بــنــت بـاعـت شــرَفــهــا ..؟

[علي بن مشرف]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ليه الخطا .. ياقلب وانا مولّيك=ولا اهجرك من زلةٍ تعترَفها

تلعب بقلب اللي من الناس تغليك=والبنت لجل رضاك .. (........)

مدام هذي نيّتك قبل تاتيك=مفروض غلطة عمر ماتقترْفها

يوم ارتمت بنت القبايل على ايديك=في طاعتك مدري وش اللي جرَفها

قالت انا احبّك , واقدّرك واغليك=وهذي صغيرة سنّ وانت تعرْفها

كانت من اول بس تسمع بطاريك=وأخذت كف الموجعه مع طرَفها

تضمر خيانتها وهي مانوت فيك=الين شيطانك بسحره حرَفها

حتى الي من جيتها تقول لبيك=والحب لك عن كل ممشى صرَفها

لولاك .. لا .. ماقالت الله يحييك=واعطتك من ريحانها من ترَفها

تفرح على فرحك والي غبت تبكيك=ودموعها مافيه غيرك ذرَفها

ونامت على (......) وصارت تراعيك=مثّلت دور اللي عشق واحترَفها

تسمع وتحت الأمر مثل المماليك=قطرة بحر لكن .. حبك غرَفها ؟

ويوم انتهى طيشك وطابت لياليك=ولا راح يوم وقصّرت في سرَفها

الكذب مايبطي وبيّن مواريك=والسالفه شاعت.. وكلٍ عرَفها

ياوين اودّي وجهي الله يجازيك=وش ذنبها تحيا الحياه بقرَفها

تكفى دخيلك كان عاده بيمديك=(احفظني من الذنب واحفظ شرَفها )[/poem]

وسلامتكم






.

حجزززززززززززززززززززززززززززززززززززززززززززززز
على اول رحله وراجعلك

مع التحيه

أخوي علي بن مشرف

وانت سالم وغانم


صح لسانك وبيض الله وجهك


رايعه بروعة حضورك


لك فاائق احترامي وتقديري

قلب علي بن مشرف



صح صح صح


وسلم لي على صاحبك وقله اني ماحبه ولاعاد يتشره ويقول سمعوني جديدكم

أخي الغالي بن مشرف


الله يهد قلبك وأنت من الشعراء الذين أحترمهم وأقدر ما يطرحون


أسمحلي أخالفك هنا وفي هذا النص بدايه من عنوانه ( بنت باعت شرفها ) الى فكرته الى مضمونه

الى طرحه بهذا الشكل وفي شهر رمضان أعتقد أنه غير مناسب أبداً .


من حبي لك وحرصاً على أخي بن مشرف نفسه أتمنى أن تقبلها بصدر رحب


حفظك الله

جزل يا علي

شهادتي فيك مجروحه لكنك تدري انك تطربني


صح لسانك ولك مني التحايا



سالم بن جلعان

ويوم انتهى طيشك وطابـت لياليـك ولا راح يوم وقصّرت فـي سرَفهـا

الكـذب مايبطـي وبيّـن مواريـك والسالفه شاعـت.. وكـلٍ عرَفهـا

ياوين اودّي وجهـي الله يجازيـك وش ذنبها تحيـا الحيـاه بقرَفهـا

تكفى دخيلك كـان عـاده بيمديـك (احفظني من الذنب واحفظ شرَفها )


علي




صح لسانك



وافيه من رأس وافي




لاهنت ولاشنت



على كل ما قلت


تحياتي

الشاعر المتمكن علي بن مشرف

قصيدة تفننت فيها بلغة الخطاب الصريح و بديتها باسلوب تجريدي ومكاشفة مع القلب
الفكره فيها شي من التأمل والنصح والاستشفاف لما هو واقع

يوم ارتمت بنت القبايل على ايديـك في طاعتك مدري وش اللي جرَفهـا


تضمر خيانتها وهي مانـوت فيـك اليـن شيطانـك بسحـره حرَفهـا


في هذه الابيات لغة الخطاب تحولت بكل تمكن وبراعه في صياغه الألتفات الى ضمير الغائب


تفرح على فرحك والي غبت تبكيـك ودموعهـا مافيـه غيـرك ذرَفهـا

ونامت على صدرك وصارت تراعيك مثّلت دور اللي عشـق واحترَفهـا

قصيدة حقيقة مؤلمه بتفاصيل تفاعلك

صح لسانك ولا عدمنا تواصلك

صح الله لسانك يا علي

قصيدة ذات معنى ومغزى قد لايفهمه البعض

لا نريد ان نغمض اعيننا و نضع رؤوسنا في التراب مثل النعام .. عن مشاكل يمارسها الشباب وبكل اسف

نعم يتعرف عليها و يغرر بها و تعطيه كل ما يريد بعد ان يخدعها ثم يتخلى عنها

اخي علي عالجت المشكله باسلوب وكانك من وقع فيها و صورت مايحدث فيها بكل وضوح ..

فصح الله لسانك و بيض الله وجهك .. وانت فوق الشبهات و الظن فيك فوق

تحياتي لا عدمتك

اخوك

[علي بن مشرف]

معيض حجزك درجه اولى


الله يحييك

صح لسانك



وبيض الله وجهك

قصيده كبيره

تكلمت عن قضيه اجتماعيه بصوره ذكيه


ونسأل الله الستر للمسلمين



اخوك

صح لسانك



وبيض الله وجهك

قصيده كبيره

تكلمت عن قضيه اجتماعيه بصوره ذكيه


ونسأل الله الستر للمسلمين



اخوك

سالم وغانم والله يعطيك العافيه

الشاعر علي بن مشرف


صح لسانك وعلاشانك يابوصالح



الجزل شرواك وشروا الحاضر مايجيب الاٌ جزل



نسأل الله العفو والعافيه والستر للجميع



تقبل تحياتي واحترامي

رائع يا علي

صح لسانك وسلمت يمينك

تقبل تحياتي ..