مساجله بيني وبين ابن سحوب

[poem=font="Simplified Arabic,6,blue,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/20.gif" border="none,4," type=0 line=0 align=center use=ex num="0,black"]
مساجله بيني وبين سعد ابن سحوب الزعبي ارجو ان تنال اعجابكم

سقت القدم لروس الهضاب الرفيعه=لعل بالي ياهل العرف يرتاح
مديت شوفي للفجوج الوسيعه=اسمع رعد والبرق كالقوس لا لاح
لاذعذع الغربي هبوبه سريعه=ريح الخزامى والنفل ريف الارواح
يبعد هواجيس(ن)بصدري شنيعه=يبحلبها اللي عارفن طب الاجراح
والله لو ينباع قلبي لابيعه=واختار لي قلبن مع الوقت ينساح
جديد توه ماوطته البظيعه=ما عانده وقته على كل مسراح
مرفهن ما شاف شوك النقيعه=ما شاب من سو الليالي ولاناح
وانا لعد الشيب شفت الفجيعه=والشوف ينقص واخر سنيني شحاح
يازين مد الشوف لاخضر ربيعه=في خايعن ماشيف عجه ولاكاح
بيوت الشعر من فوق قاع الوريعه=مع خوة اللي مروين علط الارماح
سعد خوي اليوم ماهو تبيعه=حطه على يمناك في كل مرواح
من ساس غلبا مادخلهم نزيعه=مشرافه الصمان ويارد على رماح
الصيرمي مثله بيشهر ذريعه=ضيم العدا لالجلج الحرب نطاح
انشهد انه يحتمي كل ريعه=لاجا نهارن فيه كاسر وذباح
بشكي على اللي كل صعب يطيعه =سعد سلاح اللي مايخذله سلاح
شاعر قدير وكل نظم يذيعه=يكسب علوم الطيب وبعيد الاشباح
انا بصدري مثل نارن وليعه=نارن صلاها منه صم الحجر ساح
من عقب مانرقى جبال الوديعه= اليوم مد الشوف ماعاد ينزاح
يالله يامنزل كتاب الشريعه= تنور علينا ليلة القدر لاشاح
وصلو على اللي كل مسلم شفيعه=محمد رسول الخلق وعلومه صحاح

الشاعر/ سعد بن سحوب الزعبي

ردي على قصيدة ابن سحوب

يامرحبا بالخط وايضا بديعه= اللي بدع بيوتٍ جزيلات ولقاح
وجاب الخبر من يوم عس الطبيعه=متهيض مابين عاذل ومداح
شاف الخضار وشاف ميٍ نقيعه=وصارت دواليب الفكر عنده اسراح
متهيض من شوف ذيك الطليعه=واهل الولع دايم على خف وجناح
ثم دقه الهاجوس بارضٍ فضيعه=هاجوسه اللي للثماثيل لماح
يبي زمان فات واقفى رجيعه=والظاهر انه من عنى الوقت مزاح
وما فات مات وخل نفسك قنيعه=كود القناعه تعالج الصدر لافاح
وحلم التمني والتجدي قطيعه=مثل السراب اللي ليا جيتله ماح
يابن سحوب العرف انته صنيعه=وشبرك على شبر الرجاجيل ملواح
شيخٍ ولد شيخٍ تدل السنيعه=مقطاع حق وللصعيبات مفتاح
من لابةٍ يوم الحروب المريعه= زعوبٍ على روس العدا سمٍ ذحاح
فرسان شجعانٍ حصونٍ منيعه= وفالسلم خوتهم مفاتيح الارباح
وانا من الشكوى عزومي شجيعه=ابشر بعزك والّعن ابليس لاثاح
وجه لي اليمه وحنا فزيعه=نفزع مع اللي للمواجيب ماجاح
بالمال والا الحرب علمٍ نشيعه=نصمد ونهزم كل مخطي وجماح
يابن سحوب شكواك فرض وجزيعه= تصافقت مابين جمٍ ومياح
وفي وقتنا كثر الغثى والخديعه=واصبح حمل لذربين الايمان وكفاح
وتشكي وانا اشكي من السنين الوجيعه=عجف الليالي ماتبشر بالافراح
كم فرقت ما بين نجع ونجيعه=تمسي وتصبح من عناها بلى مراح
واصبر وصابر والتركد طميعه=والصبر درعٍ للرجاجيل و وشاح
والخير يمتنا وضده قليعه=وموج البحور مروضة كل سباح
ودام الهدف ياذيب حامي لميعه=كلٍ يدور له مع الصيد مشواح
واللي نخيته ذيب بارضٍ مجيعه=ماهمته غبر الليالي والاشفاح
وباب التخيل مايجيب الوقيعه= سلم على الكبتن ليا صرت ملاح
حتى يصير العلم يثمر زريعه=بين الرجال ميزت كل صنداح
وصلوا على اللي مامشى بالدنيعه=المصطفى اللي ينشر الدين بافصاح

وسلامتكم جميعا

الشاعر / سعد السبيعي[/poem]

سعد



صح الله السانك ولسان بن سحوب



قصايد تدل على أبداع وتمكن



في أنتظار القادم نحييكم

صح لسانك وصح لسان ابن سحوب
ومساجله عز ومرجله بيض الله وجيهكم
تقبلو التحايا الجزله

وجـه لـي اليمـه وحنـا فزيـعـه .... نفزع مـع اللـي للمواجيـب ماجـاح
بالمـال والا الحـرب علـمٍ نشيعـه ... نصمد ونهزم كـل مخطـي وجمـاح

كفووو

الأخ الشاعر سعد السبيعي
صح لسانك ولسان الأخ الشاعر سعد السحوب
على الردية الجزلة اللي أوردتها
وهذا ما يستغرب من شعراء بحجمكم

دمتم بود

ابو محمد
صح لسانك وصح لسان بن سحوب
لاهنتم
وتقبل تحياتي

الاخ العزيز / حسين بن سوده
اسعد الله مساك بكل خير
مرورك بحد ذاته يكفيني
ولاهنت على كل حال يالغالي

تحياتي

مساجله في قمة الابداع



اخوي سعدالسبيعي



صح لسانك ولسان الشاعر سعدالسحوب


تقبل تقديري

الاخ العزيز / سعود القت
اسعد الله مساك بكل خير
مرورك يسعدني ويشرفني
ولاهنت يالغالي

تحياتي

الاخ العزيز الغالي / محمد السحوب
اسعد الله صباحك بكل خير
مرورك يالغالي يشرفني ويسعدني
ولاهنت

تحياتي

أخوي سعد السبيعي

صح لسانك واعتلا شانك

صوت وصدى ولا اروع

لك فائق احترامي وتقديري

اللهم صلي على محمد

وصح الله لسانك يا سعد و صح الله لسان سميّك سعد الزعبي

عزالله انكم شعار وجزلين

جعل السنتكم ما تطرم

تقبل ازكى تحياتي يالغالي

اخوك

الاخ العزيز / هاجد السبيعي
اسعد الله صباحك بكل خير
مرورك يالغالي بحد ذاته يشرفني ويسعدني
اسلم وسلم على الاخوان والجماعه

تحياتي

سعد السبيعي


كنت هنا واستمتعت بهذا الابداع

لله دركما

وما فات مات وخـل نفسـك قنيعـه * كود القناعـه تعالـج الصـدر لافـاح

صح لسان الشاعرين سعد وسميّه

احترامي

الشاعر سعد السبيعي




لاهنت يا بو محمد




صح لسانك وصح لسان بن سحوب








وتقبل تحياتي وفقك الله