طعم الفواله على فاقه

اخواني النداويه والنداويات والزوار
هذه القصيده موجهه لشاعر الحكمه
عبد الله الطلحي...
ارجو ان تحوز على القليل من رضاه ورضاكم..


[poem=font="Simplified Arabic,5,,normal,normal" bkcolor="transparent" bkimage="" border="inset,8," type=0 line=0 align=center use=ex num="0,black"]
راكب اللي سايقه ماثنى ساقه= معجبه عقب الغلا رخص بنزيمه
ابيضٍ يشعى القلوب بتلهاّاقه= مار نص الناس مزرٍ عن القيمه
المراتب جلد ووساع ورقاقه=كنها مجلس كريم لمعازيمه
وعاج طبلونه قدم عين سواقه= كن برّاق الحيا في مقاديمه
ونش..هزّاز.. وعلى سقفه الطاقه= كاملٍ وصفه ولافيه ترهيمه
في شطرطونه قليّل تزيراقه=وفي قزازه عن لظا الشمس تغييمه
ان تفقيتّه يعجزك ملحاقه= وان قفاك يطوف لو ماوصل تيمه
مصنع اليابان زوّّّد من الطاقه= ضاعف انتاجه وطوّر تصاميمه
يعطي الشعب السعودي على اذواقه= لين وصل الحد الاقصى لتفخيمه
قلت يوم انه شعاني تمطراقه= صانع الفكسار في حق تكريمه
يانديبي فوقه النفس مشتاقه= ياعسى دربك تقسّم مغانيمه
رح من الدمام والنور باشراقه= وقبل اذان العصر وانته ورى الزيمه
نحرّه من يكسب الناس باخلاقه= من رجال الدين والشعر والشيمه
بلّغ الطلحي من القلب واعماقه= عد ماذعذع هوى النود تسليمه
طعمها طعم الفواله على فاقه= وريحها وردٍ تفتّح مناسيمه
قله الدنيا كذوبه وبواقه= ماتطاوعله على حسب تنظيمه
والنشامى للمواجيب سباقه= والغلا حبلٍ توثق ملازيمه
ينوصل من شوفته شف وشفاقه= وينقطع من شوفته قاعٍ وخيمه
يابو ناصر هرجة الرجل ميثاقه= والوطا سيله تعقبّته الديمه
راجع التاريخ واقر آخر اوراقه= لايروح شداد ريمه ورى ريمه
ماابتدعناها من الباب للطاقه= الوعد ماهوب صكه وتنعيمه
من نوى بالخير مولاه ماعاقه= وكل خير يبارك الله بتقديمه
يوم ثلثين الشواعير ملاقه= يرسلون لمن يمسسّ مرازيمه
سقت لك من واحة الشعر كم باقه= والمعلم نقتبس من تعاليمه
غن طرقك والطواريق منساقه= واول الطاروق واتلاه تسليمه
طعمها طعم الفواله على فاقه= وريحها وردٍ تفتّح مناسيمه[/poem]

ياسلام ياسلام..
هذا الشعر اللي له طراه ..وينومس من قاله ويسعد من قراه....
صح السانك وبيض الله وجهك .يابو مشاري


لك تحياتي

صح بدنك وشرفتني يابو مهنا

لاعدمتك

ارحب ياهادي ابن سعيد

صح بدنك وهلا وغلا

أخوي الشاعر سعود الدهيمي


أجدت في والوصف وأبدعت


أستمتعت في قرائتها


أقرا وكأني أشاهد الفكسار أمامي

والنشامـى للمواجـيـب سبـاقـهوالغـلا حبـلٍ توثـق ملازيـمـه

صح الله لسانك ودام نبضك

ولاهنت


تحياتي

صح لسانك ياعلي ولاهنت

سعد الحويماني

صح بدنك

ولاهنت

ضاوي

صح بدنك ولاهنت

ابو عقاب لاعدمتك

صح بدنك ولاهنت

اخوي

صالح ال شنيف

صح بدنك وهلا ورحب

اخوي
خالد ابن عياش
صح بدنك ويامرحبا

عبد الناصر
هلا وغلا

صح بدنك

هذااااااااااااا القصيد

والا كلن يكبر مخدته والله

صح لساانك ولاهنت يا ابو مشاارى

والله يبطى براسك والله

صح السانك يا سعود

لاهنت حضور متميز

تقبل تحياتي

اخوك بن حيان

علي ابن ذروه

هلا وغلا
صح بدنك

الله الله الله الله

صح الله السانك ونعم المادح والممدوح

أبداع منقطع النظير

سجل إعجابي لاهنت