Tweet
السلام عليكم
أمسيكم وأصبحكم بكل الخير والسرور ............مع الأحترام و التقدير ..إلى جميع الزملاء ..أقدم لكم هذه الأبيات ..عسى أن تحوز على رضاكم
[poem=font="Simplified Arabic,6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
يا وجودي كل ما جيت في راس الطويل=والهبوب يردّ صوتي نسايم نودها
في رفيـعٍ لا زبنته من الضــيقه دخـــيل=انشرح بالي و عيني تشوف سعودها
من علوّه تكشف اهل المزارع والنخـيل=والمنازل في طرفها وبين حدودها
اترّقب غيبة الشمس ساعــات الأصـيل=واتذكّر ديرةٍ كل عيد أعودها
أتذكــــر والعــباير عـلى خـدّي تســــيل=ما خطر للنفس يومٍٍ تبيح سدودها
حسبي الله حسبي الله ويا نعم الوكـــيل=المحبة ولّعت والهبوب تزودها
جعل سحّاب المخايل من المنشى هميل=لا أكشفنّ بروقها وارزمنّ رعودها
تبتدي من غــرب نجـد ليا حـدّ الجــبيل=المشاهي بأمر ربّك تغسل نفودها
يرتوي صلب الجبل وآخر الوادي يسيل=وتستخير البدو لا زان معشّى ذودها
يالله أني طالــبك لا كثــــير و لا قـلــيل=يا كريمٍ مدتك نافعٍ مردودها
أغنني يا خالقي عن معاريف البخــيل=لا يذكّرني متى هي ولا معدودها
كيف ابطمع ياحياتي وانا عابر سـبيل=والمقابر كل ليلٍ تصك لحودها
السعيد اللي ليا راح يـذكر بالجـمــيـل=الليالي ما حسب نقصها من زودها
يامراسـيل الوفـا عجّلي قبل الرحـيــل=باديٍ لي نظرةٍ و العشم بردودها[/poem]
و سلامتكم جميع
تعليق