قصيدة مسنده إلى صاحب السمو الملكي الأمير / فيصل بن خالد آل سعود...

بمناسبة تعيين صاحب السمو الملكي الأمير فيصل بن خالد آل سعود ..أميراً لمنطقة عسير

تشرفت بإلقاء هذه القصيده أمام سموه الكريم مساء يوم الإثنين الموافق 25/5/1428 هجري

بالنيابه عن جمع قحطان

[poem=font="Simplified Arabic,6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يالله ياسامع دعاوي الملبين = يالواحد اللي كل خلقك تسالك
تحفظ بلادٍ تلتزم بالقوانين = أطهر بقاع الأرض وأغلى رمالك
وياسيدي فيصل لي شهور وسنين = وأنا أتمنى وقفتي في قبالك
لكن ضروف الوقت من حين إلى حين = ماتسمح بشوفك عسا طاب فالك
واليوم جيتك ودي أوفي لك الدين = دينك على كتفي ويبقا حلالك
مدّيت لي يمنا الرجال الميامين = على ضفاف البحر بانت خصالك
الطيب منك وفيك والناس دارين = بنيت برج الطيب وأيضاً بنالك
إلين ثار الطيب وأصبح براكين = تمشي يمين الطيب وأصبح شمالك
أنا أشهد إنك من سلالة سلاطين = خذ علم شاعر من ضميره حكالك
أنتم هل الطاله على الوقت قاسين = ياوقت مايخفاك ماقد جرالك
مرحوم ياعبدالعزيز أحمر العين = يفخر بك التاريخ مما روالك
صبّحت نجد وقالت أهلاً وسهلين = أستانست بالعون لحظت وصالك
فرحت بشوفك وأصبح العيد عيدين = وقالت أنا ملكك وكلي فدالك
وأشهرت سيف العدل والقاسي يلين = والعدل عقبك تلتزم به عيالك
سعود وأخوانه على الدرب ماشين = والطيب عادت كل شخص أنتما لك
سعود حبه كم جرا بالشرايين = يمشي على أثرك ويتبع مقالك
وفيصل صليب الراس موت المعادين = ودّ العدو لو قال مالي ومالك
لكن ذكاه وحنكته بين قوسين = تجعل عدوّه ينشده كيف حالك
وأبوك من زوّد على الخير خيرين = يقول وفر يالمواطن ريالك
محبوب عند الناس الأقصى والأدنين = ومن قبل موته واضح إنه دعالك
وفي حكم أبو فيصل عمرنا الميادين = أنا أشهد إنه ياوطننا وفالك
تفكير أبو فيصل يعجّز ملايين = يعني عدوه دون تشكيك هالك
وفي عهد أبو متعب تغيب الشياطين = قم يالمواطن وإشرح اللي بدالك
أكثر طواري خاطره نصرت الدين = يادين جاك اللي بيطلق حبالك
وسلطان في جنبه سعوط المجانين = يارجم لو تعلا بجوده رقالك
سلطان سلطان الكرم دايم يعين = وفي جنب عمك صرت واقف لحالك
ياسيفنا الدايم قبل قولت آمين = الله يجنبك الخطر والمهالك
جيتك نيابه بإسم شيخ القحاطين = دون قحطان اللي تسوق الثنالك
مبروك ماتكفي ولو كانت الفين = والدرب ياراعي الجميل أستوالك
لجلك عسير أتلبست بالفساتين = وجمالها لو كان خافي بدالك
أستقبلتك بريح مسك ورياحين = بالحب والتقدير تنوي قتالك
تغليك وتحبك وترخص لك الزين = وأنا أشهد إنها مابترضا بدالك
تاخذك في الأحضان ياليل ياعين = وأنت تحضنها عقب نكست عقالك
ضمي ولد خالد من الشوق تكفين = مادام أبو خالد بليله سرالك
عسير لا ما أنتي عسير أنتي اللين = تشهد لك سهولك وتشهد جبالك
الغيم مايقدر يجافيك يومين = ياما أنثنيتي له وياما أنثنالك
وتدرين عن حب المخاليق تدرين = اللي سحرهم غير جوك جمالك
كم ناس من بعد المسافات ماشين = شايب شباب الكل منهم سعالك
يعني بوقت الصيف ناوين ناوين = زيدي غرورك وإستغلي دلالك
الله مسخر لك قلوب المحبين = حتى غريب الدار قلبه صفالك
وياسيدي فيصل دعاوي المصلين = بالعز والتوفيق كلٍ دعالك
مافيه شخص إلا دعالك بثنتين = طولت عمر ويريح الله بالك
بقلوب خلق الله زرعت البساتين = حبك تمكن وإحترامك كذالك
حتى ولو نستفتي الحين مفتين = فتواهم إنك للوفا صرت مالك
المنطقه تسعد من يسار ويمين = واللي تشوف من القبايل رجالك
وأنا نيابه عن جميع القحاطين = قحطان لك ياسيدي ثم أنا لك[/poem]

وسلامتكم جميع

الغالي سعد
صح الله لسانك
ولاهنت
وسلم فكرك وبنانك
دمت برعاية الله وحفظة

مناور بن هاجد



مرورك شرفني طال عمرك




تحياتي

صح لسانك ياسعد


قصيده وافيه تليق بسمو الامير فيصل

لاهنت

سعد بن عدال

صح لسانك وصح قلبك

قلت وطلت


لاعدمناك ولا عدمنا حضورك الغالي


تقبل تحياتي


مشهوووور....

حسين العبدي



مرورك يشرفني



تحياتي

الاخ سعد

صح لسانك

يا سنايدي

شايع العيافي



مرورك شرف كبير لي وبدون شك



تحياتي

فالح بن كدم



مرورك شرف يالشلي


تحياتي

لاهنتوا يالنشاما

بيض الله وجهك ... ونعم ... وكفو


ويستاااهل صاحب السمو .. هذا المدح والثناء وهو اهلا بجنابكم ..


شاكرا لجنااابك .. هذا الإبداااع وصح لساانك



مووودتي ..

أخوي سعد بن عدال

صح لسانك وبيض الله وجهك

رايعه ووافيه من وافي وفي وافي

لك فائق احترامي وتقديري

خالد بن عبدالكريم



مرورك شرفني يالنشمي



تحياتي

سعد بن عدال

صح لسانك وصح قلبك

قلت وطلت


لاعدمناك ولا عدمنا حضورك الغالي

الله يحفظك

مهدي بن مسفر



مرورك يشرفني يالغالي



تحياتي