Tweet
السلام عليكم ورحمة الله
متواضعه ..
تحتاج الى التمرير..
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]متواضعه ..
تحتاج الى التمرير..
شيخٍ حكم ياناس بالظلم واجحاف=ياكل حرام ولا يسده معاشا
هاذي معاني بين وقفه ومحراف=من شاعرٍ بالجزل يعطيك كاشا
صعبٍ تحللها ولو كنت صياف=حتى لو انك كنت ناقد وباشا
نايف ترا عند العرب صار نياف=قاحص عقب موته توفى رشاشا
عمرك سمعت بتاجرٍ بس خواف=خلا القيادي عنه واخذ الخشاشا
ولا مكينه تشتغل دون حذاف= مع سايقٍ موتره بارضٍ عكاشا
او ددسنٍ فالخط تسبق لها هاف=فوقه شجاع ابذل مايوم عاشا
النيل في مصر العروبه والارياف=وشلون اهلها بس 00ماتوا عطاشا
هاذي ثماثيلٍ على راس مشراف=دبلجتها من شان طاشٍ وطاشا
ماهي طلاسم سحر كاهن وعراف=الا حقيقه جتك مني بلاشا
بعض البشر ودك على طول ينشاف=والبعض الاخر ودك انه تلاشا
ماكل شاعر لاكتب يتقن القاف=الفرق واضح بين جزل وهشاشا
ولا فيه رجلٍ قرم حلحيل عراف=فالمخطيه مع خبل يقبل نقاشا
ترا الرجال اشكال والوان واصناف=الثلث طيب بس ثلثين لاشا
لا لا يغرك زين ملبوس واوصاف=ولا كلامٍ حلو فيه انتعاشا
تر اكثر الاصحاب يافلان ينعاف=في حاجتك لا احتجت عنٌك تحاشا
عليك باللي يحتمي كل ميقاف=وان عودت للهوش تلقاه شاشا
واحد ولكنُه يساوي له الالاف=ماصاحبك من شان يلقى اعراشا
اليا نصيته ضيف عينه لك لحاف=والعين الاخرى حطها لك افراشا
الشطر الاول فالقصيده على اف=والعجز فيها مايجي غير اشا
صرفتها من مركزٍ فيه صراف=ان ما اخلفتك اليوم جاءك ارتباشا[/poem]
[/align]
تعليق