الصاحب اللي ماتنومس خوّته...الله يسهل خطوته كانه نوى ؟

نوض الحزن شعشع وهلّت نوّتـه=على ضلوع الصدر والبارق ظوى
ضوت على قلبي الهموم وضوّتـه=واقتادني في جرهدٍ ذيبه عوى
أجر قافي من قهر واصوّتـه=واقول ياقلب العنا ( مالك لوى )
الصاحب اللي.. ما احكمته امروّتـه=عندي ترى لقياه وفراقه سوى
لاصار ينسا واجبي ويفوّتـه=كيف آعناله دامه لوصلي ذوى
آفنيت حالي طامعٍ في خوّتـه=واثره يحسب اني بمدته آغوى
لا والذي يحييه ثم يموّتـه=والعبد مايكتب له الا مانوى
اني ولو يمناي حبلي طوّتـه=ما امدّها لو مت وايديه الدوى
اللي يظن ان كثر ماله قوّتـه=لو صابه ادنى جرح فيني ماقوى
روتني الايام مالا روّتـه=ولايوجس .. اللوعات قلبٍ ما انكوى
اسوته في بالي الظنون وسوّتـه=واليوم نجمه عن سما عيني هوى
باصد عنه وابتعد عن زوّتـه=وان لمتني ياقلب لا ( مالك لوى )
الصاحب اللي ماتنومس خوّتـه=الله يسهّل خطوته كانه نوى .؟

doPoem(0)

علي بن مشرف

أخوي علي بن مشرف
صح الله لسانك على ماسطرت

قصدت فأجزلت وأبدعت

ولاهنت

تحياتي وودي