يفضل موته بطلقة رصاصه|||ô|||ولا يشنق وشعبه حاضرينا

[poem=font="Simplified Arabic,6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black"]



على الأطلال يا (19 أد27) بكينا=وصفا دمع العيون ولا صفينا
تغيب الشمس في غُرة جبينك=وتوارى والشفق الاحمر يبينا
ولا بان القمر جالست ضيه =يعللني وانا قلبي حزينا
تسلينا الأماني ولا قربنا =وتبعدنا الديار ولا سلينا
وبيوت الشعر من بينك وبيني =مراسيل الهوى للعاشقينا
وشّفي شُرد افكار الخواطر=وحذرات ما جفلها فطينا
أجيها من يمين ومن يسارا=وتجيني من يسار ومن يمينا
وف رمشة عين تدفى من ضلوعي =وفي ردتها تناجيني دفينا
وتداعب من ورى هدف المحاني =ولا ا دوى الليل هجرع يالحنينا
تهيض مابقلبي من مشاعر=وتبيّح مابسدي والكنينا
وبحور الشعر لا هاجت وماجت =رسيت بها وغدت شط ومينا
واقد امواجها عرضً وطولا =وأغوص اعماقها بعلمٍ يقينا
ولاأظهر غيّر بالدرّ النوادر =وآداري عيونها من الناقدينا
قصيدي ما نظمته قصد شهره =بتواضع غير فوق الشامخينا
وقبوله من فضل ربي تعالى =ولا اصخي به لغير السامعينا
انا رجال وآثمن كلامي =ودور للمجمّل والسمينا
لك الله يا زمن وش عاد باقي=غزو حمر الخدود ولا غزينا
سقي عصر النبي محمد وآله =يا خاتم الانبياء والمرسلينا
من اشراف العرب وأسياد مكه =وّرد ذكره بصحف الأولينا
نبيً طهره رب البريه=وجاء من بعد عيسى بخير دينا
شفيع الخلق في يوم القيامه=شفيع الاولينا والآخرينا
على خُلق عظيم وحُسن خلقة=وشهد له قول رب العالمينا
وأبيض وجة ومشبع بحمره=وسط مربوع مابينا وبينا
وضخم الراس وأعجز عن وصوفه=وحثيث آخطى وعريض المنكبينا
نبي الله رسمه الله بصوره=ما ترسمها يدين الراسمينا
على آخر زمن مدهون مترس=لقيطه يعترض للطاهرينا
حُذف ليلة كرسمس في كنيسه= أوبخمارةٍ بين أسفلينا
وربا بين التبني والملاجي =ومن الخنزير وصفة في صفتينا
سماجة وجهه تحالي لدبره=وعليه الله وخلقه غاضبينا
ولعنه الله وامه يوم جتبه =وعليه يحل لعـن اللاعنينا
أظنه هكذا لا حسنت ضني =وبريه ذمتي من الوالدينا
وغناته من ذنب الابقار جاته =وحنا من دنس يده اغتنينا
صبرنا والصبر لا زاد حده=قضى ولبة على اقوى الصابرينا
الايام اهي الايام بعددها=وعيب ايامنا منا وفينا
تغيرنا وزمنا ماتغير=ومصايبنا من انفسنا ويدينا
ونعيب الغرب ونقلد طبوعه =وصرنا من طبوعه عايبينا
خذو منا ما نملك من فضايل=وحنا من رذايلهم خذينا
غنمو منا وحاشو ماكسبنا=ورجعنا منهم بخفي حنينا
دُمقراطية من بوش تُفرض=ويرسل رايس وتمشي علينا
وتفرالجامعه تأمر وتنهاء=ورحاها تطحن حبوب الطحينا
وهو في البيت الاسود قردً اشهب =ونجي لامر الولايه طايعينا
ولا فر الصيد بّين يا حجلنا=غدى لرماقته صيدً هوينا
يحطونه مثل صدام وأعدى=هذا مضرب مثل للي يعصينا
يفضل موته بطلقة رصاصه =ولا يشنق وشعبه حاضرينا
شبعنا من الزهادي والمهونه =وشرقنا با المهانه وآرتوينا
ومّلينا التصاريح الغبيه=واطولها لسان الخايبينا
كراتينً على الشاشة تحرك =تجزر وقتها والغافلينا
على لعب الدقون امسح وسامح =ونجاملها ونقول مصدقينا
دبر تحت الوبر والخير ظاهر =وتخفي الشر والحقد الدفينا
وألاريا اذناب عيس مقفياتِ=ما تدري عن وجيه المقبلينا
وأطوى سقاك من بلة ونضحه=ولو فالعد ماء اسقى الواردينا
ألامثال لذهين العقل أدله =نتجاهلها وحنا خابرينا
نجي مليار مسلم يامشاء الله=ولا نمنع قراد شب فينا
جلم ماتحذفة حتى بحجاره=ولاتجمع حصى للحاذفينا
هُدر دم العرب والعرض يهتك =ونشوف الموت غبن وصامتينا
رضت حمرالنعم فينا المذله =وحنا بالمذله مارضينا
عرب وين العرب وسم العروبه=غدى عز العرب منا وغدينا
غدو بين النوادي والمراقص=وبين الخمر والحانات حينا
تمايل روسهم فيها سُكارا=خُشب ومسنده ومنافقينا
على نغمات يادآن لادآنا=وسرى ليل السمر يا سامرينا
نسو الله ونسّاهم وبتلاهم =وعليهم سلط اطغى الضالمينا
ولا أعم الجميع بمحض قولي= ولا آروج لقول القايلينا
لا زال الخير في الأمه نحسه = لاكن الاغلبيه ملتهينا
وانا مقصر وغارق في ذنوبي=لاكن أحب نهج الصالحينا
الا يالمعتصم ماآرثت يوماً=صميدع راس بآسه مايلينا
يفور الدم في صدره وراسه =من القدس وبلاد الرآفدينا
ويحيي لصرخته نخوة ضميرٍ= ذبحه الذل من غبر السنينا
وصلاح الدين ما ينُجب شبيهه=يجي ويشوف حال المسلمينا
يعيد امجادنا والي فقدنا=ويطهر قدسنا من الغاصبينا
ماأخذ بقوة يرد بمثيله =بنار مشوك وبالمارتينا
يقود الامه بخيرٍ وشرا=ويهدم مابناء المستعمرينا
عساها تقنبع الدنيا بشراره =نموت بعز وشنا خاسرينا
وتثور اقوى البراكين بحممها =وتزلزل من تلابيب لسينا
بليل أسود من الكُحل جنحه=وصباحه يالنا ولا علينا
سقى عصر ام تينه من يعيده=ماعاده غير محيي الميتينا
الا يالله تعز الدين يالله=بعونك يالله ونصرمبينا[/poem]


محمد العاطفي

شاعرنا محمد العاطفي



صح لسانك تريليوووون ولايكفون




لله درك يابن عاطف جزله من راس جزل وسنافي



استمتعت بتصفح هذه الرائعه



عساك على القوه وعساك سالم




سجل اعجابي بشعرك وشخصك الكريم




ولك تحياتي واحترامي

صح الله لسانك على هذه المعلقه يامحمد




كلام من ذهب

وقصيده تفوق الوصف والخيال

صح ألسااااااااااااااااااانك يالشاعر.

محمد العاطفي

صح لسانك وعلا شانك


تحاياي

((يفضل موته بطلقه رصاصه,,,,ولايشنق وشعبه حاضرينا)) ياليت

الله الله الله

يالعاطفي

صح السانك

كفيت ووفيت

قصيده تصور واقع الامه

دام ابداعك لاعدمناك

يامـــحمــــــــــــد


تحياتي لك

أخوي محمد العاطفي

صح لسانك وسلم فكرك وبيض الله وجهك

قصيده جزله ورايعه بروعة حضورك

وافيه من راس وافي

لاخــلا ولاعـــدم

لك فااائق احترامي وتقديري

صح السانك يالعاطفي

رائعه من شاعر رائع

تقديري

العاطفي صح السانك ولاهنت شاعر مبدع ومتميز





تحياتي لك

يسلم فمك يامحمد
هذي معلقه
وكلامها ثمين ويعوّر فالقلب
قراية وافيه للأحداث
وتشرح حال الله يعينا عليه
سلمت يمناك ولاعدمناك

هادي بن عسكر


مرورك فخر لاهنت وجمل الله حالك وصح بدنك يالغالي






دام عزك





تحياتي وتقديري

صح الله لسانك على هذه المعلقه يامحمد




كلام من ذهب

وقصيده تفوق الوصف والخيال




وأنا أقوله



الله يرعاك

سعيد الحازبي


لاهنت وصح بدنك وتواجد ك فخر لاعدمتك









تحياتي وتقديري

سعود بن هديان





هلابك وغلا وصح بدنك ولاهنت يالغالي










تحياتي وتقديري

محمد العاطفي

صح لسانك مليون ياوجه عبدالله

اشهد لله ان هذا الشعر الجزل الوافي

اللي يوقف له شعر الراس

كلام واقعي منطقي قصيده تحكي واقعنا المرير

دمت يامبدع