**البــــــــــداوه والمقناص**

اخواني وخواتي الأعضاء والمتابعين اسعد الله مساكم بكل

خير هذه قصيده متواضعه سجلتها لكم من الأرشيف عساها

تعجبكم..........................................

ودي اكحل عيوني من انـواع الجمـال

.................... الجمال اللي من الله على الكون الفسيح

واتمتع في جمال الصحاري والجبــال

.................... في صحاري نجـد جعل المطر فيها يطيـح

وتمتع بالقنص في الجبال وفي الرمال

.................... بالشبك والطير والجيب والخاطر مريــح

وفوق ذالك فرخ بلجيك ذخر ورأس مـال

.................... والتفق عماني الصنع والمطرق سمـيــــح

مع خويٍ فيه طيب المزايا والخصـــال

.................... صامل الهقوات دائم معي قلبه صــريــــح

كاملٍٍٍ في كل شي ولله الكمــــــــــال

.................... خوته كنزٍ من المـال لآيمكن يـبـيـــــــح

فوق ذالك شبت النار في فيي الظــلال

.................... تحت في الغار وان هبها نسناس ريـــــــح

ثم انحرها بثنتين من صفر الــــدلال

.................... لوله مسمار والهيل في لخــرى يفـيــــــح

وذبت المشراف في العصر لآهب الشمـال

.................... والله انها تشفي الجسم والقلب الجـريـــــح


سجةٍ في العمر يبقالها ذكر ومجـــال

.................... خير للي من شوف ناسٍ سرايرها تبـيـــــــح

ناس مايسوون في المجتمع ربع الريال

.................... بس سار الوقت معهم على الشكل الصحيـــــح

ماشكوا ضيـم الدهر ماشكوا ضيم الليال

.................... كل منهم عايشِ بالسعاده مـسـتــــــــريـح

وخيرللي من شوفة المدن مسراح الجمـال

.................... عند ذودٍ تقطع البيد والراعي صليــــــــح

في زهور العشب مشي القدم راحات بـال

.................... يسـتريح البال والهم عن قلبي يـــزيــــح

خص لآمن شفت بيت الشعر تو الحــــلال

.................... في طرف وسميةٍ نبتها زهرِ وشيــــــــــــح

وخص لآمن شفت ذيك المناره والـرجـال

.................... حافرين النار ماولعوها في الصـفــــيـــح

والحطب من سمر والسمر عيدانه جـلال

.................... والسمر لآناشت النار عوده زج ريـــــــــح

البداوه حبها في ظمـيري لآيــــزال

.................... حبها ثابت على القلب لآيمكن يطــيـــــــح

مستحيل انسى ونسيانها والله محـــال

.................... حبها في القلب مايمسحه نصح النصيـــــــح

والصلاه اعداد ماهل همال الخيــال

.................... عالرسول محمد اللي بعد عيسى المسيــــــح

تمت: حسن المسعودي

وخص لآمن شفت ذيك المناره والـرجـال

.................... حافرين النار ماولعوها في الصـفــــيـــح

والحطب من سمر والسمر عيدانه جـلال

.................... والسمر لآناشت النار عوده زج ريـــــــــح

البداوه حبها في ظمـيري لآيــــزال

.................... حبها ثابت على القلب لآيمكن يطــيـــــــح

مستحيل انسى ونسيانها والله محـــال

.................... حبها في القلب مايمسحه نصح النصيـــــــح


لااااام الله من لااااامك

عز الله انه بدوي

قصيده عيشتني حياه خاصه

صح لسانك



الفــارســـه

صح لسانك ..

خلك من نصحهم دربك هو السنع ..


والله إنك وصفت اللي في خاطري وكنا قد تخاوينا..

يخوي لا يكون أعرفك وأنا مدري ..

سجلني معك في الطلعه الجايه..

صح لسانك ويعطيك العافية اخوي حسن المسعوودي قصيده تستاهل الحفض والالقا في مجالس الغانمين ــ وعلى ذكر المقناص الضاهر انها هوايه اغلب الشعراء وسمح لي ان اذكر ابيات قلتها في ( البدن ـ الوعل ) بعد ان سمعت من كبار السن كيف كانو يصيدونه !!؟؟
ـ
ـ
ـ
ـ
ابو القرون الداكنه ربي احياه
ـ ـ ـ ـ ـ ـ ـ ـ ما كل زرف ثار خلااه دامي
لاهو من العفري ولا بيوم خاواه
ـ ـ ـ ـ ـ ـ ـ ـ ولا يشوقنه عيون الادامي
غايت مرادة والمنى يتبع اشياه
ـ ـ ـ ـ ـ ـ ـ ـ لا سار ( سايق ) ما يتهنى بمنامي
يتبع اثرهن لو تعثر بماطاه
ـ ـ ـ ـ ـ ـ ـ ـ في سودها وهضابها والتهامي
يجيبه اللي عارف وين ممشاه
ـ ـ ـ ـ ـ ـ ـ ـ اللي خبير وبالركادة افهامي
اما يجي بمطايب الريح وعداه
ـ ـ ـ ـ ـ ـ ـ ـ ولا طلق من مبعدات المرامي
الى منها ثارت بلا شك ما اخطاه
ـ ـ ـ ـ ـ ـ ـ ـ يلقاه طايح ينزف الدم حامي
يفرح به القناص لحضة ما ذكاه
ـ ـ ـ ـ ـ ـ ـ ـ ينسى التعب لو كان وسط العضامي
ثم ينقله من بعد ما ينضف احشاه
ـ ـ ـ ـ ـ ـ ـ ـ حمله ثقيل ولا شكته القدامي

عبدالغني



[تم تعديل الموضوع من قبل العطوي بتاريخ 06-05-2001 الساعة 09:17 AM]

اختي الفارسه صح ابدنك ومشكوره يالغاليه ولآهنتي اكيد
إنك إبدويه وإلآماكان شدك اسم القصيده شكراٍ لك على الأسبقيه

في الرد يابنت الفحل . ياطعم العسل.

تحياتي
حسن المسعودي

اخوي قلب الذيب الله يصبح بالخير ومشكووووووووووووووووور

يالغالي ولآهنت ياشوق البنت


وخوة النشمي مثلك وشرواك نشريها الله يحييك في طلعه اخرى

وقصيده اخري لآهنت لآهنت لآهنت


حسن المسعودي

......




ياسلام عليك يالمسعودي..





قصيده ما أحلا منها .. الا تمني راعيها





صح الله السانك يالقرم.

وينك يالعطوي خذ هذه الكلمه بيض الله وجهك في ردك وفي

قصيدتك لك مني اجمل التحايا


حسن المسعودي

ماشاء الله تبارك الله

هذا والله القصيد

عز الله انك رديت فينا الروح يخوك ووديتنا جو ثاني


صح لسانك ولا هنت وتعرف رايي فيك ياشاعر


خوي المطاليق

اخوي المتنبي (ابو علوش ) الله يمسيك بالخير ياوجه الخير

ولآهنت ياشوق البنت ردك جميل ولآعليك وود انت الرايع


اخوك حسن المسعودي

مرحبا يابو عبدالله والله يعطيك العافيه طيلة الحياه ياخوي

المطاليق ولاعليك زود ياظافر تقبل تحياتي


حسن المسعودي