Tweet
[align=CENTER][/align]
[align=CENTER][/align]
رفقاً بقلب العبدلـي ، هيـه يابنـت
العيـن عانـت ، والمشاريـه حانـت
لا تحسبينـي فـي غيابـك تحسنـت
لا والله ألاّ حتـى الأخـلاق شانـت
عزالله اني شنت من بعـد مـا زنـت
عوب الهجـوس بغيبتـك ماتوانـت
قالت : علامك يومي أقفيت حزّنـت
قلت : الهموم استذنبـت واستهانـت
قامت تبسّم ثم قالت لـي : أحسنـت
ثم اكشفت عن وجههـا واستدانـت
يوم أخلفتني من بعـد مـا توازنـت
هاك العيـون الناعسـه يـوم بانـت
قامت تراخى صلب الأعصاب وأذعنت
حتى عظامي .. ريّحـت واستلانـت
وأهملت عيني فالنواعيـس و آمنـت
بإن اللواحظ ، لا ترانـت .. ترانـت
قالت : أمون إن كانّك ما بعد منـت
قلت : إيه ، سمّي .. والنواعيس مانت
قالت : ترى مابهذل القلب غير أنـت
أفنيت روحـي فيـك ياليـن فانـت
ماتعرف إنـك فـي عذابـي تفننـت
وأنت الذي منـك المشاريـه عانـت
ماهي قضيّة هنت عندي ، وما هنـت
ولا هي قضيّة عين خانـت وصانـت
من يوم شفتك في وصالـي تهاونـت
قلت : أتغلّى ... والعلـوم استبانـت
وأنا لعلمك لو تهاونـت ، مـا فنـت
لكن ترى بعـض التعابيـر ، خانـت
دونك حياتي ، ما تساوي ولا سنـت
ولو أفقدك .. روحي من الموت دانت
كيف أفقدك وأنتـه بجوفـي تكوّنـت
بين الحنايـا .. ليـن باسمـك تغانـت
تـرى لغيـرك يالغـلا مـا تزينـت
ولْشوف وجهك خطوتي مـا تثانـت
كلّـي حـلا وإن كانّـك ماتبيّنـت
شوف الورود .. قبال وجهي تحانـت
هذا الصحيح ، ولا بقولـي تكهّنـت
حتّى السوالف يوم سولفـت زانـت
قلت : العفو يا عذبة الروح ، هوّنـت
دعواي من بعـد المعاذيـر ، هانـت
بنتٍ تشين طبوعها كـل مـا لنـت
ولْيا قسيت وشنت ، هانـت ولانـت
من بعدهـا مافـي حياتـي ولا بنـت
ولادري حياتي قبلها كيـف كانـت
[align=CENTER][/align]
تعليق