الى علي البورعي مع التحيّه

أخي الغالي

سعيد الفهري

أنا لم أتواجد هنا لكي أمدحك على شان أنك أسندت ألي نص فأنت كفوا وشاعر مبدع بشهادة كبار الشعراء

ولاكن أنا هنا لكي أقول لك الله يقدرني على مجارتك

وأنشاء الله في القريب العاجل

دمت ودام أبداعك

أخوك الصغير

علي البورعي

حسن الوطري // هلا وغلا

لاهنت على مرورك ولا خلا ولا عدم

تحياتي وتقديري لك يا طير شلوى 0

[poem=font="Simplified Arabic,5,darkblue,bold,italic" bkcolor="transparent" bkimage="http://www.alnadawi.com/vb/images/toolbox/backgrounds/19.gif" border="none,4," type=0 line=0 align=center use=ex num="0,black"]
ياعلي مشكور ومجمّل وشبرك وافي =كل ضلع مدهل(ن) لاهل الجميل تذبّه
شاعر وصليب راس ومن عرب وسنافي =والبنادم يجتهد والباقيه من ربّه
ودّي تبرّك يابو فيصل شرايد قافي = (كل بيت ندخله نعرف مخازن حبّه)
من يعرض الجاه عند الارمله والهافي =راح جاهه قشّة فوق الهبوب تهبّه
ومن يسّل السيف بشماله ماهو سيافي =لو تعرّض غصن من شجرة ما جبّه
ومن يدوّر للحميه في طرف خوّافي = ما لقاها لو هواجيس الشقا تلعبّه
وانا ياشوق البني ثوبي نظيف وضافي =والدسم ما يلبق الاّ في شنب من ربّه
من رجال فعلهم يوم السنين عجافي =في نهار يكتسيه الشرّ من لا حبّه
لا غدا لي راس مال وحافظ ميقافي =وان سبحت البحر اجيب اللولو من الغبّه
ماخذ قسمي مع اهل الطيب والعرّافي =والفخر مقباس نار باليمين اشبّه
لو سمعت الناس ما حقّقت نصف اهدافي =ولا جردت السيف للعاصي وقمت اضربّه
وان تواجهنا وصارن الثقال خفافي =فاعلم اني ما ازرع من الحبّه اكبر قبّه
غيّرت الايام فكر معمّر القذّافي =وبان جرح في صلعة راسه وحصّل طبّه
واغسلوا مخّه لو ان جسم الغبي متعافي =لين صار النجم فوقه يمدحه ويسبّه
وانت كانك ما تعيش بمبدأ الانصافي =ما عطيت الادمي حقّه لوانها جبّه
خير لك تاطا على الجمره ورجلك حافي =ولا مجلس تدخله عاني ولا تحسبّه
اعتبرها جرة (ن) غطّا عليها السافي = واخذها درس مفيد فالحياه منبّه

الشاعر /سعيد الفهري القحطاني

[/poem]

ودّي تبرّك يابو فيصل شرايد قافي = (كل بيت ندخله نعرف مخازن حبّه)



صح لسااااااااااااااااااااااااااااااااانك يا ابو علي



قصيدة ذات ابعاد ومرامي وقافية عذبة



حضرت فحضر الشعر الجميل يا ابو علي




صوت جميل ونتتظر الصدى من الشاعر على البورعي شاعر الجمال ايضا




على شاعر عذب وجميل


دمتم جميعا بحب وخير وعافية

عبدالله الشهراني // هلا وغلا

مرورك مكسب للقصيده وراعيها ياعبدالله

لا خلا ولا عدم وتقبل تحياتي وتقديري 0

محمد السليس // هلا وغلا

يكفي مرورك وكلامك العذب يا طيب

لا خلا ولا عدم 0 اخوك

الاخ الفاضل /على الحبابي

صح بدنك ولا هنت على مرورك

علي الحبابي // هلا ومراحب

مرورك العذب يكفي يامال الغنيمه

لا خلا ولا عدم يا طير شلوى 0

هشام الداوود // الله يبقيك ويسلمك

مرورك لا عدمتك مكسب وطيب منك

تقبل تحياتي وتقديري 0

سعد السبيعي // هلا وغلا

مرورك مكسب للقصيده وراعيها لا عدمتك

نتمنى ان نرقا الى ذائقتكم الراقيه 0

خير لك تاطا على الجمره ورجلك حافي ولا مجلس تدخلـه عانـي ولا تحسبّـه

صدقت والله

صح لسانك وعلا شانك يابو علي

لله در الابداع


سلمت يمناك يالذيب


لاعدمتك


اخوك

مافيك حيله يابو علي

شاعر ماسك الشعر بالدخلتين

نظم ومحاوره

سعد بن شفلوت

ابو علي


قصيده وافيه ومن راس وافي

وموجهه لشاعر علم معروف


لاعدمناكم كلكم


تحياتي


مشهوووور...

مهدي الحبابي // ارحب ارحب

مرورك العذب وكلامك العذب تعودنا عليه

لا عدمناك وجعل الطيبين تمشي ممشاك

اخوك

صح السانك يابو علي



كفو وعلي كفو


والدنيا كفا الله شرها
لو تعرّض غصن من شجرة مـا جبّـه

فيه شئ سقط سهواً


تحياتي لك