Tweet
السلام عليكم ،،،، هذا جديدي ،،، أتمنى أن يروق لكم
[poem=font="Simplified Arabic,6,indigo,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
يا كبر همـي ويـا كبـر الأمانـي =
أمشي ولا أحسب تواريـخ الزمانـي
وأجدد احلام عمـري كـل ساعـة =
وألقى مكاني مثل مـا هـو مكانـي
يا صاحبي والعمـر حلـوه ومـره =
ذقته قبـل لا يصيـر العـود حانـي
دنيا ً تغرر عزيـز النفـس حتـى =
يطير بشتـه علـى متـن السوانـي
وأشب ضوي على جالـي وأغنـي =
رضيت لو هي على جـال المحانـي
رضيت قسمي ورسمي يوم أنا أسمي =
ظافر / وأعرف المراجـل والمعانـي
وأخذت من دنيتـي عبـرة كبيـرة =
نفسي عزيزه ولا ارضى بالطمانـي
واللي يحداني على الضيقات جعلـه =
تضيـق بـه دنيتـه حتـى يعانـي
ويمـل ثوبـه ويقطـع زر ثـوبـه =
حتاه يدري وش اللـي بـه رمانـي
هو ما حسـب للكـلام ولا لغيـره =
ولا حسـب للـرفـاق وللعـوانـي
مـا كـل قـول ٍ تمـرره الميانـة =
ولا كـل فعـل ٍ تمـرره الثـوانـي
وأنـا علـى قولتـة: للكـل حـده =
بعلمـه وش حـدودي وقـدر شآنـي
حتى يشـوف الخطـا قـدام عينـه =
ويذكـر زمـان ٍ تعـداه وحـدانـي
حادي وروض المطايا مـا وطاهـا =
من غيم عمري سوى هـم وخذانـي
لكني أبقى مثل مـا النـاس شافـت =
همي وأعرفه إلى من رحـت جانـي
وما يعني أني حزين ودوم حزنـي =
بضحك بوجه الذي ( فعلا ً ) نسانـي
ولا نيب ناسي رفيـق ٍ لـي مـود ٍ =
لمـن تشاغلـت بظروفـي نصانـي
هـذاك والله علـى طيبـي لحـده =
أما لقيتـه علـى الطيـب أو لقانـي
دام الوجيه العزيـزة فـي دروبـي =
ما همني النـذل لـو حتـى رجانـي
بعيش في كيف عمـري وبمزاجـي =
الله خلقنـي كــذا والله عطـانـي
وأنا على نعمـة الله عايـش ٍ لـه =
أبطيـب ربعـي وكفـي وبلسـانـي
ولو جفت أعروق حلقي بكل وقتـي =
أموت ظامي ولا أرضـى بالهوانـي
ولو عاشت الناس بغـرور وتكبـر =
إن كان ما فيـه واحـد فيـه ثانـي
والخير ترك البشـر كـل ٍ وفالـه =
محد ٍ على بـاب رزقـي ويحمانـي
كل ٍ على فـال حظـه وبمصيـره =
ومن عاش أناني يجيه أمحـق أنانـي
لكن نصيحة ومن بـاب التجـارب =
لقم عدوك (حصى!) والعمـر فانـي
فطين وأعرف كلامي ووين رايـح =
ما نيب مصـري ولاحتـى ايرانـي [/poem]
وسلامتكم
[/align]
تعليق