هاذي قصيدة جديدة لأبن قضعان ( سبحانك الله لا اله الاأنت ياكرم الكرمين )

هاذي قصيدة جديدة للشاعر الكبير ضيدان بن قضعان

موجه للشاعر رشيد الدهام



سبحانك الله لا اله ألا أنت ياكرم الأكرمين

يا عالم أحوال الأوادم ياكفيل أرزاقها

أستغفرك يارب وأسجد لك سجود الخاشعين

سجود عبد" دمعته من خشية الله راقـــها

وفي جلسته من سجدته صلى على طه الأمين

وأهل المبادي حبها وأيمانها بأعماقها

وعلى رسول الله خاتم الأنبياء المرسلين

أفضل سلامي مابدت شمس الضحى با شراقها

والبارحه يا رشيد وين النوم وين النوم وين

وسمر السحايب في سماها ما فصل براقها

يا رشيد قل للطيبين المؤمنين الغافلين

الايام فالدنيا شوي ويتكمل غلاقـــــها

وأصحاب الأمس اللي نسونا الغايبين الحاضرين

علمهم أني ما لتفت لغصنها وواراقــها

علم وقل للحاضرين يعلمون الغايبين

ان الأمم أخلاق تبقى ما بقت أخلاقــــها

والله لولا الله ثم حشمت وجيه الطيبين

اللي على الشدات ترخي للحمول اشناقــها

لعلم الغاوين كيف العب على بليس اللعين

لاكني أكبر من جلال علومهم و ادقاقــــها

و ان سادت الفوضى المدينه في عيون الحاسدين

هديت لعبي والمدينه عامره با سواقـــها

يا رشيد قل للشاعر اللي كان مين وصار مين

اللي بدا يعرف بعيرتها ويعرف ناقـــها

لو يجتمع شعر الفرزدق مع ادب طه حسين

ما ترتفع روس" تلفتها سبب دناقـــها

وقل لليتيم اللي يطالبنا على غزوة حنين

اللي يحسب أن كل غفوه لا غفاها فاقـــها

لا يحسب انا لا تجاهلنا الجهاله جاهلين

الجهل جرين في نحاء الدنيا لشلة ساقـــها

واللي جهل لابد يتعلم على مر السنين

ولا يميز طعمها يارشيد من لا ذاقــــــــها

وانا ترى يا خيك ما عندي يسار و لا يمين

وأن كذبة علقتها يارشيد في معلاقـــــــها

عرفان معروف أعترف وسيد العارفين

ما فيه داعي أفتح الشاشه وعيد أغلاقــــها

يارشيد انا عذري مثل تكرم مدينه لجل عين

ولفت انتباه الناس عندي غير لف اعناقـــها

وذكر الحيا والطيبين يبين واللي ما يبين

ما لا حدث او صار في الدنيا على أطلاقــــها

وإسلم وسلم والسلامه ياعشير الغانمين

والله يخلي للبلاد إحجابها و رواقـــــــــها


وسلامتكم

شعر الشاعر الكبير ضيدان بن قضعان

الشاعر العديم

نشكر لك ايراد هذه القصيدة للشاعر ضيدان بن قضعان والحقيقه مانقول الا صح الله لسانه والله يعين رشيد الدهام على الرد !!

لك مني الشكر والتقدير على هذا الاختيار !!


اخوك سهم المنايا

عليه الصلاة والسلام,,,,وعلى رسول الله خاتم الأنبياء المرسلين

العديم,,,,

بيض الله وجهك,,,,

الله يبارك فيك وفي اليوم اللي جمعنا في هالقصيده,,,

كفيت و وفيت ,,, ولايهون الجميع,,,,

قصيدة ابومنصور كافيه و وافيه مثل راعيها ومن جابها لنا,,,

وابومنصور غاااااالي ,,,,

وقصيدته تعرف بنفسها,,,,

صح لسانه ,,,

وسلمت يمناك يالنشمي,,,,,


اخوك/
عبدالله

لاهنت يالعديم وابو منصور علم من اعلام الشعر ويستاهل من ينشر له

ويشرفنا انه بيننا في النداوي


الله لايهينك على كتابة قصيدته .

الاخ العزيز العديم

صح لســـــــــان ابومنصور وسلمت يدينك ....... قصيده رائعه

بيض الله وجهك ماقصرت

تقبل تحياتي

اخوك

شقران



----------------------------------------------------
النــاس ماخـلــو يـتيــم بالالــــحـــــاد
******************************** حتى يتيم القبر يمسك كراعه
ولولا الجواري والحوادث لها سنـــاد
******************************** كلن تلمس راس غيره وباعه

-------- جــــزاء صـــــالح الحـربي ---------

الأخ العديم .....

اسعد الله اوقاتك بكل خير

اشكر لك التواصل واختيار موفق


اخوك النداوي

الشاعر العديم

اختيارك في محله والشاعر ضيدان يستاهل من يقرأ له أكثر من قصيده

ماقصرت

عليكم السلام ورحمة الله وبركاته

ارحب يالعديم

مشكور يالغالي على نشر قصيدة ابو منصور