نقبر بعضنا ولا ندري من التالي=امعزّي اليوم من بكره يعزّابه

مشبب العاصمي


مبدع كعادتك



بيض الله وجهك ورفع قدرك

وياوجد عيني وجود مسبّـل المالـي
جافوه ربع السّعه يوم الفقـر صابـه
ويا وجد عيني وجود الصامل الجالي
اجلوه ربعه عقب ما كسرت حرابـه


مشبب


والله أنك بحر شعر


صح الله لســانك


أخوك

ارحب يا جابر

صح الله بدنك ولا هنت على حضورك الكريم

تحياتي لا عدمتك

اخوك

مشبب عزالله خوتك تنشرى

بالذات مع الحذيفي





بصراحه شاعر رائع ولا يأتي إلا بالقصيد الطيب

الذي لاينوجد عليه اي مدخل .....



صح لسانك يالغالي لين ترضى


لك متابعتي واعجابي

وتقبل خالص تقديري واحترامي



""

صح بدنك يا فهد

ولا هنت يالغالي شرفت القصيدة وراعيها

تحياتي

اخوك

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ارتاح لا من تلاشا ارسـال جوالـي=في خايعٍ ما بـه الا زامـي هضابـه
واشب ضوي واقرّب من سنا الصالي=وادعي هجوس الشعر وافتّح ابوابـه
واراجع اللي مضا من ماضي افعالي=واقول يالله تغفـر الذنـب واسبابـه
نخطي ولا نتّعض من سوّ الاحوالـي=اقلوب ما ترعـوي واقـوال كذابـه
نقبر بعضنا ولا نـدري مـن التالـي=امعزّي اليـوم مـن بكـره يعزّابـه[/poem]

أبو فهد

أبدعت الله لايضرك

قصيدة استمتعت بقرائتها
صح الله لسانك ولاهنت
دمت برعاية الله وحفظة

ارحب يا مناور

وصح الله بدنك ولا عدمتك على حضورك الطيب

تحياتي

اخوك

نقبر بعضنا ولا نـدري مـن التالـي 000 امعزّي اليـوم مـن بكـره يعزّابـه

صدقت والله ...

ويا وجد عيني وجود الصامل الجالي 000 ا جلوه ربعه عقب ما كسرت حرابـه
كسير عظـم الفخـذ وديونـه ثقالـي 000 بعير ساعـة وقـع حافـوه قصّابـه
من عقب ما هو يقود اجيوش وابطالي 000 امسى وحيدٍ رعـاع النـاس تهزابـه

الله عليك يا مشبب

قصيده كايفه كايفه كايفه

صح لسانك وسلمت يمينك وعلا شانك

سلمني على روحك

تحياتي لك ....

يلبية يا الفكسار وراعية
ارحب يا مشبب
رحلة جميلة ووصف خيالي
صح السانك يالجزل

ارحب يا معيوف ويا لبيك انت جعلني ما خلا منك

وصح الله بدنك لا عدمتك و شرفت القصيدة وراعيها

تحياتي

اخوك

الشاعر مشبب العاصمي


صح لسان ملايييييييييييين وعسى عمرك سنيييييييييييين



يسرني ويسعدني بانني اول من سمعها منك شخصيآ



سجل اعجابي بقصيدك الجزل وبشخصك الكريم



تقبل تحياتي واحترامي

ارحب يا ابو مبارك

وصح الله بدنك لا عدمتك ولا هنت على حضورك الكريم

تحياتي

اخوك

[الكويتيه العنيده]

الاخ العزيز / مشبب العاصمي


صح لسانك
ابيات كايفه
لاهنت طال عمرك
قصايدك كبيره
ولها ثقلها


لى تعقيب اذا سمحت لاختك
ليه ختمت هالقصيده بهالبيت


[poem=font="Simplified Arabic,6,black,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/20.gif" border="double,7,black" type=2 line=0 align=center use=ex num="0,black"]
حكم القدر صـبّ فنجالـه وفنجالي= ليـن ارتوينـا وحرّقنـا بمشهـابـه [/poem]
توقعت تنهيها في بيت خطير
لكن مدري وش اللى ردك !!!!؟



على العموم صح لسانك واحساسك

نقبر بعضنا ولا نـدري مـن التالـيامعزّي اليـوم مـن بكـره يعزّابـه

صح لسانك يابمشبب

ولي رده على القصيده

لك خالص تحياتي

آتـوه لامـن لقيتـه واقـف قبالـي..لبا دلالـه ولبـا الكحـل وخضابـه
حكم القدر صـبّ فنجالـه وفنجالـي..ليـن ارتوينـا وحرّقنـا بمشهـابـه


مشبب العاصمي شهادتي فيك مجروحة
صح لسانك ولاهنت

أ خ و ك

ارحب ارحب يا عريمان

وصح الله بدنك وشرفتني لا عدمتك بحضورك العطر

تحياتي

اخوك

[poem=font="Simplified Arabic,5,darkblue,normal,normal" bkcolor="transparent" bkimage="" border="double,3,darkblue" type=0 line=0 align=center use=ex num="0,black"]
يا نجد جيتس على الفكسار بالحالي=لي لازمٍ لا انقضى رحت آتمشّابه
ازهمه خلّك عجل ثم شاش ما يبالي=امثبّتٍ سرعته والطير ما جابه
خطرٍ على شنطته لا دست تبرالي=يالعنبوا حي حيه كيف انا اصخابه
اشعاره اللي قُدم مثل النجم عالي=إقريص شمس العصر كنه ايتذرّابه
راكد وكنّي على كرسيه الغالي=شيخٍ يصلّي الضحى في وسط محرابه
فيه الحذيفي يرتّل بعض الانفالي=والنور و الزلزله و الروم و احزابه
ولا جيت حول الجله اجيه بامهالي=وادرجه للوعر ما همّه إصعابه
واروح لين ابتعد وسط الخلا الخالي=اقطع هشاش السهل والسيل وأحنابه
ارتاح لا من تلاشا ارسال جوالي=في خايعٍ ما به الا زامي هضابه
يا سعد عيني بشوف الذود همّالي=ماهوب يشبك عليها وسط مجلاّبه
ذودً غوالي حفظها غالي لغالي=ابيوت اهلها من اللي تقطب اطنابه
ناسٍ عى فطرة الله اول وتالي=ما غيّر طبوعهم وقتٍ كشر نابه
واشب ضوي واقرّب من سنا الصالي=وادعي هجوس الشعر وافتّح ابوابه
وانقا ليا من حضرني غرِّ وجزالي=اقصد وهجس الفكر يفتر دولابه
واراجع اللي مضا من ماضي افعالي=واقول يالله تغفر الذنب واسبابه
نخطي ولا نتّعض من سوّ الاحوالي=اقلوب ما ترعوي واقوال كذابه
اموات نسعى سعي خبٍ وزرفالي=للموت والموت جانا يشعب ركابه
يا كم ويا كم خذاله داله وسالي=وما رد موت الفتى قوٍّ وعصّابه
نقبر بعضنا ولا ندري من التالي=امعزّي اليوم من بكره يعزّابه
يالله عسا منزلي لا عرضت اعمالي=في ضف عرشك من اللاهوب واهنابه
ويالله انا طالبك يا ربي الوالي=ترحم ضعيفٍ حشر والذنب فكتابه
غرّته دنيا الشقا و اصحاب جهالي=امقصر و مخطيٍ غرّر به اصحابه
وفي مرتع اهل الهوى رزّيت مخيالي=وبنيت رجمي من اللوعات وارقابه
ليت القدم من قبل لامشي لهم مالي=لا بارك الله بريعٍ كثرت ذيابه
قام يحداني حدي رجلي وجمّالي=لا أمسيت ليله هني يسري علي دابه
وياوجد عيني وجود مسبّل المالي=جافوه ربع السّعه يوم الفقر صابه
ويا وجد عيني وجود الصامل الجالي=اجلوه ربعه عقب ما كسرت حرابه
كسير عظم الفخذ وديونه ثقالي=بعير ساعة وقع حافوه قصّابه
من عقب ما هو يقود اجيوش وابطالي=امسى وحيدٍ رعاع الناس تهزابه
وجدي على اللي جفا ويشح بوصالي=شرّعت بابي وسكّر فالهوا بابه
ياوجد حالي وعزي له وعزالي=بين النحر والمحاني دق منسابه
آتوه لامن لقيته واقف قبالي=لبا دلاله ولبا الكحل وخضابه
حكم القدر صبّ فنجاله وفنجالي=لين ارتوينا وحرّقنا بمشهابه[/poem]

وسلامتكم

مشبب ابيات في غاية الروعه

لاعدمناك


جزل كاالعاده

مشبب




شاعر مبدع والكلام ما يوفيك حقك




صح لسانك ولاهنت





قلت وطلت وابدعت




تحياتى

صح بدنك يا ابو حميد

ولا هنت على حضورك الكريم

تحياتي

اخوك

حياك الله يامشبب


انت شاعر وكفو وقصيدك يطرب له الجميع


دمت ودامت جزالة ابياتك



لك تحيتي

ارحب يا عبدالرحمن

وصح اله بدنك و لا هنت على حضورك الكريم

تحياتي

اخوك

ابو فهد

اشهد انك شاعر


وصح الله لسانك


وماقووول

الا امحق مطوووع تروح وتعود على الهوى

ارحب ارحب ارحب يا عبدالمحسن

شرفت القصيدة وراعيها

تحياتي

اخوك

ابو فهد

صح السانك ولاهنت ليت ترضى

قصيده رائعه بكل ماتعني هذي الكلمه

لك تحياتي

صح بدنك يا ابو عبدالله

شرفت القصيدة وراعيها

تحياتي

اخوك