Tweet
نظرا للسؤال عن هذه المرثيات جمعتهن في مشاركة واحدة لعل وعسى
المرثيه الأولى
المرثيه الأولى
[poem=font="Simplified Arabic,5,white,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/21.gif" border="solid,4," type=0 line=0 align=center use=ex num="0,black"]
ضاق الحشا مما جرى والزمن شان=في وجه نفس غاضها مـن نشدهـا
تعبت يا مفـرج ومليـت الاوطـان=ولا عاد للدنيـا طعـم مـن بعدهـا
إليا طرت لي من تسميـك خزنـان=كن العيون غيوم وارجـف رعدهـا
جاني خبرها فـي طريقـي مسيـان=علم حرق حدب الظلـوع وحصدهـا
وعودت مع دربي بالافكـار غرقـان=اصـارع همـوم تـزايـد عـددهـا
امشي ولا ادري عن طريقي وسرحان=والشوق عبراته بصـدرى حشدهـا
اقول يمكن صاحـب العلـم غلطـان=بعض العلوم احيـان مـا نعتمدهـا
ودخلت مذهول وضايـق وشفقـان=للي حنـان الكـون فيهـا وحدهـا
ام حشـى مـا تنتقـدر بالاثـمـان=يا كبر فرجتهـا علـى مـن فقدهـا
ولقيتها والصمـت تشكيـه جـدران=ما كن ربي فـي الخلايـق وجدهـا
وكشفت عن وجه به النور برهـان=نـوره يبشرنـي بغايـه سعـدهـا
ها ك الجبين اللي كما البدر لا بـان=كم سجـدة تـال الليالـي سجدهـا
ولميتها من كـل قلبـي بالاحضـان=وقبلـت رجليهـا وقبلـت يـدهـا
بكيتها لينه صفـى دمـع الاعيـان=وهي بصمت ولا درت عـن ولدهـا
وانا من اول كل ما جيـت عمسـان=تدري بحالي قبل لا أشكـي نكدهـا
ودعتها بدمـوع وآهـات واحـزان=لحظات فيها النفس محدن حسدهـا
ومن عقبها لفوا جسدهـا بالاكفـان=مـا كنهـا الا طفلـة فـي مهدهـا
وشلنا نعشها بيننـا فـوق الامتـان=وانا الـذي ساويتهـا فـي لحدهـا
قبرعسى فالـه مـن المـزن هتـان=يمطـر دقاقـه مـا يجيهـا بردهـا
ما تنقطع عنـه السحايـب علشـان=يبرد ترابـه مـا يضايـق جسدهـا
حتى يجي من ظمـن روح وريحـان=جنـاة عـدن اللـي إلهـى وعدهـا
ما عاد نرجيها وكـان الـذي كـان=اقفـت لياليهـا وقـفـا عهـدهـا
ما كن مرت فـي مظاهيـر بـدوان=يوم الركايـب مـا يونـي جهدهـا
ولا كنها داجـت بعشـب وريضـان=ولا شيدوا سـود البيـوت بعمدهـا
بأرض خلا ما دوجوا فيه حضـران=فيها النصي عـذرا تلاعـب جعدهـا
ولا كنهـم وردوا عـدود وغـدران=ولا جاوروا خبرى يسفسـف زبدهـا
صفحه زمان وانطوت بيت الازمـان=راحت وكل اللـي عرفهـا حمدهـا
رحمتك يارحمـن ياعالـي الشـان=ياللي جميع ذنـوب خلقـه جردهـا
إلطف بحال الوالـده وانـت رحمـن=وانـا اتحمـل كـل ذنـب ظهدهـا
وصلوا على المبعوث للانس والجان=ما استقبل الكعبـه وحـج وقصدهـا [/poem]
المرثية الثانية
[poem=font="Simplified Arabic,5,white,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/21.gif" border="solid,4," type=0 line=0 align=center use=ex num="0,black"]
وش خانت الدنيا عقب شمعة البيت=والله مدري عقبها ويـن ابـااروح
امنـولا لاضاقـت النفـس دكيـت=للي سوالفها معي تنعـش الـروح
تربج علي بمشة الجـوف لاجيـت=وانسى معاها كـل هـمٍ وسامـوح
في يدينهـا طفـلٍ يتيـمٍ تربيـت=وبعيونها اسوى لي ملايين وصروح
واليوم وين اروح وان رحت رديت=مجروح روح وزادة الوقت بجـروح
لاجيت ابسلا حنت الروح واوحيـت=صوتٍ يناديني وسجـات وامـزوح
بكيتها من قلب ليـن انـي ابكيـت=من جا يواسيني عن الهم والنـوح
ياليتنـي قبـل تـوفـى توفـيـت=والا معاها في ثرى القبر مطـروح
اخير من دنيـا الشقـا والتناهيـت=وارحم من التفكير واريح من البوح
اصعب وداع موادع الحـي للميـت=تسكير بابٍ للأمـل كـان مفتـوح
حتى الرجا ماينفعـك لـو ترجيـت=ولا للبكا في موادع الميت مصلوح [/poem]
المرثية الثالثة
[poem=font="Simplified Arabic,5,white,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/21.gif" border="solid,4," type=0 line=0 align=center use=ex num="0,black"]
راحت عن الدنيا وقفـت ظعونهـا=ولاني بعارف كيف بعيش دونهـا
سبعة شهورن حرق الشوق ظامري=حتى شكت من دمع عيني جفونهـا
معقول مهما صار مـاراح نلتقـي=الا بيومـن شابحاتـن عيونـهـا
لاهيـب لايمـي ولانـي بيمـهـا=يوم الخلايق لاهيه فـي شئونهـا
كاني على هالحال بالشوق والولـه=فديتهـا روحـي قبـل يسألونهـا
سألت رب الكون يخلـي سبيلهـا=وانـا اتحمـل ماوراهـا ودونهـا
هذا وانا عنـدي احساسـن بأنهـا=في جنة الفردوس بأعـلا ركونهـا
من يوم شفت النور غاشي جبينها=ملامحن يغني عن القـول لونهـا
اقسم قسم يا وجهها كنـه القمـر=شهادتن منـي لأجـل يذكرونهـا
للي نشـد عنهـا وللـي تعزهـم=واحبابها اللي كل عيـدن يجونهـا
يمكن تساعدهم على الصبر والعزا=لاجيب طاريها مع اللـي يبونهـا
يا قو قلبي كيف وسدتهـا اللحـد=ومن عقبهـا خليتهـم يدفنونهـا
مات الحنان اللي ليا ضاق خاطري=نساني الدنيـا وباقـي شجونهـا
خسرت راس المال كله ومكسبـي=وكثرت على روح المعنـا ديونهـا
كلن يبا يسـلا وتبـرى مواجعـه=ياكـود نفسـن ماتعـدد طعونهـا
البيت والصاله مـع غرفتـن لهـا=وحديقتن تبكي عليهـا غصونهـا
واشيا كثيره وين مااروح والتجـي=القا بهـا ذكـرى تـردد إلحونهـا
مالي سوى المعبود يرأف بحالهـا=له رحمتن كل البشـر يرتجونهـا
يغفر لها ما قد سلف من ذنوبهـا=ويلطف بهـا ولا يخيـب ظنونهـا
وانه يساعدني ويصخـف لحالتـي=من يوم ماراحت وقفـت ظعونهـا [/poem]
المرثية الرابعة
[poem=font="Simplified Arabic,5,white,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/21.gif" border="solid,4," type=0 line=0 align=center use=ex num="0,black"]أول سنـه مـرت عليـه بليـاك=ياشينها مـن بـد كـل السنينـي
ما كنت احسب انه كذا مر فرقـاك=ياشيب عيني منه ياشيـب عينـي
ياكثر مانسى وانشغـل واتحـراك=نسى الحدث واعيش هاك الحنيني
أيـام لاغبتـي دقايـق فقـدنـاك=قمنـا انـدور عنـك متضايقينـي
نسرح ونمرح في حياتك ودنيـاك=رغم الشطانه مااذكر اتهاوشينـي
انتي ابونا وامنـا مـن عرفنـاك=مااذكـر رقدنـا ليلتـن جايعينـي
والله مانسى بوكك اللي ابمخبـاك=من كثر مااذيتـك بيمـه عطينـي
واصحى من اوهامي وافكر بماجاك=واقـول لايمكـن بعدهـا تجينـي
ويضيق صدري وانتحب عند ذكراك=ابكي ويبكي كل من حس فينـي
أنا اليتيم اللي خذا منك مااعطـاك=مغنيـك ربـي قبـل لاتعرفيـنـي
ماجاك مني غيـر تقبيـل يمنـاك=شعطي وخيرك كل مافـي يدينـي
لو تنهدى الأعمار قدمت لرضـاك=عمري وكل اللـي ملكتـه يدينـي
والله لفدي كـل عمـري لماطـاك=واني لوصي فيـك حتـى جنينـي
مافي يدي حيلـه ولانـي بويـاك=الا دعــا الحيـيـن للميتيـنـي
عسى الولي من لاهب النار ياقـاك=نتي وابوي وجملـة المسلمينـي
ويرفعك في جناة عدنـن ويرعـاك=وانا يجي لي في فراقـك عوينـي [/poem]
لاتنسون تدعون لها بالرحمه ولسائر المسلمين
تحياتي
تحياتي
[/align]
تعليق