Tweet
قصيدة رثاء في المرحوم بإذن الله دغش بن بطي الغييثات الدوسري،حيث عرفته في بداية مشاركاتي منتدى النداوي و كان نعم الرجل،تقبّله الله في الصالحين
.
.
.
.
علمٍ لفاني في توالي ضحيّه
لا بارك الله فيك يا ذا العلومي
...
قالوا (دغش)حلّت عليه المنيّه
أستغفر الله ما لها به لزومي
...
وش قوم ما مرّت على أهل الرديّه
أهل النفاق اللي عليهم وسومي
..
يا موت لو تقبل زكاة و هديّه
ان كان سقنا لك سواة الخشومي
...
هلّي دموعك يا عيونٍ شقيّه
هلّي على فرقى سليل القرومي
...
من عرْفتي له ما مشى في الخطيّه
ما تغيب عنه المقديه و السّلومي
...
ما مرّة قد حسّ خاطر خويّه
دايم على الجمعا يحثّ العزومي
...
له كلمةٍ في الحق و أهله جريّه
نفسه على فعل المراجل تشومي
...
فيه التّواضع و الصفات النقيّه
على بني عمّه لطيفٍ رحومي
...
فيه الشجاعه و الكرم و الحميّه
و الشعر و الحكمه و ذكر الرسومي
...
لكن عزانا يوم نفسه رضيّه
و كل يحبّه عصبته و الخصومي
...
يالله ياللّي عالمٍ بالخفيّه
طالبْك تقسم له كبار القسومي
...
عطه كتابه في يمينه عطيّه
و إكسِه من الجنّات خضر الهدومي
...
صلاة ربي كل صبح و عشيّه
على النّبي و عْداد منشى الغيومي
[/align]
تعليق