قصيدة خاصه ( مدري وش اخرة العتب والمشاريه ) لي اربها تعجبكم

بسم الله الرحمن الرحيم

هاذي قصيدة خاصه لي اتمنى انها تعجبكم

مدري وش اخرة العتب و المشاريه
مدري وش اللي تنتظر فالنهايه

الله يعين القلب مكثر بلاويه
يا غايتي ماظن هذا جزايه

اللي سعى لرضاك خسرت مساعيه
مشوار ياطوله وانا في البدايه

عجزت أكابر وجحد الجرح واخفيه
وانت بعذابك تستمد الروايه

قد قالوا أن الصبر تحمد تواليه
وانا صبرت وطول صبري شقايه

الجرح فوق الجرح يصعب نداويه
وانا الجريح وفي يدينك دوايه

قصدك عذابي يكفي القلب مافيه
والله ما يصبر عشانك سوايه

ارحم غريق في بحورك مناويه
تكفى دخيلك لا تضره كفايه

غريق في بحرك وقف يرفع اياديه
الا متى والهم يضلم سمايه

اما تجي والقلب تكمل مساعيه
ولا ترى عقب البدايه نهايه


وسلامتكم


اخوكم العديم

ياهلا يالعديم انت عديم من نوعك قصيده جميله ذات طابع حسي رقيق

عذب جميل يدل على صفاء قلب شاعرها وذلك لسهولة مفرداتها

اقول لك قصيدتك اعجبتني ونص بالتوفيق وانتضر الأجمل

المــــــــــــسـ حسن ــــــــــــودي

صح لسانك يالعديم


لاعدمناك بيض الله وجهك على ها لقصيده


تحياتي

لا هنت يالعديم ولا عدمناك

قصيدة طيبه من وجه طيب

تقبل اعجابي بماتقول



اخوك سهم المنايا