Tweet
تحيه طيبه للجميع
قصيده متواضعه
اتمنى ان تنال الرضى
‘‘ ‘‘ ‘‘ ‘‘
قصيده متواضعه
اتمنى ان تنال الرضى
‘‘ ‘‘ ‘‘ ‘‘
[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياليل ضيّعت السؤال اللي لقينا له جواب=وأجبرتنا بالكلمه اللي مانبي نبدابها
وانت الذي لاهب نسناسك وسرّيت الركاب=مارد صوتك في الجبال اللي تلج ذيابها
امّا حسبت حساب شي ٍ ماحسبنا له حساب=والاّ تبي تعرف بعض الاحداث ويش اسبابها
كلش ولا المشروه لايلحق عزيزين الجناب=لا كبرت الدعوى عسى الصديق مايشقابها
حقي عليك بنجمة الصبح ان بدت والقاف شاب=وحقك عليّ ان ضاعت الحجه وأنا طلاّبها
ياليل قل للي يعرفون الخطاء قبل الصواب=ليه العرب تطمع بلبس ثياب غير ثيابها
مدري ذكى والاّ غبى والاّ حركات الشباب=بس الوكاد ان اكثر العرّاف ماترضابها
واللي من هيامه على الامداح يطرق كل باب=لو طق باب ام الكباير ماتعدّى بابها
ليته درى ان من طاول أطول منه يبشر بالعذاب=وان سلم من ضرس الليالي ماسلم من نابها
مأحد ٍ وصل قمّة سنام المجد مع درب العيَاب=لابد ماتنزل به الخطوه قبل يرقى بها
والهقوه اللي تروي الضميان من شوف السراب=مثل الخرز في سبحة الشاعر لامنْه اومابها
ياليل دقّق في السوالف لاتفكر في الثياب=الاوله !! والثانيه ياليل وشتبغابها
أنا لو أزعل جات في وجه المؤلف والكتاب=خل الهروج العمي لابوها لابو من جابها
ماني بأبن شفلوت شوق الترف نقّاش الخضاب=أسم فرق بين الاسامي والرجال ادرابها
ولا ابن من داسوا على الخيل البسيطه بالحراب=ان ماجعلت مشفّح العالم تحب ترابها
أما غدا وجه الشبه والاّ بدا بعد الغياب=والاّ قلعنا خيمة الرحلات هي وأطنابها
ياليل عان الواقع المحسوس مادونه حجاب=لكن عباد الله عن الواقع تعوج ارقابها
واللي يدوّر واقعه لايلتفت يم السحاب=شمس الضحى من ناشت عيونه تحت أهدابها
هذا كلام ٍ موجزه يقصر عنان أبو الشباب=والعلم كله دونه رجال ٍ تمس أشنابها
لكن ترى نَص السؤال اللي لقينا له جواب=ليه العرب تطمع بلبس ثياب غير ثيابها
‘‘ ‘‘ ‘‘ ‘‘
وسلامتكم
سعد بن شفلوت[/poem]
تعليق