Tweet
أخواني اعضاء هذا الصرح الشامخ
أقدم لكم هذه الأبيات راجيا من الله ان تنال على رضاكم
[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]أقدم لكم هذه الأبيات راجيا من الله ان تنال على رضاكم
ذبيت رجمً كايداتً مراقيه=رجمً رفيعً يسعد النفس مرقاه
نبت الخزامى منتشر في نواحيه = أنا أشهد أنه غاية القلب ومناه
قلت أسعد القلب المشقى وأسليه = وأجعله ينسى الحزن والهم ينساه
وأشفي جروحه كلبوها وأداويه = وأثري عطبت القلب وأنا أقصد دواه
سويت مثل اللي يقال المثل فيه=بيكحل الأعيان بالكحل وأعماه
تعب الفؤاد وكدر الهم صافيه = وزادت جروحه والحزن عم فارجاه
حسبي على اللي كل ما حل طاريه=جدت جروحً داخل القلب وأعياه
له منزلً في داخل القلب بانيه=خلط الغلا والحب مع طينه وماه
قلبي بحبه رب الأرباب باليه=والله يعين القلب ياكبر بلواه
تذكره قلبي وهو كان ناسيه = يوم اعتليت الرجم جددت ذكراه
ودلت عيوني صافي الدمع تفضيه=عله يخفف ما بقلبي ويبراه
هذا زمنا لازم انا نجاريه=نصبر عليه وما حكم فيه نرضاه
نحرص على حاضره ونكب ماضيه = ونبني لنا مجدً قديمً هدمناه
يأهل الوفاء من يسمع النصح بأهديه=نصايحً تنفعه في عرض دنياه
قد قالها عودً زمانه معنيه = يبغى اللذي لاقاه ماعاد نلقاه
قلبك حذاري لا تكثر تمنيه =ما كل متمني لقى ما تمناه
وأنصحك من كثر الزعل والمشاريه = من كثر مشروهه ترى الناس تشناه
وان عارضك مقرود خله واراضيه = خله بتبزاك الوسيعه وتبزاه
ولا لا توعد واحدً وانت ناويه = وحقق لقلبك لا لزمته نواياه
وعلى الكذب حذرا لسانك تجريه = واصدق ترا في الصدق يالذيب منجاه
وقلبك على الشدات لازم تضريه = حتى الخطر لاجاك تقدر تحاشاه
وان ضاق صدرك وأصبح الهم طاويه = فادع الله المعبود منشان يجلاه
نبهت انا اللي يسمع النصح تنبيه = أحدً وصله النصح وأحدً تعداه
كلً معه قلبً وعقلً يقديه = وكلً حسب عرفه رسم خط ممشاه
كم واحدً للطيب يحفي مواطيه = يبغى فلان ونعم لاحل طرياه
قلبه على الطيب وعلى العز حاديه = والنوم لأجل الطيب ماعاد يهناه
منه يرد العلم ويعود إليه = ومن بار به وقته وعناه ينصاه
وكم واحدً درب الشكاله معاديه=وبأسم المهايط ياهل العرف سماه
جنسه ومن مثله عسى الله يفنيه = نقصً وجوده هو ومثله وشرواه
قلته وقلبي مطرق الهم كاويه = والحزن بحره وسط قلبي ومرساه
الله يعين القلب والله يشافيه = ويكتب له من الحزن والهم منجاه
وأختامها تعداد فرضً نصليه = واعداد ما جا في زبوره وتوراه
صلوا على اللي مابه أحدً يساويه = شفيعنا لا سكرت كل الأفواه[/poem]
وسلامتكم
تعليق