حب الشرف تاج وضعته على الراس

اعزاي اسرة منتدى النداوي إليكم هذه الابيات راجي ان تكون في مستوى المنتدي أمل تنسيقها





(حب الشرف تاج وضعته على الراس)

لأعاش من يرفع على راسـك الراس
ا نا شموخي في غرامك تواضع

وتواضعي من شان حــبك تغطراس
احسـب الثنيتين سبع السوابع

عندي تبجاح المهــلهل وجساس
نطــاحة الواجب كبار الروابع

من حب مثلك راحت أخماسه أسداس
معاد حـــسب ناقلين التوابع

اعد نفسي في ازرق المواج غطاس
وقفتنا بــين المحـيطات قابع

اناعليك يجيني اشــعور وحساس
وابصم على حبك وبعشر الأصابع

ياللؤللؤ المكنون ياجــوهر الماس
يالبدر ياللي بــين عاشر ورابع

خذيت من فجر الصـبا نور وأنفاس
من غرة فيـــها الكواكب تتابع

ومن السحابة تأخذ اللوان و نفاس
وللــبرق في خدك رموز ومنابع

ورموش عين كنها صـفت الناس
في عيد الاضحي في وسيع .......

ياكامل الأوصاف ياطــيب الساس
ياخــــيرتي من لابسات البراقع

من الاعشق مثلك للــياليه دراس
يرتاح من كــــثر الشقا والمتابع

حب الشرف تاج وضعته على الراس
مايطــبعه بين المحــبين طابع

صح لسانك شاعر متمكن
ولو لي ملاحظه ان اخر القصيدة تغيرت القافيه خصوصا انك ثبت ثلاثة احرف (ابع)
هذا يقلل من القصيدة خصوصا ان القصيدة طيبه جدا
تقبل التحايا

[ALIGN=CENTER][/ALIGN]

ياكامل الأوصاف ياطــيب الساس
ياخــــيرتي من لابسات البراقع

من الاعشق مثلك للــياليه دراس
يرتاح من كــــثر الشقا والمتابع


مبارك


صح لسانك وصح قلبك

قصيده من اروع ماقرات مؤخرا


لا هنت ولا هان هذا الحضور الغالي



مشهووور....

الشاعر مبارك بن سيف الدوسري


صح لسانك


قصيده طيبه ومفردات رائعه


استمتعت بتصفحها


والله لايهينك يامبارك الدوسري


لك التحيه والاحترام

أخوي ابو خالد

صح لسانك وسلم فكرك وبيض الله وجهك

قصيده جزله ورايعه بروعة حضورك

اسلم وسلم على من معك

لك فااائق احترامي وتقديري

الرد مكرر على الموضوع

صح لسانك يالدوسري



قصيدة وافيه ولا يلحقها كلام من وجهة نظري المتواضعه



أجدت والقافيه موزونه بتسكين العين



لك مني أحمل تحيّه

مبارك بن سيف الدوسري


صح لسانك ملاااااااااااااااااااااااااااااااااااااااار


تقبل تحياتي وتقديري


حمد

مبارك

صح السانك ولاهنت


قصيده رائعه من شاعر اروع


لك تحياتي

اخي القت شكر الف علي المرور ونقد وافي يستفاد منه ولك تحياتي

ودمت بخير والجميع

عزيزي العضياني تحية من اعماق القلب وبيض الله وجهك على المرور

وسلمت يدك ولاهنت يالغالي

ودمت بخير

شايع العيافي مرحبا الاف وسملت ولاهنت على المرور وبيض الله وجمك وبك نقتدي

ودمت بخير

اخي هادي العسكر شكر الف وملايين على المرور الممتع الذي يعد من اكبر الدوافع لي

لك فايق احترامي وتقديري وبيض الله وجهك وسلمت يدك

ودمت بخير

ابونواف شكر شكر شكر ملايين علي مرورك وكلامك اللي يشرح الصدر وبيض الله وجهك يالوافي

ومن باريس لك اجمل باقات الحب واللورد المطرة بالحب الصادق والنابع من الاعماق

كل الزملا يسلمون عليك وعلى السعودية

والشعب السعودي

بيض الله وجهك

وسلمت يدك