Tweet
شرهة الاناثي في وجيه الرجاجيل|||ô||| ولا النساء شرهت غرام الهواوي
صلو على النبي
[poem=font="Simplified Arabic,6,blue,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]ارفع مقامي عن مجخي المعاميل =والطفله وحزب تليم وناوي
عيني لمرابيع السماء والأقاذيل=مانظر تحت سماء واحب العلاوي
الجاهل ان سب العوارف ضنى حيل =شيلو الشحم قدام لاهب وشاوي
ياليل مآبي اجرح ولا ودي أعيل =رجال واقدر رفيق ومخاوي
وضيف الكرام أنحصل البن والهيل=ولا يكرم عن سريب القهاوي
وفي الموقف الغصاب حيل وحلا حيل=وشلفاء ذياب ومخرز مايساوي
والفيل ماسّر ابرهه ينكص الفيل=ولا يقطع ألفرجه ضعيف ودناوي
شرهة الاناثي في وجيه الرجاجيل=ولا النساء شرهت غرام الهواوي
وش خانة الاشناب سد المناديل=إما توحد شمغ ولا غطاوي
لوازهم الهاجس وحط المعاديل=غدى السماء والأرض هاوي وعاوي
وورّدة هواجيسي طيور وزرافيل =حراير تزوا وقارح وهاوي
والله إن يفيض نهر دجله على النيل=والعاصي يرده فراتي نحاوي
ويسند الدانوب ويحدر ابريل=ويطمى على الجودي ويزمي النزاوي
ون تظهر إناث وذكور وطرابيل=ويهتز عرش الشعر حدر متهاوي
اّرد مترجل بّدل ودواليل=واثق على الحق ولا ازل بخطاوي
شاعر وصخر لا هتويت التماثيل=واضرب مثل قرية وهاضل شلاوي
نطحه دون أسوارها فارس الخيل=ورحب وهلا واول أليل ضاوي
وخذا عنان حصانه وقربه حيل=وكرم جنابة والمعزب حياوي
وثمانيه أشهر في وقار وتعاليل =امعزب وافي وضيف نقاوي
الضيف مايشرب غسال الفناجيل =ون زار خفف والدناوي دناوي
ووافق زفاف ام الخلا والخلا خيل = للرويبضه ما يفتلك في البلاوي
وداروو على جلد الاسد باالقناديل = ولعبو بنات بليس رقص وغناوي
وطغو على النعمة قصار الدناقيل=ومن يكفر النعمه عقابه سماوي
ونّشا على القرية قنوف ومخايل =وفي إطرافها عاصوف والليل داوي
صواعق وبرق ورعود وتنكيل = وأول بردها يحس قشع جثاوي
وآخر بردها وقع سّو وتهاويل=راس الجمل تنقفه ويطيح ثاوي
عوج الرقاب إلي تهادر على الغيل=تجرع على بوِو سرابه جلاوي
يالي تكحل طرفك الناعس بميل =مرودك لا يعميك منيب هاوي
أسيوفنا ما تجزرالا المشاكيل=ولا الضعوف نعف عنها وناوي
مسمار هند يفصل العضم تفصيل =ولا نعرضه الدنس .......
لا بد ماتمرس حبال المحاحيل=ولا بد مايلوي على الو لأوي
ولابد من ذاق النعم يطعم الويل=للعضم شضو وللمعاليق زاوي
ولا بد ماتبرى الكبود المعاليل =ولابد ماتفقع عيون الحزاوي
ولا بد مايصفي الفعل والأقاويل=ولابد ما تصغر كبار الحكاوي
ولابد مايعدل الرحل عادل الميل=ويلحق على قب المهار الفداوي
ولابد ماتزؤا الحراير ولو حيل=ولابد من فرز وغى ورد حاوي
ولابد مابطون الاناثي محابيل=ولابد ماتنجب رجال العزاوي
ولابد مايضهر نوادر من الجيل =ترد ألمنايا ورد مضمي وطاوي
وانأ اقدح من الرأس ماهوى المراسيل =وسيلي ردعي وقلبي معناو نحاوي
ونابي ماحده للهزل والجهاهيل=تردعني سلوم النقاء من الزراوي
ووجه النقاء أصفاء من زلال الهماليل =والغدر عقبه والوفاء عود جاوي
رجمٍ أشوفه في عيون الدرابيل = وجرف هيال ووطيته ماتساوي*
لا واحياة الغربله والبهاذيل = ضاعت على الهاقي كبار الهقاوي
عقر الجمل مابين حمر الغراميل=وكّثرو قصاصيبه وطاح متساوي
والفيل كبر ايش نقرته الأبابيل=واعوج ذنب كلب ربوي وضراوي
الصدق يقمح ناقل القال والقيل = إلي على الزلات عجل شفاوي
والكذب حبل لو مسد قاصر الذيل=اقصر من ذنيب الوبر في البراوي
العبقري يحلل معي الوضع تحليل =والي مداه قريب لا يجي قصاوي
توقيت فارس أخروه لإسرائيل=في يوم واحد حكمته وش تساوي
(((tevet))) صيام للنفوس المغاليل=وذكرا بنوخذ نصرمهيب هزاوي
مهد الحظاره صار وكر ومداهيل =لاانجس خنازير البشر خو خاوي
عيد بتلابيب ويقدس بالإنجيل=والجعفري بالعيد مؤمن وهاوي
فرس ويهود حاقدة ويلها ويل=وأخبث عميل لبوش حول الحراوي
أقذر سياسية وعملا وحرب تضليل= يّصدق ضيعيف العقل ويجيك راوي[/poem]
12/12/1427 هـــ
محمد العاطفي
محمد العاطفي
تعليق