Tweet
السلام عليكم يا النداوية / تقبلوا هذي المتواضعة
صلوا على النبي
[poem=font="Simplified Arabic,6,royalblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
يا الله يا رب السماء نافض الريح =
وآلي عروش الأرض محيي عماره
مرسل رسول الخلق من دون تصريح =
يفعل يشاء / فيما خلق ( بإقتداره )
الله عظيم ونور نوره مصابيح=
قد علم الإنسان معنى الحضارة
يا ( جل ْ شأنه ) في السحاب المراويح =
والمجد ( شأني ) والزمن بإنحدارة
أكبر من النسيان ذكر التباريح=
يا الله يا مهدي القلوب الحيارة
دنيا ( ويعني أيش ) دنيا المراجيح=
طال أنتظاري / غيري ( طال أنتظارة )
صدري وطن يا ذاكرين التسابيح=
وجفني غشاه الدمع وأغرق خضاره
لو كنت مثل الغير بلساني (الشيح)=
ما شفت دربي لأسود الحظ شارة
دربي بعيد وكل ممشىً له أمطيح=
المشكلة لا طحت عند المغارة
في ليلة ٍ ظلمى وأقول الطحاطيح=
قفوا وخلوا في علوي منارة
مكسور لا والله ولا لي مصاليح=
يا اللي تقول أني كثير (.........)
مثله ليا جت في مساعيه تلميح=
ذريت في عينه رماد الزقارة
أمن أول ٍ يتبع لي الشور ويسيح =
حظه قليل وبان فيه أنكسارة
مكسور لو وقف على قمة الديح=
مليان هم وفي عمارة دمارة
ملللعون خِلق / يصيح ويرد ويصيح=
(ذنب) ولا جا في صفوف الصدارة
خل الصدارة للوجيه المفاليح =
اللي مراجلهم مراجل صقارة
ماهي سوالف سب / كذب وتنابيح=
يا اللي بوجهك شعرتين أستعارة
(يا عم) فارق لا تزيد المجاريح=
خسارتك لا تحسب أنها خسارة
إن كنت فاضي لا تزيد المضابيح=
رد اعتبارك وأعتبرها شطارة
هذي (شطارة وقت) تحتاج توضيح =
خذها دبل خل الخطى وإعتذارة
قد قالها قبلي العطاوي *(شليويح =
نفسي على قطع الخرايم) مهارة
(لا قلت الوزنة وربعي مشافيح=
أخلي الوزنة لربعي) نعارة
لا تستحي وإن جاك علم المساريح=
ضميان والدنيا لها فيك غارة [/poem]
وسلامتكم يا النداوية
[poem=font="Simplified Arabic,4,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
* يا ناشد ٍ عني تراني شليويح=
نفسي على قطع الخرايم عزومي
لا قلت الوزنة وربعي مشافيح=
أخلي الوزنة لربعي وآشومي[/poem]
الصايرة اون لاين
تعليق