاجري فى جيرانه عيد بن عبدالهادى بن لحمر عندما رجعوا من الربيع بعد ما كانوا خمسة شهور جميع مع بعض و عزلوا ابلهم عن ابله شمالي فزران

[rams]http://www.qahtan.net/up/uploads/7fb71d3a89.3gp[/rams]



[poem=font="Arial,5,black,bold,normal" bkcolor="silver" bkimage="" border="none,1," type=1 line=0 align=center use=ex]شدوا الجيران واقفوا شوف يا عبدالله=الله يسمح طريق عيالنا الظفراني

والله انه لو بكيفي قلت لا لا بله=ما نبي فرقا ربوعٍ تكرم الضيفاني

طارشي بلغ سلامي يم عيد و قله=يشهد بطيبه بعيد الجد قبل الداني

خمسة شهورٍ مضت و الحمل شاله كله=جعل يسلم من خذا في ظفه الشيباني

والله اني ما قويت و دمعتي منهله=يوم شفت الذود قفت و الفحل نيلاني

حارت الرجل بمحلي والقدم ما شله=لين غابوا عن عيوني من ورى فزراني[/poem]

مجاراتي :

[poem=font="Arial,5,black,bold,normal" bkcolor="silver" bkimage="" border="none,1," type=1 line=0 align=center use=ex]الله اكبر من بيوتٍ جاتني منتله=جاتني مسترسله في بدعة القيفاني

قالها بصوته و طارووق الحزن يشتله=احزنتني و افرحتني و شغلت و جداني

في فراق الي غلاهم ماحدن يحتله=ربعنا الي طيبهم فايق على العرباني

يا ذوي سيف المدح تستاهلونه كله=اشهد ان فعولكم يرجح به الميزاني

خمسة شهور انقضت بين انبساط وفله=بين ريضان خضر و مطارها وداني

هذا ردي يالمراسل رح لبوي وقله=يقبل ردودي و يسمع جرتي و الحاني[/poem]

مردود جزل 0
صح لسان الوالد وطول الله عمره 0
وصح لسانك وادامك ذخرا له
تقبل تقديري 0

الله يحفظ لك الوالد

ويجعلك قرة عين لما يشوفه



صح لسان الصوت وصح لسان الصدى


مسيت بالخير يامحمد

مردود جزل 0
صح لسان الوالد وطول الله عمره 0
وصح لسانك وادامك ذخرا له
تقبل تقديري

ابو حمود

صح لسانك ولسان شايبك

لاعدمناك ولا عدمنا حضورك

سلم على شايبك وبلغ تحياتي


مشهوووور....

الاخ الشاعر عبدالله ماجد المنصوري


صح بدنك


حضورك المستمر يسعدني


لاهنت على المرور ياعبدالله


تحياتي

اررررررررررررحب يابوحمود



وصح لسانك ولسان الشايب عسى عمره طويل




قصايد طيبة في ربع كفوووووو ويستاهلووون ولايهون الحاضر




لكم تقديري

ارحب تراحيب المطر يا محمد

وصح الله السان خالي والسانك


جزاله غيره مستغربه

لك ازكي تحيه

الله يعطيك وياه طولة العمر

وصح لسانك ولسانه

صوت وصدى رائعين

الاخ الشاعر عبدالله المنصوري


صح بدنك


سعدت بحضورك لاهنت


تحياتي

الشاعر الاخ مناور بن هاجد



صح بدنك


حضورك المستمر ومتابعتك تسعدني


لاهنت

تحياتي

مردود جزل 0
صح لسان الوالد وطول الله عمره 0
وصح لسانك وادامك ذخرا له




الله يحفظكم

صح لسان الشايب ولسانك


هكذا دائما قصائد كبار السن اهل التجربة والوفا


واكرام الضيف وتقدير الجار فلله دركم والله يخليكم لبعض



تقبل تحياتي اخوي محمد

.

مشاكاة من والد وجدت صداها عند أعزّ الناس على قلبه

وما أجمل المشاكاة من هذا النوع


الأخ الفاضل محمد الحمراني


صح لسان الوالد وطول الله عمره

وصح لسانك وادامك ذخرا له


تحياتي وتقديري

ابوفارس الشاعر شايع العيافي


صح بدنك



حضور شاعر بحجمك ومتابعتك يزييدني فخر


لاهنت


تحياتي