مجاراه لقصيدة الشاعر الكبير محسن الدويخ ( مصير الحي )

[جريح الليالي]

فالحقيقه اعجبتني قصيده الشاعر محسن الدويخ اللي قال فيها
صدق من قال هالجمـــــله مصير الحــــــي يلقى الحـــي
............................... لقيتك وردةٍ يحــــضن عبـــــــيرك خــــــــدك الباهي


والقصيده رائعه من روائع الشعر ويستحق الاخ محسن الاشاده والاطراء

ويشرفني ان اجاري قصيدة شاعرنا بهالابيات :


ذبحــــت اللي قرا شعــــرك كويتـــــه فالحواشي كي
.............................. قريت اللي من اسبابه مضى يومي وانـــا فـــــــــــــاهي

وعقــــب حار الفكر واحتـــــار تهيض بالخــواطر شي
............................. تهــيّض في رعــــــــابيبٍ زمـــانٍ بــــــــــــينهم لاهي

تـــذكر له عنـــــــودٍ كانت ايـــــامه لدهره ري
............................ خشيفٍ يـسقي ابــريقه قـــــراحٍ فــــــــــــــــــاق الامواهي

يا محسن زادت افراحــــــــــك وليلك يستنــــير بضي
........................... ولاكن شوقـــــي في دار الزواج ولابس الزاهــــــــــــــــي

ماعـــــــــاد اقدر على لقيــاه ولو هي لحضتين شوي
.......................... تفرقنا وصــــــــار الحب بكـــــــــــا بالعين واشفاهي

ياليت الوقت ينسيني ويطـــــــوي ماضيــــــاتي طي
......................... ابصبر واصطبر واشكي وانا شكــــــــــــــــواي للاهــــي

وسلامتكم



[تم تعديل الموضوع من قبل جريح الليالي بتاريخ 06-19-2001 الساعة 12:48 PM]

... الاخ الشاعر : جريح الليالي

.. مجاراه رائعه من شاعر رائع مثلك لشاعر رائع مثل محسن الدويّخ

. لاهنت على هالجزاله وصح السانك

.. ومحسن غنى عن التعريف فهو شاعر له مكانته فى قمة الشعر

. وانت كذلك
.
.. سلمت يمينك



.. تقبل تقديرى

[جريح الليالي]

الاخ الشاعر سهيل

صح بدنك وياخوك قرائتك للقصيده شرف كبير لي
ومحل الاعتزاز والتقدير

وشاكر لك الاهتمام وسرعة الرد

وتسلم ياذوق

الاخ

جريح الليالي


الف شكر عزيزى على المجاراه ،

وتسلم على هذي القصيده وصح السانك ،

شرف لمصير الحي ان تحوز على اعجابك وشرف كبير ان يكون لها صدي منك

الف الف الف الف شكرا

وجزاك الله الف خير على ماتكرمت به

واشكر اخوى الغالى سهيل على ماسطره من اطراء طيب وهذا مو غريب على سعد الذوق


هذا وتقبل اجمل تحيه

ولاهنت يالغالى

[جريح الليالي]

صح بدنك يامحسن

واحب اقولك ان قصيدة مصير الحي هي اللي فرضت نفسها لمجاراتها

لمافيها من مقومات القصيده الرائعه

من جزالة الكلمات

ودف الاحاسيس

وبراعة التصوير

والقافيه الرائعه

في الحقيقه كلها على بعضها حلوه

ولي الشرف ان اجاري مثل هذه القصيده