الله يبلى كل حيٍ في حياته بامتحان = وانا امتحاني حلم ليلٍ ماعرفت أفسّره !!

بسم الله الرحمن الرحيم

صلو على النبي

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الله يبلى كل حيٍ في حياته بامتحان = وانا امتحاني حلم ليلٍ ماعرفت أفسّره !!
ياليت ربي ماكتب لي في مقادير الزمان =أرحل مع المجهول في دنياً علي متعسّره
مادري صحيح العلم ؟ وأضمنها على حظي ضمان = وأرتاح في دنياي من قلب العنى واجسّره
ولاّ مع الأوهام تلعبّي على روس البنان = وأنا كما حرٍ نثر ريشه بكف موسّره
رمعة معانيها توردني على خضر الجنان = في خاطري .. والغيب والمقسوم عند ميسّره
تسمو كما يسمو النظر وأقرا لها سحر البيان = وتغاب عنّي واتخيلها معي متيسّره
واحلم وأنا صاحي وحالي مثل حال الغيهبان = عظيم . لكن وجه حظه للوفوق معسّره
يانور عين اللي على وضح النقا سرّ وبيان =ما قال غير الصدق لو نفس الهوا متحسّره
أسئلك باللي نزّل القران في شهر رمضان = على النبي يتلوه جبريل الملك ويفسّره
إن كان في قلب الغلا للمهتوي قدر ومكان = لاتبخلين بكلمةٍ كنّك بها متخسّره
وأنا عميد العاشقين اللي مداعيج أصفهان =على شبا سيفي سهوم أهدابهن متكسّره
لاشك رمحك ياغناتي سبق سيف ابن ابان = دك الفؤاد اللي ورا عوج الضلوع مدسّره
ماصابني من رمش عينك صابني كف الحنان =اللي تمدينه خفا وأنتي علي متجسّره
والله .. لو عمري ميه ولاّ عشر ولاّ ثمان = إني على عزّ الشباب أيمّنه وأيسّره
وإني سليل أهل الأشده والقلص والجبخان =اللي تضد القوم والراس العنيد تكسّره
أموت بالعزّه ولا يشمت علي ن ذ ل وجبان = ولا أعشق إلا بنت روس للحفيف مخسّره
وأنا ادري إنك بنت عود لا يهاب ولاّ يهان = محشومةٍ مانتي لجلباب العفاف محسّره
وأدري بقلبي مايطيب ويمتلي فرحه وأمان =إلا معك يامهجتي والنفس لك متفسّره
وان ماجلبك الحظ فالله .. القويّ المستعان = راحت حياتي حلم ليل ماعرفت أفسّره[/poem]

ودعتكم الله

صح لسانك يابن شايع

وعزالله ان هالقصيده من نوادر القصيد


غصت البحور وجبت دره يالقرم


اخوك



بطي الاكلبي

سعد بن شليه


صح بدنك وماعليك زود



شاكر ومقدر مروروك




الله يحفظك

عبدالمحسن


هلا وغلا


مرورك وتعليق ناموس لاعدمتك


الله يرعاك

الشريفي


صح بدنك وماعليك زود


شاكر مرورك وتعليقك



الله يحفظك

عوض بن شفلوت



هلا والله وغلا


صح بدنك ياغالي


مرورك ناموس


لاعدمتك الله يحفظك

أرحب يابو شايع



صح لسانك شاعر وحكيم وقبل ذالك كله رجل فاضل



مرةً أخرى صح لسانك وسلم رأسك



تحياتي لك

صح الله لسانك يا عبدالله

وافي وقصيدك وافي

رعاك الله

وأنا عميد العاشقيـن اللـي مداعيـج أصفهـان
على شبـا سيفـي سهـوم أهدابهـن متكسّـره
لاشك رمحك ياغناتي سبق سيـف ابـن ابـان
دك الفؤاد اللـي ورا عـوج الضلـوع مدسّـره

دااااااااااااااااااااااااااااااااااهيه يابو شايع


علي الحرام انها اطربتني

جعلك والله ماتعجم

اذا لم يكن الشعر حجم هذا الخيال الواسع

فالصمت فضيله بدون شك


لاعدمنا حضورك المترف


تحياتي

مشهووووور...

أرحب يابو فارس


يكفي القصيده وراعيها فخراً


مرور وإطراء وإطراب علم بحجم شايع العيافي


بيض الله وجهك وشاكر لك


الله يرعاك

يانور عين اللي على وضح النقـا سـرّ وبيـان
ما قال غير الصدق لو نفـس الهـوا متحسّـره
أسئلك باللي نزّل القـران فـي شهـر رمضـان
علـى النبـي يتلـوه جبريـل الملـك ويفسّـره
إن كان في قلب الغـلا للمهتـوي قـدر ومكـان
لاتبخليـن بكلـمـةٍ كـنّـك بـهـا متخـسّـره
وأنا عميد العاشقيـن اللـي مداعيـج أصفهـان
على شبـا سيفـي سهـوم أهدابهـن متكسّـره




ابو شايع :

نفس الإبداع والأسلوب الذي تعودنا عليه ولكن هنا نبضك أعلى إرتفاعاً


صح الله لسانك على هذه العذبة الساحرة المتوشحة بالشجن




أخ وك

أرحب أرحب يابوناصر


مرورك بحد ذاته يكفيني فضلاً عن شهادتك الغاليه


والتي هي محل فخر وأعتزاز لاعدمتك ايها النقي


الله يحفظك

ليالي البدر


هلا وغلا


شكراً لمرورك العاطر وتعليقك اللطيف


الله يحفظك يانقيه

خالد الزهيري


مرورك يكفي الله يحفظك



يانقي

سعد الجميلي


صح بدنك


ولاعليك زود


الله يحفظك

بن شافي


هلا والله وغلا


صح بدنك الله يحفظك


وافي ومروك وسام


لاعدمتك

بن مريع


حياك الله وبياك


وماعليك زود ياغالي


مرورك ناموس


الله يحفظك

مسفر ال رشيد



صح بدنك ووجهك ابيض


الله يحفظك