الشاعر القدير /حمد الاسعدي فى قصيده وردها.

الاعزاء من الاخوه والاخوات...............تحيه طيبه

فى واقع الامر ان الشاعر القدير/حمد الاسعدي لم يوجه القصيده

لى مباشره ولكن طلب منى رائى فيها ولاننى ادرك مايرمى اليه


كان لابد من الرد بقصيده.

يقول (حمد الاسعدى)

الراس مطلوبه عسير المنالي ## والقلب ماله غير خله مطاليب


كم من جواب مالقاله سوالي ## وكم من سؤال نطرحه ماله مجيب


يابنت رمشى شيبته الليالي ## من كثر ما سافرت بين التجاريب


شيء تملكته وشيء غدالي ## وشيء خذاه الوقت غصب بلا طيب


من دون ربحي ماحصل راس مالي ## والفضل لله مالقيتي عذاريب


مالا تحب النفس لوكان عالي ## ماله مكان بين عوج المحاديب


والعذر هلت عبرته مالقالي ## ظل يجنبني سموم اللواهيب


خلاني اقعد فالمهامه لحالي ## مثل الغريب اللى بليا تغاريب


مثل الشمال اللى جفاه الشمالي ## قلبه معلق والليالي مناضيب


يابنت قلبي مابقى فيه تالي ## الا لغضات الصبايا الرعابيب


اللى غلاهن فالهوى سم حالي ## غيد لحقنى من هواهن عواقيب


ياليت قلبى فالهوى مايبالي ## لو ترسل الطرقا نظرها مكاتيب



---------------------حمد الاسعدى--------------------------

صدى متواضع.


الراس يسلم ياكريم السبالي ## والله مانرضى لراعيه تعذيب


يالاسعدى تيشر بجاهى ومالي ## افزع ولو مارسلت يمى مناديب


قريت من نظمك بيوت جزالي ## والذيب لامنه عوى جاوبه ذيب


يالاسعدى شىء طرالك طرالي ##والوقت يبرمنا سواة الدواليب


اواه وقتى ياحمد ما صفالي ## شيب رموشى مثل ماصابك الشيب


واللى جرالك يابوماجد جرالي ## اصبر ترى دنياك هاذى تعاجيب


والله لالا صبرى وقو احتمالي ## انى على قول العرب لشلح الجيب


هذا الهوى يسقيك مر وحالي ## هذا الهوى العذرى ولا فالهوى عيب


من حب ليلى قيس صابه هبالي ## ومات الدجيما مانفع فيه تطبيب


مير اطلب الوالى عزيز الجلالي ## مافيه مظلوم دعا الرب ويخيب


وانت المجرب مايفيدك مقالي ## تختار ماتحتار بين الاساليب


شاعر خيالك منه يكسب خيالي ## كفؤ كفؤ ياللى فتلت الاشانيب



---------------------مطر الروقي--------------------------

ياسلام على الاسعدي حمد الشاعر اللي سمعت به كثير وقريت له ولكن ما بعد قابلته

وياسلام عليك يامطر القصيد ابداع غير مستغرب جاريت الاسعدي وابدعت مثل ما ابدع وترانا نحب علوم المطاليق شرواك لا تقطعنا منها





اخوك/عبدالله

[شلاع]

الشاعر القدير : مطر الروقي
صحيح مايجي من الطيّب الا الطيّب .
أبدع الشاعر المعروف الشاعر العذب حمد الأسعدي
وأبدعت أنت.
ابداع+ابداع =قمّةالمتعه لمن ينشدالعذوبه في الكلام.
تسلم
تسلم
تسلم
وارجو الاّتحرمنا من جديدك.




وتقبّل تحيات اخوك شلاع.

اخوى.............عبد الله الشهرانى


عادتك الوفاء........واشكرلك


ولاعليك زود وانت المبدع على الدوام.

اخوى...................شلاع


حياك الله ولاعليك زود........كلامك يدل على نبل اخلاقك

لك التحيه.

الاخ الشاعر الموهوب مطر الروقي

صح لسانك صح لسانك

وقيصده الرد منك رائعه واللي اروع منها قصيده حمد الاسعدي

نعم بك ونعم بالاسعدي

تقبل تحياتي

اخوى...............سرحان

صح بدنك

وماقلت الاالحقيقه فعلا انا حاولت مجارة الشاعر القدير حمد الاسعدى


لك الشكر على الاطلاع.

الاخ العزيز مطر الروقي

السلام عليكم ورحمة الله وبركاته


صح الله السان حمد الاسعدي والسانك يامطرعلى الصوت ورد صداه


اتيت لتسجيل اعجابي بما تكتب يالروقي

تحياتي لك اخوك

تســــــــلم يا مطرالروقي و يســــــــلم الشاعرحمد الاسعدي

مزاجله شعريه من الوزن الثقيل

مشكورين

اخوى...العزيز..........وقاد

وعليكم السلام ورحمة الله وبركاته

صح بدنك..........واعجابك يشرفنى دائما.

الشكر لك.