Tweet
السلام عليكم ورحمة الله وبركاته،،،
أتمنى ان تروق لذائقتكم هذه المتواضعه وعبر النداوي مجددا
أتمنى ان تروق لذائقتكم هذه المتواضعه وعبر النداوي مجددا
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
صيــف هذا العام أسوأ صيــف عشته في حياتي = باختصار اكثر .. مـــررت بمرحله جـــدا حــزينه
كنــت عايش في صـــراع كبيـر مــن ذاتي لذاتي = كنت ضايــق .. واشعــر انّي بعـد ضيّقت المدينه
كنت اخطّط وانتظـر صيف السنــه هذي واحاتي = لجل اعيش اجمـل إجـــــازة حــب ما بيني وبينه
الحبيـب اللي مـن اول كـــــان أجمــل ذكريـــاتي = وصار أبشـــع ذاكـــره في داخــل اعماقي دفينه
والله اشــــوى لو صدمنـي فجـــأه بغير امنياتي = ولا أمـــوت بأمنيــــاتي غـــدر مـن طعنـة يمينه
ضيّـــق الدنيا بعينــي صدق.. واحتــرت بجهاتي = كنت أشبــــه ما أكـــون بحــــال قبــطان السفينه
لا ارتفع مـــوج البحــــر والريـح هبّت والتفاتي = كـــان عكــس الإتجــاه اللــي يـحسّس بالسّكِـينه
راكبيـــن اثنيـــن عرض البحر والمركب مؤاتي = للغـــرق .. أو .. واحدٍ منّــا يضحّـــي عن ضنينه
يعني كان الحـــل واحد .. يامماته .. يا ممـــاتي = البلـــى في ناتـــج الحلّــين.. اموت من الغبيــنه
قال: ويش الحــل؟ قلت: التضحيـه من واجباتي = لازم آضحّـــي عشــان اعطيك بعـــض الطمأنينه
قال: إفرض لو خذاك البحر.. قلت: اعلن وفاتي = قول: مــــات فلان لجل اعيش .. والمولى يعيـنه
قال: طيب.. لا رحلت شلـــون بتهـنّــى مبـــاتي = قلت: فكـّـــر في رجوعي بس .. وانطرني لحينه
وانتبه تنسـى و تكفـى كل شـــي الا .. وصــاتي = إنتبـــه للقلـــب تكفـــى .. قـال: فــي أيـدي أمينه
قمت اودعْــه بْسكات ودمعتــــي تشرح سكاتي = وماذبحنـــي ضيــق إلا يـــوم انا اقبــــّـل جبيـــنه
وارمي نفسي للبحر واختـــلّ في موجه.. ثباتي = والبحر لبعيـــد اخـذْني وصرت لامـــواجه رهينه
لكن الله مــــدّ في عمري.. ونجّـــاني بصـلاتي = ما وعيـــت الاّّ وانا مابيــن شـــطّ .. وبيـن طينه
والحبيـب اللي نجى .. ماكــــان متوقـــع نجاتي = جيت من بعـــد الغياب المُـــر.. ادوّر عن حنينه
ما لقيته في المدينـــه وانشغـل بالي .. واحاتي = ورحت من باب انشغـــالي اسأل الجيران.. وينه؟
قيل: سافر في إجــــازة حــب دام الصيـف آتي = جــاه غيرك ياخــــذه من قبل يوميــن بْــيدينه
وقتها دنّــقـــت راسي حزن .. حسيـــت بشتاتي = وقتهـا حسيــت نفســــي طفـــل .. أهلـــه بايعينه
وش حصل لابن اللذينا؟ ولاّ انا وش هي سواتي = مـــا تقــــــول الاّ كأنّــــي ذابــــحٍ له .. والديـنـه
ذا وانا اللي لجـــل عينـه ما بخلــت بتضحيــاتي = والقهـــر .. لابارك الله فيــــه .. ما بيّـــن بعينه
دام حتى ما حفــــظ لي عشرتي واحسـن جزاتي = ويش برجـــي منه؟ لابــو عشرته.. لابــوسنينه
كان هذا احساسي اللي دوم اعيشـــه وســـط ذاتي = ولاّ انا ما جيت بحــــر ومانـــي قبطـــان السفينه
بس انا اللي كنت اخطــط لجــــل احقـق امنياتي = في إجـازة صيـــف ضاعت غـدر من طعنة يمينه
رحت بيتــــي.. ما معــــاي الاّ أقــلّب ذكريـــاتي = واقفــــل الغرفـــه عليّ .. وأسمـــع اغاني حزينه
لجل ذلك.. كان هــذا الصيـف الاسوأ في حياتي = لجل ذلك.. كنت أتعس شخص عايش في المدينه[/poem]
[/align]
تعليق