Tweet
[poem=font="Arial,6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
إيقول من غنى حسنيات الاشعار=سوّى على القيفان قيفان من نور
ايضا وخلاها صواديف محّـار=هاثم ولعها زمرّد وبلور
من حرّ ما بالقلب من واهج النار=واعرف ترى المهموم لن بات مقهور
درت الفكاير لكن البال محتار=مدري وش اللي هو مخطط ومدبور
ما غير أصد الشوف لا اشوف عمّـار=ولا اشوف لا ناصر ولا اشوف منصور
وليا دعوني قلت ما غير مشوار=واخاف يدري بي حبيّب ومستور
وا مالي اللي كان مصرور بصرار=ألم فيه ايام وسنين وشهور
يا لين جاني مال قصّاف الاعمار=عساه بالخيرات ماهو بمذكور
قلي تبا تسمع جزيلات الاشوار=عن قالت الرشوه وعن قالت الزور
علاك بالأسهم ترى الناس تجار=ناصر ولد عمك نويصر بنا دور
واحمد شرى فله ويجرّ بالأيجار=ومحمد اللي حاقرينه شرى مور
اللي غدا نايم صحى وايقظ الجار=واللي غدا منسي غدا اليوم مشهور
اليا دفعت الفين حط اربع اصفار=ولياك عقب البير ماردك ببحور
قلت الدراهم هاك واعطيك الأسوار=ولو تترك الموتر لنا دون ماطور
ثم بعت لي ناقه وشاتين وحوار=وأم الولد جتني بقرطاس مصرور
قال اللجين ان كان ولياك بيطار=ولا على بيشه يجي توت معصور
واخذت في سابك وطيبه وف اعمار=واحلم تقول اني ملك بين جمهور
ما غير امد الشوف والد الانظار=واللي رصيده دون مليون محقور
احلم وابا فله وابا جيب فكس ار=واقول اببني بيت متعدي الطور
وام العيال اتقول ان جبت الاسعار=رد الذهب وان زدت ماهو بموفور
لين الخميس اللي كشف خاف الاسرار=اللي جعل قومي بلا حس وشعور
السوق جا منهار والناس تنهار=يا كثرهم للصيدليات طابور
وليني اللي يظرب ايمين بيسار=ولا حزين ويدخل اشبور بشبور
احس في راسي ثلاثين مسمار=واحس في قلبي ثمانين خابور
مدري صغير وطحت مع عالم اكبار=ولا فريسه حولت عند هامور
احسب ما غير الحرّ مخلب ومنقار=واثر وراه اطيور وطيور وطيور
قالو ترى الجماز جانا ف الاخبار=لكن لا منهي ولا هو بمامور
قالو تعذر قلت وش فود الاعذار=قالو تشكر قلت ماهو بمشكور
ثم جيت للشايب وابعطيه ما صار=شايب ولا يعرف عن السوق خنصور
قلت الدراهم روحت قال يا العار=وليا البنادق باقي اشوي وتثور
قال الخصيم وقلت من وقت غدار=ما واحد(ن) غاصب ولاني بمجبور
قال الولد مجنون ودوه لشهار=ولا تعال اكويك لن كنت مخطور
ولا عطوله من دوا جن الابقار=ولا جبوله شيخ لن كان مسحور
قلت السموحه قال طير الضحا طار=قلت المشوره شور يابو على شور
قال انت ما تفهم ولا انته بمغوار=يا نعنبو هالراس لن جبت باكور
يا كم اعلم فيك لكنك احمار=هي روح لم الحب لا كان منثور
يا هيه لن ضاقت على اقروشك الدار=اعرف ترى ف الباب حصني ومسعور
عان الدراهم للفتى بن وبهار=لا تلحقه ضيمه ولا يلحقه جور
روح اشتر ابقرتين واشتر لها ثار=ثم انتبه يا ثار لا ينطحك ثور[/poem]
إيقول من غنى حسنيات الاشعار=سوّى على القيفان قيفان من نور
ايضا وخلاها صواديف محّـار=هاثم ولعها زمرّد وبلور
من حرّ ما بالقلب من واهج النار=واعرف ترى المهموم لن بات مقهور
درت الفكاير لكن البال محتار=مدري وش اللي هو مخطط ومدبور
ما غير أصد الشوف لا اشوف عمّـار=ولا اشوف لا ناصر ولا اشوف منصور
وليا دعوني قلت ما غير مشوار=واخاف يدري بي حبيّب ومستور
وا مالي اللي كان مصرور بصرار=ألم فيه ايام وسنين وشهور
يا لين جاني مال قصّاف الاعمار=عساه بالخيرات ماهو بمذكور
قلي تبا تسمع جزيلات الاشوار=عن قالت الرشوه وعن قالت الزور
علاك بالأسهم ترى الناس تجار=ناصر ولد عمك نويصر بنا دور
واحمد شرى فله ويجرّ بالأيجار=ومحمد اللي حاقرينه شرى مور
اللي غدا نايم صحى وايقظ الجار=واللي غدا منسي غدا اليوم مشهور
اليا دفعت الفين حط اربع اصفار=ولياك عقب البير ماردك ببحور
قلت الدراهم هاك واعطيك الأسوار=ولو تترك الموتر لنا دون ماطور
ثم بعت لي ناقه وشاتين وحوار=وأم الولد جتني بقرطاس مصرور
قال اللجين ان كان ولياك بيطار=ولا على بيشه يجي توت معصور
واخذت في سابك وطيبه وف اعمار=واحلم تقول اني ملك بين جمهور
ما غير امد الشوف والد الانظار=واللي رصيده دون مليون محقور
احلم وابا فله وابا جيب فكس ار=واقول اببني بيت متعدي الطور
وام العيال اتقول ان جبت الاسعار=رد الذهب وان زدت ماهو بموفور
لين الخميس اللي كشف خاف الاسرار=اللي جعل قومي بلا حس وشعور
السوق جا منهار والناس تنهار=يا كثرهم للصيدليات طابور
وليني اللي يظرب ايمين بيسار=ولا حزين ويدخل اشبور بشبور
احس في راسي ثلاثين مسمار=واحس في قلبي ثمانين خابور
مدري صغير وطحت مع عالم اكبار=ولا فريسه حولت عند هامور
احسب ما غير الحرّ مخلب ومنقار=واثر وراه اطيور وطيور وطيور
قالو ترى الجماز جانا ف الاخبار=لكن لا منهي ولا هو بمامور
قالو تعذر قلت وش فود الاعذار=قالو تشكر قلت ماهو بمشكور
ثم جيت للشايب وابعطيه ما صار=شايب ولا يعرف عن السوق خنصور
قلت الدراهم روحت قال يا العار=وليا البنادق باقي اشوي وتثور
قال الخصيم وقلت من وقت غدار=ما واحد(ن) غاصب ولاني بمجبور
قال الولد مجنون ودوه لشهار=ولا تعال اكويك لن كنت مخطور
ولا عطوله من دوا جن الابقار=ولا جبوله شيخ لن كان مسحور
قلت السموحه قال طير الضحا طار=قلت المشوره شور يابو على شور
قال انت ما تفهم ولا انته بمغوار=يا نعنبو هالراس لن جبت باكور
يا كم اعلم فيك لكنك احمار=هي روح لم الحب لا كان منثور
يا هيه لن ضاقت على اقروشك الدار=اعرف ترى ف الباب حصني ومسعور
عان الدراهم للفتى بن وبهار=لا تلحقه ضيمه ولا يلحقه جور
روح اشتر ابقرتين واشتر لها ثار=ثم انتبه يا ثار لا ينطحك ثور[/poem]
تعليق