من طول الغيبات جاب الغنايم

اخواني الاعزا
كل من احبهم في الله , من اجتماعي معهم واختلاطي فيهم يزيدني شرف , وعلى راسهم كبيرهم الذي علمهم الطيب الاستاذ حمد السحيمي .

اعتذر جدا عن الغياب ولكن سامح الله الظروف .

اعتذر عن التقصير راجيا ان تعذروني فيه وان تدعون لي ان لا يتكرر وان تكون الظروف مؤاتيه .

واهديكم ما جد على ساحتي عسى ان يكون سبب في تغاضيكم عني :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا مل قلـب تالـي الليـل مشطـون = معـه علـى سهـر الليالـي بطاقـه
يظرم لمجلـس لابـه مـا بهـم دون = وان سولفو ما سولفـو فـي دقاقـه
عاقل وفي حـب المطاليـق مجنـون = رغم علـى اللـي يعتبرهـا حماقـه
الله خلقني في هـل الطيـب مفتـون = افخر بهـم لـو مـا ربطنـا علاقـه
فطره من الخلاق مـا دانـي الهـون = ولا لي مع طيحـان الانفـس دناقـه
درب لقيت اهل الوفـا فيـه يمشـون = ويخطيه مـن لا يصلـه مـخ ساقـه
الطيب ثوب غالـي اللبـس واللـون = ولا كـل مـن يبغـاه بنـق بنـاقـه
مـا يشتريـه الا رجـال يسـوقـون = ارواحهـم للمـوت الاحمـر سياقـه
اللي لما شـح الـردي مـا يشحـون = في جودهـم للضيـف والا الرفاقـه
الله يجـود وهـم مـن الله يجـودون = الجود منهـج جـود والشـح عاقـه
واللـي لخمـلات المعثـر يـدارون = يدرونهـا مـادام للصـبـر طـاقـه
وان جاو فـي علـم كليـف يسـدون = امـا بــراي مــخ والا طـلاقـه
واللي لما قالوا على القـول يوفـون = لو يجرعـون الضيـم فـدوة وثاقـه
ولونه يخلـى كـا سبينـه يعرفـون = منصى الركاب ان جات من جور فاقه
بس الزمان غبـون والواقـع غبـون = ضيق على بيضـان الايـدي خناقـه
ما زل له من يوم من دون فـي دون = محاقـة يـا جعلهـا اتـلا محـاقـه
الاحوال تنقـص والهلايـم يزيـدون = غدا لهـم فـي الصـف الاول نثاقـه
وقاموا يجـرون السوالـف ويثنـون =والبيـت شيـز والتـوا بـه رواقـه
شكـوا ردييـن النهايـا يحسـبـون = ان الزمن لو ضـاق طاقـو ضياقـه
تيهـان بـس بعذرهـم لـو يتيهـون = وقـت رخـا ومجامليـن ونفـاقـه
لا عاد لا جوع ولا خـوف يشكـون = وكـل علـى قلبـه يجمـع رفـاقـه
واين انت يا وقت مضى لو يعـودون = له كـان بيـن كـل رجـل ونطاقـه
وبيبين الاول في الملاقا وفي الكـون = اللـي لمـا لحقـو يبـيـن لحـاقـه
وبيبين الاول في القرا يـوم يقـرون = يـوم العشـا مـا يوجـد الا شفاقـه
ويبين راعى الـراي يـوم يتمالـون = اللي ربـوعه فـي جـنوبه عــلاقه
حتـى تضيـع علومهـم ويتـقـادون = ويقلب فحلهم لي صفى العلـم ناقـه[/poem]


هذا ولكم اجمل واعذب تحياتي



اخيكم الصغير ابو عايض .

صح لسانك

صح لسانك


قصيده رائعه قصيده رائعه

ومعاني ساميه وثمينه

تقبل تحياتي

.



أبو عايض




صح لسانك ..




قصيدة رائعة بالفعل




دام هذا الحضور الجزل ..




تحياتي وتقديري ..

الشاعر مسفر ال رشيد


صح لسانك ملاييييييييييييين يابوعايض




قصيده جزله من شاعر عودنا على الجزاله




لك احترامي وتقديري

مسفر


صح لسانك


وجعلك قسمك دايما في الطيب

صح لسانك يامسفر



على هالقصيده الرائعه

اخي الغالي

خليل بن هدلان

لا هنت على مرورك وصح الله بدنك

تحياتي الغاليه .


ابو عايض

اخي الغالي

معيض بن صميع

لاهنت وبيض الله وجهك على مرورك الغالي

لا عدمتك


ابو عايض

صح والله لسااانك يالجزل




لك رقي المتااابعه



وكل الود

ابو عايض



اشهد بالله انك صادق




وان هنا قصيده تكتب بالذهب وتطرز




هنا حكمه وجزاله وابداع



دمت للشموخ يالقرم




تحياتى

ولونه يخلـى كـا سبينـه يعرفـونمنصى الركاب ان جات من جور فاقه
بس الزمان غبـون والواقـع غبـونضيق على بيضـان الايـدي خناقـه


ابو عايض

نص مايكتبه الا شااااااااااااااااعر عن مية شاعر

ورجااااااااال عن مية رجااااااااااال


جعلك والله ماتعجم

اطربتني واسعدتني


لا عدمنا حضورك الغالي



مشهووووور...

صح لسانك يابو عايض وبيض الله وجهك

قصيده جزله من جزل

وأثمر الغياب بهذه الابيات الجميله

تقبل تحيات أخوك اللي يسأل (وينك)

خي الغالي
هـــــــــادي بن عسكر


لا عدمت حضورك الغالي


ولك اعذب تحياتي


ابو عايض